余詠珊辭職TVB正式改朝換代！網民：割毒瘤 執咗佢一了百了
TVB在今年年初開始進行人事大變動，分別邀請咗「獎門人」曾志偉同前TVB藝人王祖藍擔任高層，誓要令大台重振聲威。由嗰刻開始，網上已經盛傳前綜藝節目部話事人—余詠珊，以及其丈夫，曾任星夢娛樂總裁嘅何哲圖將會失勢。二月時，余詠珊被調職做業務發展部助理總經理，何哲圖亦地位不保，離開大台。終於，今日有傳余詠珊已透過電郵通知TVB高層其離職消息，今周五（30號）將會係佢last day。上半年未過，大台已經歷大地震。唔知今年會否繼續炒人潮？
Photo from 香港電台
Photo from 曾志偉微博
繼TVB前高層何哲圖喺二月成為第一滴血後，台內批評其節目質素低下嘅聲音此起彼落。今月初，連TVB大股東黎瑞同元老汪明荃都狠批大台有五大缺失，節目嚴重老化，自己都唔再追看TVB劇集。為咗令大台重回正軌，新高層疑推出「限廚令」，唔準日日都教人煮餸。節目被cut不特止，連人都要「砍掉重練」！
Photo from 汪明荃微博
舊TVB之最後大佬—余詠珊喺今日終於傳出月底離職消息。佢自2011年接掌綜藝科後，棒出多名為人熟悉嘅無線藝人，包括：陳煒、洪永城、黃翠如、陳貝兒、陸浩明等人，佢哋唔少都曾經喺亞視或有線同余有合作經驗，所以余經常被指專捧「余黨」黨員。令次連佢都走埋，絕對代表咗一個朝代嘅終結。
Photo from 陸浩明微博
對於TVB嘅舊血大清洗，網民有咩睇法？有人表示心涼，認為對無線嚟講係好事，有助改善其節目質素，甚至形容此舉為「割除毒瘤」。亦有人將余嘅「換血論」回贈畀佢，期待大台繼續換人。有網民心態更直接，認為TVB再搞落去都毫無意義，建議直接執咗佢。
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
TVB《勁歌金曲》改版後歌手需接受點評！何雁詩被狠批爆喊/洪卓立被評歌路單一
22 Apr 2021
TVB《勁歌金曲》喺曾志偉上台後成改革對象，有指新一集請嚟DJ陳海琪親自點評出席歌手嘅表現，佢超直接嘅評語甚至令歌手當眾爆喊！
Photo from TVB
TVB副總經理曾志偉上任後，宣佈改革多個節目，更與3大唱片公司「破冰」，等旗下歌手可以喺TVB節目露面。
Photo from TVB
ViuTV《CHILL CLUB》搞得有聲有色，作為同類型節目嘅《勁歌金曲》，亦要改版同其正面對撼。日前新版《勁歌金曲》正式錄影，有除咗TVB旗下嘅星夢藝人以外嘅歌手出席。
Photo from 洪卓立IG
Photo from TVB
改版後嘅《勁歌金曲》特設「音樂選民」，對出演節目嘅歌手表現作出點評，Eric Kwok更表示如果有選民話首歌唔好聽，啲歌手如何應對係其中一大看點！
Photo from TVB
有指DJ陳海琪係當日嘅「音樂選民」，佢更直接指出歌手嘅不足之處。
Photo from rthk
當日出演嘅TVB藝人何雁詩唱出新歌《灰夠》，不過就被陳海琪狠批唱功，更令佢忍唔住當場爆喊！
Photo from 何雁詩IG
Photo from TVB
唔係TVB嘅藝人亦未能倖免，出道14年嘅洪卓立表演《你那邊好嗎》，陳海琪直言佢歌路風格單一，將充滿希望嘅歌曲唱到勁慘情。
Photo from 洪卓立IG
Photo from 洪卓立IG
其實陳海琪向來好直接，佢曾經疑似批評吳業坤「終日以花絮式的娛樂新聞作為主體，售賣廉價的悲情」，不過佢後來有post出與坤哥嘅合照，澄清二人並無不和。
Photo from 陳海琪Facebook
對於鬧到歌手喊，陳海琪再次直言：「講真話姐！」，有指「星夢一姐」吳若希當日都有出席《勁歌金曲》節目錄影，但並未受到狠批，逃過一劫。
Photo from 吳若希IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
TVB大股東嫌無新意將推「限廚令」！《食平D》、《阿爺廚房》全部叫停！汪阿姐力撐：睇嚟睇去都係煮嘢食
20 Apr 2021
TVB最大股東黎瑞剛早前公開批評無綫節目唔夠創新，有指旗下嘅飲食節目全部被叫停，包括肥媽的《食平D》系列及李家鼎的《阿爺廚房》等。
Photo from TVB
TVB邀請曾志偉回巢做副總經理，立定決心要大改革節目內容，其中大股東黎瑞剛更表示公司有山頭文化，直言不滿意TVB表現，認為全台都趨向老化、製作技術落後。
Photo from 曾志偉微博
而「鎮台之寶」汪阿姐汪明荃亦表示同意，更指無綫節目睇嚟睇去都係煮嘢食。
Photo from 汪明荃IG
Photo from TVB
大股東開到聲，有傳TVB將推出「限廚令」，暫停製作飲食節目，其中包括肥媽、6號嘅《食平D》系列、李家鼎做主持嘅《阿爺廚房》等。
Photo from TVB
Photo from TVB
不過首當其衝嘅係拍《疫境廚神》、《今晚請客》嘅黎諾懿，有報道指佢原定會主持一個飲食節目，但因為「限廚令」而緊急暫停。
Photo from TVB
Photo from TVB
工作突然被叫停，黎諾懿表示會北上拍攝網絡大電影賺人仔，又坦承酬勞方面好過TVB。而李家鼎就表示唔知公司有「限廚令」，但就指唔覺得可惜，因為佢本身係演員，只要做好本份就好。
Photo from 黎諾懿IG
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
193再串TVB推「千禧五虎」硬撼MIRROR：乜呢個年代仲用咁娘嘅term？咁ERROR 要改名做四隻白虎！
19 Apr 2021
Photo from 193 IG
近日ViuTV同TVB有唔少話題，兩台嘅藝人都有被問到點睇「隔離台」，TVB有「收視福將」之稱嘅歐陽震華就指佢仲係ATV年代，暗示唔識ViuTV。
Photo from 歐陽震華微博
而ViuTV藝人亦好直接，193@ERROR之前就直言TVB係畀「老嘢」睇，又話向來唔理收視呢啲嘢，認為只係得幾百部電視機。
Photo from 193 IG
佢同隊友出席《CHILL CLUB推介榜》時就表示佢當日講完之後，有同花姐傾過咁講會唔會無禮貌，佢指花姐有提醒佢雖然講嘅嘢資料性正確，但要禮貌啲。
Photo from 193 IG
193澄清佢唔係針對任何人：「我無講志偉哥任何一句嘢，我不嬲好尊重前輩。」，佢表示：「我唔係想用『老嘢』呢個字，我係想講『老一輩』，不過衝口而出咗。」，但佢有好有承擔：「anyway，講咗就講咗。」，佢話下次會用「耆英」。
Photo from 193 IG
提到佢爆紅，IG followers急升，佢表示好開心，又指ERROR嘅節目近日多咗人留意：「希望大家繼續支持ERROR。」
Photo from ERROR IG
Photo from ERROR IG
對於獲封為「三爺」，佢搞笑回應：「我想叫『三哥』多啲，希望會有代言。」，193又直認係清泉：「我係處男嚟，但都鍾意食鮑魚。」
Photo from 193 IG
Photo from 193 IG
提到有傳TVB將推出「千禧五虎」硬撼ViuTV嘅MIRROR，193直言：「乜呢個年代仲用呢啲term咁娘㗎咩？」，隊友肥仔同阿Dee都忍唔住話：「嘩你又嚟！？」，阿Dee表示人數唔同，「對決」唔到：「5個同12個、4個點同？」
Photo from 193 IG
Photo from 193 IG
ERROR不忘搞笑本色，指佢哋可改名做「4隻白虎」。
Photo from ERROR IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
