印尼少女昏睡13日叫極唔醒！真人「睡公主」睡夢中進食兼識上廁所？

《睡公主》依個咁著名嘅童話故事大家一定睇過，喺故事嘅最後「睡公主」係因為王子錫咗公主一啖之後公主就醒番，但喺印尼就有一位 17 歲嘅「睡公主」就連王子都叫唔醒呀！

Photo from TVB

依位 17 歲嘅印尼少女 Echa 嚟自印尼馬辰 Banjarmasin ，佢喺 13 歲開始就經常出現睡至昏迷嘅情況，當時醫生幫佢做全身身體檢查，但未有搵到任何異樣，而當晚 Echa 便一直昏睡咗 9 日。

唔少人都會有一個疑問就係依個少女咁長時間昏睡，咁佢會唔會肚餓或者需要去廚所？綜合印尼媒體報導中，Echa 嘅父親 Mulyadi 表示，一開始 Echa入睡多日令其感到徬徨，亦曾多次嘗試叫醒 Echa，但 Echa 就好似昏迷咗咁，點叫都叫唔醒。

Photo from 林夏薇/IG

儘管 Echa 喺昏睡期間點都叫唔醒，但如果餵佢食嘢，Echa 就會自主性咗咀嚼吞嚥，而當 Echa 想上廁所時就會顯示出焦躁不安嘅情緒，以個時候父母只需要將佢安置喺馬桶上，Echa 就會自己排泄，感覺有少少似夢遊咁。

Photo from 龔嘉欣/IG

後嚟佢又發生過兩次長時間睡眠，一次睡咗 7 日，最長嘅一次連睡咗 13 日，而喺最近一次則睡咗 9 日，醒來後醫生診斷出佢嘅身體十分虛弱。

醫生指從 Echa 嘅症狀指出佢罹患嘅係一種罕見嘅嗜睡症（hypersomnia），又稱睡美人症（Sleeping Beauty syndrome），患者會一整天都感到疲累想睡，並陷入長時間的睡眠。嗜睡症患者很難從睡眠中醒來，如果強行喚醒患者，會令他們出現焦慮症、思維緩慢、幻覺及失憶等問題。

Photo from 龔嘉欣/IG

另外，罹患睡美人症嘅患者往往會長時間陷入睡眠，只有喺吃飯及上廁所時會醒，不過依個情況嘅醒並唔係完全清醒而係處於精神恍惚嘅狀態。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）