download HolidaySmart 假期日常 app
姜濤超豪生日禮物大盤點 新西蘭地皮/電車廣告 韓國都應援?

姜濤超豪生日禮物大盤點 新西蘭地皮/電車廣告 韓國都應援?

生活熱話 娛樂新聞
By Cheryl on 30 Apr 2021
Digital Editor

今日4月30號就係姜濤22歲生日嘅大日子！為咗慶祝姜B又大一歲，姜糖一早計劃咗一系列鋪天蓋地式嘅生日應援。當中最架勢莫過於全車印有姜濤生日祝賀廣告嘅電車「姜濤號」！香港電車公司甚至特意於社交媒體發帖說明「姜濤號」嘅有關安排。而姜B亦早於噚日下午開始透過IG限時動態感謝粉絲。

姜濤今日（30/4）正式踏入22歲喇！Photo from @keung_show 姜濤Instagram

人氣男子組合Mirror成員姜濤於今日迎接22歲生日，雖然佢仍要喺工作中度過21歲最後一天，但佢仍然無忘記姜糖今日為佢所做嘅準備。一眾姜糖早已豪擲超過50萬策劃一系列「Happy Keung To Day」應援，包括全港7幢大廈的巨型LED廣告牌、車站廣告、地鐵站廣告、電車車身廣告等，地點集中於姜濤居住嘅銅鑼灣，令銅鑼灣搖身一變成「姜濤灣」！

姜糖為姜濤精心策劃嘅廣告隨處可見，包括車站燈箱。Photo from @goroeva Instagram

@vicky_keungshow InstagramPhoto from @vicky_keungshow Instagram

無法親身同姜濤號電車打卡都唔緊要，有姜糖表示喺某雜誌都能夠捕捉姜濤身影！Photo from @ada0303 Instagram

香港電車為配合姜糖，安排咗印有姜濤廣告嘅電車「姜濤號」行駛來往石塘咀至北角嘅路線，途中亦會行經多幅姜濤廣告，不斷穿梭又名為「姜濤灣」嘅百德新街站（53E），畀乘客沿途打卡，非常貼心。香港電車解釋，由於姜B住喺銅鑼灣，佢嘅廣告亦經常出現喺依個區堿，所以百德新街站（53E）擁有此別名，更有姜糖連續三年「包起」「姜濤灣」作應援之用。

香港電車 官方Facebook專頁Photo from 香港電車 官方Facebook專頁

「姜濤號」於香港出巡，霸氣十足。Photo from 姜濤香港後援會 Facebook

「姜濤灣」並唔誇張，因為姜濤早已衝出香港，其實早喺上年，已經有姜糖於韓國弘大地鐵站透過數碼廣告欄同姜濤慶祝生日，該電子廣告欄喺Kpop偶像粉絲圈中屬熱門應援工具。今年，姜糖更帶姜B衝出亞洲，以姜濤名義於新西蘭購入一塊地皮，代表佢支持環保，再將地皮證書送予偶像。姜濤對此大感驚訝，但佢支持粉絲做善事。

上年，有姜糖集資於韓國弘大地鐵站放置數碼生日應援廣告。Photo from Keung Show Macau Youtube

得到粉絲嘅重磅厚愛，姜濤亦非常識做，早於噚日下午經個人IG發出限時動態表達對姜糖嘅謝意，分別寫道：「21歲最後一天」、「謝謝大家為我做的一切，我都有看到」，又上載口罩自拍感謝一眾粉絲，同時表示自己今日唔可以休息，要繼續出發去工作。

@keung_show 姜濤InstagramPhoto from @keung_show 姜濤Instagram

 

@keung_show 姜濤InstagramPhoto from @keung_show 姜濤Instagram

姜糖為姜B所做嘅一切，姜B全都看在眼內！Photo from @keung_show 姜濤Instagram

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【考有Feel】姜濤「成魔之路」！清純姜B為贏黑化 卸下偶像包袱玩遊戲狂出茅招

22 Apr 2021

ViuTV《考有Feel》有MIRROR同ERROR成員出演，其中姜濤（姜B）玩遊戲出盡全力，零包袱狂出茅招，更「黑化」望住「考靚」劉若寶（Polly）心口！

ViuTV《考有Feel》有MIRROR同ERROR成員出演Photo from ViuTV

ViuTV遊戲節目《考有Feel》有MIRROR嘅姜濤、邱士縉（Stanley）、江?生（Anson Kong）同ERROR嘅阿Dee、193、羅沛琪（Pinky）出演。

姜濤「成魔之路」Photo from ViuTV

其中「究竟聽咗乜」環節中，姜B更完全放下偶像包袱，令全場大笑！其中一位隊員要扮聲畀隊員估佢扮緊乜，MIRROR隊嘅姜B負責扮聲。

其中「究竟聽咗乜」環節中，姜B更完全放下偶像包袱，令全場大笑！Photo from ViuTV

佢嘅題目係「食奶嘴」，姜B首先嘟嘴表達「食」字，然後由於後面兩個仔好難用聲音演繹，主持小儀等人就提醒佢「扮用家」。

姜B首先嘟嘴表達「食」字Photo from ViuTV

點知姜B竟毫不猶豫直望旁邊「考靚」劉若寶心口，而隊友亦馬上get到答案，但偶像派姜B咁「豁出去」令隊友同其他嘉賓、主持忍唔住拍掌大笑，笑言「姜B變壞了」～

姜B竟毫不猶豫直望旁邊「考靚」劉若寶心口Photo from ViuTV

偶像派姜B咁「豁出去」令隊友同其他嘉賓主持忍唔住拍掌大笑Photo from ViuTV

「姜B學壞了」Photo from ViuTV

姜B本人都害羞掩面，事後隊友Anson Kong就指姜B當時係人類「最原始嘅諗法」。不過「姜B成魔之路」未完，佢喺另一環節「瘋狂追聲族」再次出盡全力。

姜B本人都害羞掩面Photo from ViuTV

事後隊友Anson Kong就指姜B當時係人類「最原始嘅諗法」Photo from ViuTV

一開始姜B已經話：「Dee哥交畀我」。第一回合「茅招王」193率先出招，喺眼罩上剪出細窿以順利搵到地上嘅大笨象。

第一回合「茅招王」193率先出招，喺眼罩上剪出細窿以順利搵到地上嘅大笨象。Photo from ViuTV

ViuTVPhoto from ViuTV

第二回合姜B都不甘示弱，露出「兇狠眼神」，一開始就攬實阿Dee唔畀佢郁，其他人更圍觀拍照留念。完全無視遊戲規則嘅姜B出埋「牙力」，咬走啲大笨象，最終成功勝出，連阿Dee都話姜B：「痴線仔呀佢！」

第二回合姜B都不甘示弱，露出「兇狠眼神」Photo from ViuTV

一開始姜B就攬實阿Dee唔畀佢郁Photo from ViuTV

ViuTVPhoto from ViuTV

其他人更圍觀姜B同阿Dee拍照留念Photo from ViuTV

完全無視遊戲規則嘅姜B出埋「牙力」，咬走啲大笨象Photo from ViuTV

ViuTVPhoto from ViuTV

賽後兩人仲繼續打，姜B仲咬埋阿Dee大髀，令阿Dee都要嗌「實Q」，場面爆笑！網友大讚姜B玩得夠放，令節目好好睇、好好笑。

賽後兩人仲繼續打，姜B仲咬埋阿Dee大髀Photo from ViuTV

阿Dee嗌「實Q」Photo from ViuTV

網友大讚姜B玩得夠放Photo from ViuTV

ViuTVPhoto from ViuTV

即睇姜B玩遊戲片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

MIRROR大玩BL三角戀《大姜的愛》姜濤用嘴喂Edan食薯條 Anson Lo勁呷醋！

16 Apr 2021

姜濤近日同MIRROR隊友、港版《大叔的愛》CP呂爵安（Edan）同盧瀚霆（Anson Lo）拍新廣告，3人大玩BL三角戀，姜濤更瘋狂放電「姣」Edan，絕對令一眾「鏡粉」睇到尖叫！

姜濤近日同MIRROR隊友、港版《大叔的愛》CP呂爵安（Edan）同盧瀚霆（Anson Lo）拍新廣告

廣告中姜濤飾演心機男「阿姜」、Edan飾演「田田」、Anson Lo則飾演「阿神」，姜B以新同事身份加入公司，一嚟就向Edan放電狂wink，飾演Edan男友嘅Anson Lo即勁呷醋。

姜濤飾演心機男「阿姜」

Edan飾演「田田」

Anson Lo則飾演「阿神」

Edan雖然一路想同男友Anson Lo「摸手仔」，但男友唔回應佢，反而被心機男姜濤乘虛而入，唔止扮晒嘢撞到Edan借機身體接觸，更「抽水」摸Edan隻手！

姜B乘虛而入，扮晒嘢撞到Edan借機身體接觸

姜濤「抽水」摸Edan隻手

到Edan生日，姜濤又特登等對方收工一齊搭車，仲超近距離喺Edan耳邊講「生日快樂」，令對方反埋白眼。MIRROR三個成員啲表情勁豐富，十分搞笑。

到Edan生日，姜濤又特登等對方收工一齊搭車

姜濤超近距離喺Edan耳邊講「生日快樂」

MIRROR三個成員啲表情勁豐富

開OT後Anson Lo竟然叫肚餓嘅Edan等陣，令對方嬲嬲豬咗，仲質問佢：「究竟你個心有無我㗎！？」，姜B再次出現送上外賣，更「壁咚」Edan。

Anson Lo竟然叫肚餓嘅Edan等陣，令對方嬲嬲豬咗

Edan質問男友：「究竟你個心有無我㗎！？」

姜B「壁咚」Edan

大為妒忌嘅Anson Lo喺後樓梯堵截姜B，問：「點解我會輸畀你呢個死?仔㗎！」，仲出腳「腿咚」姜B。

大為妒忌嘅Anson Lo喺後樓梯堵截姜B，問：「點解我會輸畀你呢個死?仔㗎！」

Anson Lo「腿咚」姜B。

最後一幕姜濤以嘴喂Edan食薯條，場面超火熱，呢場三角戀姜B贏晒！

最後一幕姜濤以嘴喂Edan食薯條

圖片來源：McDonaldsHK

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

姜濤人氣爆燈接30個廣告成「吸金王」！夢想買樓收租：我已經睇緊樓！

15 Apr 2021

MIRROR人氣成員姜濤今年成唔少廣告商寵兒，短短幾個月已接廣告接到無停手，絕對係2021年嘅「吸金王」！佢提到自己賺到錢會置業、買樓收租。

MIRROR人氣成員姜濤今年成唔少廣告商寵兒Photo from 姜濤IG

ViuTV舉辦嘅《全民造星》成功捧紅咗一班有音樂夢想嘅年輕人，其中奪得冠軍嘅姜濤唔止有$100萬獎金，佢出道後吸納大批「姜糖」，成為樂壇嘅一顆新星。

姜濤喺ViuTV舉辦嘅《全民造星》奪冠Photo from 姜濤IG

人氣高企嘅姜B更加受到唔少品牌嘅青睞，成為旗下產品代言人。姜B自2021年嚟手頭上嘅廣告有近30個，當中更包括HPV疫苗。

人氣高企嘅姜B更加受到唔少品牌嘅青睞Photo from 姜濤IG

姜B指佢廣告、代言有好多支票都未收到，所以未知實際賺咗幾多，被問到賺到錢最想做咩，佢就表示係買樓。姜B話一直以嚟都想買樓一層自己住、一層收租：「我已經睇緊樓！」

姜B話一直以嚟都想買樓一層自己住、一層收租Photo from 姜濤IG

姜B首次同阿Sa蔡卓妍合作拍廣告，姜濤指自己出道前有聽Twins嘅歌，雖然同阿Sa係分開拍廣告，但係都有去探班影相。

姜濤指自己出道前有聽Twins嘅歌Photo from 姜濤IG

而阿Sa就大讚姜濤又cute又靚仔，真人比想像中高而且好有禮貌，不過38歲嘅阿Sa得知要同得21歲嘅姜B拍廣告時即表示：「我生得佢出，令我好有壓力。」

阿Sa就大讚姜濤又cute又靚仔，真人比想像中高而且好有禮Photo from 蔡卓妍IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

生活熱話生日姜濤娛樂新聞VIU TVMirror生日應援