陳嘉倩公開素顏眼鏡娘look！樣子疲累雙目無神！網友直呼唔認得：素顏有啲鬼鬼哋
Photo from 陳嘉倩IG
陳嘉倩曾為新聞主播，曾任職NowTV同TVB，當時更係TVB嘅「新聞小花」，因為出鏡率高，加上貌似混血兒，幾受觀眾歡迎，網民仲以「嘉倩BB」稱呼佢。
Photo from 陳嘉倩IG
離巢後嘅嘉倩bb最近參與唔少ViuTV嘅節目，佢啱啱考到車牌無幾耐就出演《學神出沒注意》，仲係P牌仔嘅佢竟然喺節目中發生交通意外。
Photo from 陳嘉倩IG
佢唔止喺屯門公路揸車險象橫生，喺停車場更因分心而撞爛橫桿，節目播出後負評如潮，網友狂批陳嘉倩嘅駕駛態度，事後陳嘉倩喺Facebook致歉指會好好檢討。
Photo from 陳嘉倩IG
估唔到一波未平一波又起，佢上《考有Feel》又被指扮可愛，以嬌嗲聲線向MIRROR成員撒嬌，又出茅招著咗MIRROR隊睡褲，搞到對方要剝佢褲。
Photo from ViuTV
被網民連番抨擊嘅陳嘉倩日前就喺IG公開咗眼鏡look，佢雖然著上白色連衣裙，打扮清純，但未施脂粉嘅佢戴咗眼鏡，眼睛遠不如妝後明亮，雙目無神「電眼」大跌watt！
Photo from 陳嘉倩IG
Photo from 陳嘉倩IG
Photo from 陳嘉倩IG
素顏下嘅陳嘉倩眼神遊離，滿臉疲累，成個顯得好憔悴，有網友留言：「你素顏？完全認唔到 好嚇人」、「個樣好似冇乜精神」，又有網友指陳嘉倩素顏個樣更有混血感：「以前都以為佢係鬼妹，而家仲似」
Photo from 陳嘉倩IG
Photo from 陳嘉倩IG
Photo from 陳嘉倩IG
Photo from 陳嘉倩IG
另外亦有網友安慰佢，指佢依家係迷惘期：「慢慢就會搵到自己既方法去做㗎啦！」
Photo from 陳嘉倩IG
Photo from 陳嘉倩IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
P牌陳嘉倩屯門公路揸車險象橫生 太有自信撞歪鐵欄！網民：個牌淘返黎㗎？
15 Apr 2021
前主播陳嘉倩近排就為獲邀上ViuTV嘅真人show《學神出沒注意》擔任嘉賓，半年前考到車牌嘅佢就喺節目嘗試揸車，但佢嘅駕駛技術就令唔少觀眾睇嘅時候都嚇咗一跳！
Photo from 陳嘉倩IG
現年30歲嘅陳嘉倩喺冇做主播之後，都依然活躍於幕前嘅工作。近日，佢就上ViuTV嘅《學神出沒注意》喺節目中大曬駕駛技術，但缺少經驗嘅佢就製造咗唔少嘅驚險場面！
Photo from 《學神出沒注意》
喺節目中，佢就表示自己喺半年前先成功考獲車牌，仲係一個P牌仔，考完之後只係揸過三次車。不過，佢就似乎對自己嘅駕駛技術都幾有信心，仲話朋友都話佢揸車夠穩陣！
Photo from 《學神出沒注意》
Photo from 《學神出沒注意》
陳嘉倩一上車就已經顯露咗自己唔太熟悉車嘅「真面目」，以為水潑係指揮燈、㗎車不停咁向左靠等。喺上咗高速公路之後，師傅Alex好誠實咁話每個司機超車嘅時候都會望一望佢哋，因為唯獨佢哋㗎車行的特別慢！
Photo from 《學神出沒注意》
Photo from 《學神出沒注意》
之後，節目組就帶咗陳嘉倩去一個以容易泊車而出名嘅停車場，師傅Alex見佢咁有信心就話落車睇住佢泊，俾佢大顯身手。由於師傅Alex落咗車，只能夠喺車尾追住佢睇，但佢就分心顧住笑師傅似瘋狂fans，然後下一秒就撞咗埋鐵柱度！
Photo from 《學神出沒注意》
Photo from 《學神出沒注意》
陳嘉倩就即刻嚇到坐喺㗎車入面唔知點好，仲話自己完全睇唔到條鐵柱！後來就由喺師傅嘅幫忙之下，暫時處理好所有嘢。
Photo from 《學神出沒注意》
Photo from 《學神出沒注意》
唔少網民喺睇完呢一集之後，都不禁留言話俾佢嘅駕駛技術嚇親，仲表示佢最需要改嘅喺佢嘅駕駛態度！
Photo from ViuTV YouTube
Photo from ViuTV YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【考有Feel】陳嘉倩姣MIRROR+茅招玩遊戲 遭網民鬧爆「唔好再搵佢上節目！」
28 Apr 2021
最近，ViuTV嘅遊戲節目《考有Feel》備受網民關注。日前，播出嘅兩集當中就邀請咗陳嘉倩做嘉賓加入ERROR隊同MIRROR進行遊戲對決。但就俾網民話不停使出姣功同茅招玩遊戲，令唔少嘅觀眾都對佢非常反感！
Photo from 陳嘉倩IG
ViuTV遊戲節目《考有Feel》最近好受歡迎，每一集都會有唔同嘅笑料！近來播出嘅兩集，MIRROR隊就派咗Ian、Alton同Tiger迎戰；ERROR隊就照慣例咁邀請女嘉賓加入佢哋隊，而今次就邀請咗陳嘉倩。
Photo from 《考有Feel》
喺「跣上任務」環節中，Ian就同陳嘉倩對戰，兩人要限時之內喺好滑嘅充氣水床上面搶水泡，音樂停止時攞到水泡嘅就可以為隊伍得分。比賽開始前，陳嘉倩就以嬌嗲嘅聲咁話怕痛，想借此令對方心軟。期間，仲影到Ian非常無奈唔知點反應嘅模樣！
Photo from 《考有Feel》
Photo from 《考有Feel》
遊戲開始之後，陳嘉倩好快就搶咗水泡，而Ian就因為怕整親對方，唔太敢出手。陳嘉倩喺被搶過水泡後，就趁Ian心軟嘅時候用佢嘅雙腿夾住水泡，搞到Ian不知所措！不過，最終都係由Ian勝出呢場對決。但呢一幕就令唔少網民反感，留言話「其實Ian都唔想同佢玩！」
Photo from 《考有Feel》
Photo from 《考有Feel》
另外，喺「風狂大決鬥」嘅環節裡面，隊伍需要喺強風之下穿好睡衣同埋換好床褥被單。為咗妨礙MIRROR隊，陳嘉倩就著咗條睡褲，喺MIRROR面前走嚟走去。最後，MIRROR唯有合力出手剝佢身上條睡褲完成任務。
Photo from 《考有Feel》
Photo from 《考有Feel》
節目播出咗之後，喺網上引來網民嘅一片罵聲。有網民認為佢玩遊戲時出茅招，仲嬲到話希望以後都唔好再請佢上節目！
Photo from ViuTVFB
Photo from ViuTVFB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
