【考有Feel】七仙羽師傅助陣ERROR瘋狂作法！姜濤出絕招撒嬌嗲師傅求放水

Digital Content Writer

風水師七仙羽最近經常都上唔同嘅節目，人氣急升！最近，佢仲上埋ViuTV遊戲節目《考有Feel》加入ERROR隊同MIRROR隊玩遊戲對戰。佢嘅氣勢太強，連姜濤都敵唔過，要迫住用撒嬌呢招對抗先得！

Photo from 七仙羽FB

風水師七仙羽師父近來人氣急升，經常獲邀上節目做嘉賓。最近，佢就成為ViuTV遊戲節目《考有Feel》最後兩集嘅壓軸嘉賓，加入ERROR嘅隊伍幫手一齊對抗MIRROR全員！

Photo from 《考有Feel》

喺「瘋味雪條」環節時，各隊要派隊員去食特意配製嘅雪條，最快估中而又答得最多嘅人勝出。其中，七仙羽師父就需要同姜濤對決，喺選擇雪條嘅時候，佢未食之前就向住支雪條「作法」藉此搵出答案。而當佢一想作答嘅時候，就搞到心急嘅姜濤忍唔住撒嬌求饒比機會佢答先。

Photo from 《考有Feel》

不過，七仙羽師父並冇因此而心軟，透過「作法」估啱咗雪條嘅味道，令大家都嚇親！之後，佢都接二連三咁利用「作法」成功幫自己嘅隊伍獲得分數，令一向好擅長呢個遊戲嘅姜濤大受打擊。

Photo from 《考有Feel》

但原來ERROR隊咁順利勝出呢個環節係有原因㗎！因為佢哋喺開拍前，發現其中一位主持人Dixon嘅稿擺咗喺休息室，所以ERROR隊其實一早就背曬所有嘅答案！

Photo from 《考有Feel》

由於係最後兩集，所以節目組就加碼勝出嘅隊伍都可以獲得現金獎，令兩隊玩遊戲時都好有鬥志！喺「跣上任務」嘅環節，ERROR隊肥仔吹埋蠟燭就可以勝出比賽，但在旁嘅姜濤就突然撲向佢幫隊友阻止肥仔完成任務，但最終都係由ERROR勝出比賽！

Photo from 《考有Feel》

姜濤玩遊戲太投入，完全放低偶像包袱，髮型都亂曬，非常狼狽。當被主持人小儀問到點解會咁緊張場比賽時，佢就好直接咁話因為錢，令大家都忍唔住大笑！

Photo from 《考有Feel》

網民睇完琴晚呢集之後都留言話呢集好好笑，仲話姜濤呢集玩得特別放！

Photo from ViuTVFB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【考有Feel】陳嘉倩姣MIRROR+茅招玩遊戲遭網民鬧爆「唔好再搵佢上節目！」

28 Apr , 2021

最近，ViuTV嘅遊戲節目《考有Feel》備受網民關注。日前，播出嘅兩集當中就邀請咗陳嘉倩做嘉賓加入ERROR隊同MIRROR進行遊戲對決。但就俾網民話不停使出姣功同茅招玩遊戲，令唔少嘅觀眾都對佢非常反感！

Photo from 陳嘉倩IG

ViuTV遊戲節目《考有Feel》最近好受歡迎，每一集都會有唔同嘅笑料！近來播出嘅兩集，MIRROR隊就派咗Ian、Alton同Tiger迎戰；ERROR隊就照慣例咁邀請女嘉賓加入佢哋隊，而今次就邀請咗陳嘉倩。

Photo from 《考有Feel》

喺「跣上任務」環節中，Ian就同陳嘉倩對戰，兩人要限時之內喺好滑嘅充氣水床上面搶水泡，音樂停止時攞到水泡嘅就可以為隊伍得分。比賽開始前，陳嘉倩就以嬌嗲嘅聲咁話怕痛，想借此令對方心軟。期間，仲影到Ian非常無奈唔知點反應嘅模樣！

Photo from 《考有Feel》

遊戲開始之後，陳嘉倩好快就搶咗水泡，而Ian就因為怕整親對方，唔太敢出手。陳嘉倩喺被搶過水泡後，就趁Ian心軟嘅時候用佢嘅雙腿夾住水泡，搞到Ian不知所措！不過，最終都係由Ian勝出呢場對決。但呢一幕就令唔少網民反感，留言話「其實Ian都唔想同佢玩！」

Photo from 《考有Feel》

另外，喺「風狂大決鬥」嘅環節裡面，隊伍需要喺強風之下穿好睡衣同埋換好床褥被單。為咗妨礙MIRROR隊，陳嘉倩就著咗條睡褲，喺MIRROR面前走嚟走去。最後，MIRROR唯有合力出手剝佢身上條睡褲完成任務。

Photo from 《考有Feel》

節目播出咗之後，喺網上引來網民嘅一片罵聲。有網民認為佢玩遊戲時出茅招，仲嬲到話希望以後都唔好再請佢上節目！

Photo from ViuTVFB

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel