50歲萬綺雯1989年選亞姐舊照曝光！駐顏有術凍齡32年！

娛樂新聞

By Jennifer on 03 May 2021

Digital Editor

今晚食乜餸：小二，嚟一碟花生！

萬綺雯係亞洲小姐出身，轉投TVB後拍咗多套電視劇，不過2020年佢宣佈離巢，《伙記辦大事》成為佢喺TVB嘅最後一套作品，獲封「美魔女」嘅萬綺雯昔日參選亞姐嘅相片曝光，雖然已經過去32年，但佢仍然keep得好好，同18歲嗰陣嘅佢分別不大！

Photo from 萬綺雯微博

萬綺雯1989年參選亞洲小姐，佢當時以以大熱姿態攞亞軍後入行，喺ATV一出道即成力捧花旦。1998年佢於劇集《我和殭屍有個約會》飾演馬小玲為人熟悉。

Photo from 萬綺雯工作室微博

2012年轉投TVB嘅萬綺雯拍過多部電視劇，近日播出嘅《伙記辦大事》佢嘅演出亦相當受關注，不過呢部作品係佢喺TVB拍嘅最後一套電視劇，因為佢2020年已離巢，轉為北上發展。

Photo from 《伙記辦大事》

睇返萬綺雯1989年參選亞姐時相片，當年18歲嘅佢仲略帶baby fat，五官仍未長開，但一雙招牌長腿令佢企喺3位男司儀旁邊身高一啲都唔輸蝕！

Photo from ATV

出道多年，萬綺雯一雙42吋修長美腿依然10年如1日，身型keep得好fit。雖然佢今年10月就51歲，但外貌仍未見歲月痕跡，早前佢50歲生日就公開咗近況，當時佢狀態好好。

Photo from 萬綺雯工作室微博

Photo from 萬綺雯抖音

32年嚟佢身材、樣貌都好似凍齡咁，無乜點留下歲月痕跡，輪廓比起18歲更為突出，，萬綺雯曾表示：「有人說女人最好的年紀是18歲，不對，我覺得無論是甚麼年齡，當下才是最好的。女人最美的時候，不是18歲的青春，也不是30歲的成熟，而是她永遠都充滿自信的樣子。」

Photo from 萬綺雯工作室微博

Photo from 萬綺雯微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

50歲萬綺雯晒靚樣長腿十年如一日　網民驚訝：你被殭屍咬了？！

18 Mar 2021

「美魔女」通常係指 35 歲或以上才貌兼備嘅女性，而憑住當年電視劇《我和殭屍有個約會》馬小玲一角為人熟悉嘅萬綺雯，唔經唔覺已經踏入 50 歲，但佢就好似食咗防腐劑一樣，絲毫嘅歲月痕跡都冇呀！

萬綺雯喺 98 年主演嘅《我和殭屍有個約會》嘅馬小玲一角深入民心，直到依家只要提起殭屍依個題材就一會諗到馬小玲，而多年嚟一直駐顏有術嘅萬綺雯，無論皮膚及身材狀態仍然宛如少女一樣！

而身高171cm嘅佢，一直以 42 寸修長美腿聞名，更因修長、纖細和勻稱嘅美腿被封「香港第一美腿」添～

而近年已經好少喺香港拍劇嘅佢，去年就決心返內地發展，更開設個人工作室同推出自家製節目《綺遇記》。雖然佢嘅重心移咗返內地，但佢亦都有忘記一班香港嘅 fans，不時都會上傳新相同大家開心 share。

其實睇番萬綺雯嘅相，佢同當年飾演馬小玲時真係冇咩分別，難怪唔少網民都留言讚佢嘅凍齡，白滑肌膚到令大家羨慕，指佢根本唔識老外，但有網友話就算萬綺雯依家再演多次當年馬小玲一角都唔會有遺和感「你依家拍番《我和僵屍有個約會》再做馬小玲都得」、「心目中永遠的馬小玲，沒有膠化非常難得」

此外，亦有網友搞笑問佢其實係咪殭屍嚟「你係殭屍？點解個樣冇變過？」！真係令人好羨慕呀！

Text: HolidaySmart Editorial

泰國74歲不老美魔女靚樣竟全靠化妝　曾奪1965年環球小姐冠軍！網民：堅似食咗防腐劑！

02 Mar 2021

「美魔女」一般係指 35 歲或以上，依然年輕美麗、才貌兼備嘅女性，但如果再加上不老，大家又會定位為幾歲嘅女性呢？喺泰國就有一位今年已經 74 歲嘅女性，好似食咗防腐劑一樣，面上絲毫老化嘅跡象都冇。

Photo from Apasra Hongsakula/IG

依位 74 歲嘅泰國人 Apasra Hongsakula 曾喺 1965 年參選過當年嘅環球小姐選美比賽，當時 18 歲嘅佢成功奪冠，成為繼 1959 年後第二位奪冠嘅亞洲人，同時亦係第一位獲此殊榮嘅泰國佳麗。喺 1973 年及 1979 年佢仲兩度以評委嘅身份回到環球小姐競賽場。

Photo from Apasra Hongsakula/IG

其後 Apasra Hongsakula 致力參與各種選美巡迴賽，並被泰國旅遊局任命為泰國文化大使。

Photo from Apasra Hongsakula/IG

而喺 Apasra Hongsakula 環姐奪冠後一年即同詩麗吉王后嘅堂弟結婚，正式進入泰國社會頂層，可惜依段婚姻並冇行到最後。Apasra Hongsakula 曾經有過 2 段婚姻，但都以離婚收場， 2 段婚姻中各有一個仔， Apasra Hongsakula 同兒子們嘅關係不錯，佢不時都會發佈細仔 Pok Chirathivat 嘅節目或歌曲幫其宣傳，同上傳同孫仔/孫女嘅合照。