鄭爽爸出賣親女私隱發大財？　一條問題盛惠800蚊？有問必答！

娛樂新聞

By Cheryl on 04 May 2021

Digital Editor

內地女星鄭爽接連爆出爭議，繼早前嘅代孕棄養孩子醜聞，又被前男友張恒揭發簽下「陰陽合約」，引嚟逃稅嫌疑。鄭爽一波三折，但其父親鄭成華似乎「因禍得福」，透過出賣女兒私隱發大財！

Photo from 微博圖片

鄭爽貴為「內地90後四小花旦」之一，本來前途一片光明，但因其言行經常暴走，之後更醜聞一浪接一浪，令佢影壇地位岌岌可危。

Photo from 微博圖片

可能鄭爸被親女兒情況啟發，竟然諗出一套發財大計，大展其跳脫思維。早前，佢利用微博嘅付費問答功能，向女兒粉絲開通付費問答。「只需」$666.6元人民幣（約$799港幣），就可以向鄭爸提出一個有關鄭爽問題。

Photo from 微博圖片

有關細則非常詳盡，如7日內未獲得回答即會退款。無嘢想問亦可參與其中，網民可以畀1蚊旁觀，之後可以觀看答案，完全係花生友睇戲模式，不過導演係鄭爸，主角則係女兒鄭爽。而提問嘅網民亦可獲得一半酬金，所以，越多「圍觀者」，利益越豐厚。

Photo from 鄭成華微博

Photo from 微博圖片

鄭氏「你問我答」引起好大迴響，關於對鄭爽各式各樣嘅疑問層出不窮，當中涉及不少私隱，例如有人提問有關鄭爽生育、貞節等私密問題，又問鄭爸認為女兒同邊位前度有較高復合機會。亦有人甘願畀錢做「黑粉」，借機責罵鄭爸，覺得佢簡直係鄭爽最大黑粉。

Photo from 微博圖片

雖然販賣女兒私隱引來一片罵聲，但亦有網友留言給予支持，認為鄭爸點都唔會害親生女兒，唔係當事人無資格向佢哋指手畫腳，覺得網民應「口下留情」。

Photo from 微博圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

鄭爽被前男友爆曾簽「陰陽合約」片酬高達$200萬一日！內地稅務局正式展開調查

29 Apr 2021

內地女星鄭爽早前被前男友張恒爆出代孕並棄養孩子嘅醜聞後，又再被前男友大爆簽下「陰陽合約」，試圖逃稅！事件一爆出就引起網民嘅熱烈討論，搞到連當地嘅稅務局都表示會嚴查事件真相！

Photo from 《女兒們的戀愛2》

今年初，鄭爽就被前男友張恒爆喺美國找人代孕但又決定棄養孩子嘅事件，兩人正在打官司。後來佢接二連三被爆出更多黑歷史，包括有棄狗、壓榨工作室員工等。

Photo from 《女兒們的戀愛2》

Photo from 張恒微博

日前，張恒就喺自己微博上載咗一條5分鐘嘅影片，影片中包含佢同鄭爽、鄭爽家人嘅多段對話紀錄同埋錄音。內容就提及喺2019年，鄭爽拍攝電視劇《只問今生戀滄溟》（原名為《倩女幽魂》）一度想將自己嘅片酬提高到人民幣$1.8億，但後來經父母勸告後，最終傾好嘅片酬為人民幣$1.6億！當時嘅拍戲日數為77日，亦即係代表鄭爽平均一日就可以賺到超過人民幣$200萬，驚人嘅天價令唔少網民都嚇咗一跳！

Photo from 張恒微博

根據張恒所曝光嘅對話內容，鄭爽媽媽就話演員係內地特別難做，因為國家唔允許片酬超過$5000萬，一旦超過就會被秋後算帳。之後，仲爆出鄭爽媽媽有研究陰陽合約、逃稅等嘅方法。

Photo from 張恒微博

張恒仲爆出電視劇《只問今生戀滄溟》嘅明面合約係寫4,800萬嘅片酬，而酬勞亦為咗避税，分開4次入落帳號，並且將部分片酬入落母親持有股份嘅公司。

Photo from 張恒微博

事件一曝光之後，引起大眾嘅關注同熱議！唔少網民都喺張恒微博留言話鄭爽一家簡直係世界級，道德觀完全歪曲曬，並且表示支持張恒。

Photo from 張恒微博

根據央視嘅新聞報導，佢哋表示上海稅務局已經因為逃稅問題，而開始著手調查事件，並表示將會嚴懲違規嘅人。另外，北京市廣電局亦表示將會對有關電視劇嘅製作成本同埋演員片酬作出調查。

Photo from 央視新聞微博

近日，鄭爽嘅工作室就喺微博承認現在正在接受調查當中，仲話會好好配合調查。而同一時間，當政府相關嘅部門逐漸加緊對影視業嘅調查，有網民就發現有15位知名嘅內地藝人（那英、井柏然等）紛紛註銷咗佢哋工作室嘅商業登記，不禁令人懷疑佢哋嘅動機！

Photo from 鄭爽工作室微博

Text: HolidaySmart Editorial

「逃稅風波」范冰冰首度發聲！微博出致歉信：利用「拆分合同」等逃稅問題，我深感羞愧

3 Oct , 2018

范冰冰早前受逃稅風波影響，「消失」近3個月時間。今終有消息！

Photo from 范冰冰微博

根據內地官媒最新消息，國家稅務局已經將事件查清，范冰冰確實有逃稅情況。追繳稅款及罰款總額高達8.83億（人民幣．下同，約10.24億港幣）。范冰冰實際取得片酬為3,000萬元人民幣，當中1,000萬元人民幣已申報納稅，其餘2,000萬以拆帳形式隱瞞個人所得稅618萬元，少繳營業稅及附加112萬元，合計730萬元。另外，范冰冰亦涉更多逃稅，總計被罰款8.84億元人民幣。

Photo from 范冰冰微博

隨後，范冰冰亦即時喺個人微博貼出六百多字嘅致歉信。

Photo from 范冰冰微博

致歉信內容：

「最近一段時間，我經歷了從未有過的痛苦，煎熬，進行了深刻的反思，反省，我對自己的所作所為深感羞愧內疚，在這裡我向大家誠懇道歉！
長期以來，由於自己沒有擺正國家利益，社會利益和個人利益的關係，在影片《大轟炸》和其他一些合同中出現利用「拆分合同」等逃稅問題，我深感羞愧。這些天在配合稅務機關對我及我公司的稅務檢査中，我一直深刻反省：作為一個公眾人物，應該遵紀守法，起到社會和行業的模範帶頭作用不應在經濟利益面前，喪失自我約束，放鬆管理，以致違法失守。在此，我誠懇地向社會，向愛護關心我的朋友。以及大眾，向國家稅務機關道歉。對稅務機關調查後，依法作出的一系列處罰決定，我完全接受，補繳稅款，繳納罰款。

我將按照稅務部門的最終處罰決定，盡全力克服一切困難籌措資金，我從小喜歡藝術，又趕上了影視業蓬勃發展的好時機，在諸多前輩的提攜和觀眾朋友的愛護下，加之自己的不斷努力，這在演藝方面取得了一點成績，作為一個演員，我常為自己能在世界獅臺上展示我國文化而自豪，並不遺餘力為此衝鋒，可說，我每一點成績的取得，都離不開國家和人民群眾的支持，沒有黨和國家的好政策，沒有人民群眾的愛護，就沒有範冰冰。今天，我對自己的過錯深感惶恐不安！

我辜負了國家對我的培養，辜負了社會對我的信任，也辜負了影迷對我的經過這次整頓，愛！在此，我會講規矩，我再次向大家誠懇道歉！請大家原諒！我相信，重責任，誠實守信，爭做富有文化內涵的好公司，遵秩序，在把好的作品獻給大家的同為全社會傳時，也要監督公司管理，播正能量！守法經營，再次向社會，向一直支持我的影迷。向關愛我的朋友家人，真誠的說一句，對不起！」