《好聲好戲》馮盈盈配音演技獲評判讚賞 太入戲喊到假眼睫毛都甩埋！
TVB新節目《好聲好戲》日前播出咗第一集，有4位參賽者展現配音演技，再由評判同專業配音員評分。其中一位參賽者馮盈盈演技爆發，一邊配音一邊喊，獲得評判們嘅讚賞。就算配完音都仲好入戲，喊到假眼睫毛都甩埋！
Photo from 馮盈盈IG
由阮兆祥和賴慰玲主持嘅新節目《好聲好戲》近日播出咗，節目就請咗四位藝人參加配音比賽，然後由專業配音員同主席評判汪明荃、劉江和陳欣任一齊評分。喺節目入面，參賽者要輪流為劇集嘅片段重新配音。
Photo from 《好聲好戲》
Photo from 《好聲好戲》
參賽者之一嘅馮盈盈就負責為《宮心計》裡面飾演三好嘅小演員配音加唱歌，配音時佢好投入，仲不停咁喊，演技爆發獲得評判嘅一致好評！汪明荃都大讚佢把聲似細路仔，就連專業評判都話佢完全對到演員嘅嘴形，讚不絕口。
Photo from 《好聲好戲》
Photo from 《好聲好戲》
馮盈盈似乎非常入戲，喺聽完評判嘅評語之後，依然淚流滿面，仲喊到假眼睫毛都甩埋！事後，佢就話以前一直都俾人話佢有嚴重嘅懶音問題，希望藉呢個機會去改善問題。
Photo from 《好聲好戲》
Photo from 《好聲好戲》
馮盈盈隨後亦喺IG上載咗自己當日喺配音室嘅情況，仲打咗篇千字文佢抒發自己參加呢個比賽嘅感受，話最希望嘅係透過節目突破自己，並期望大家可以見到佢背後嘅努力！
Photo from 馮盈盈IG
Photo from 馮盈盈IG
而喺琴晚嗰集，主評判之一嘅陳欣大讚懶音問題的確比改善咗，因為佢以前曾經矯正過馮盈盈嘅懶音同咬字問題。聽到評語嘅馮盈盈忍唔住爆喊，話自己為咗參加呢個比賽專登搵咗個言語治療師指導佢，仲自爆自己緊張到內分泌失調，已經連續3星期嚟M，搞到要去睇醫生！
Photo from 《好聲好戲》
Photo from 《好聲好戲》
唔少網民都認為馮盈盈就今次的確係有比心機，用心咁改善佢嘅懶音問題，但亦有部分網民認為佢依然有進步嘅空間！
Photo from TVB YouTube
Photo from TVB YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
馮盈盈被指釣金龜公開設規矩月入$8,000以下先准搵佢！陳自瑤方力申發誓無拍過拖
13 Apr , 2021
Photo from TVB
馮盈盈喺節目中表示自己唔想再被人話「釣金龜」，但無奈每次約親食飯嘅男性都係有錢人：「想識我嘅朋友多數年紀比我大少少，無咩同齡人，可能覺得我好難接觸。」
Photo from 馮盈盈IG
佢指自己出街食飯成日被人偷拍報料：「我每日上網search自己個名10次，擔心又有新聞出街。」，佢話最嬲係報料者有錢收但佢又無，而且收嘅報酬分分鐘貴過佢一集騷錢。
Photo from 馮盈盈IG
馮盈盈表示為咗唔好再被標籤，已公開設咗規矩：「月入$8,000以下先好嚟搵我，不過依家搵$8,000樓下嘅好少，可能難搵過有錢人。」，希望有人介紹畀佢識咁話。
Photo from 馮盈盈IG
另外陳自瑤同方力申2006年合作拍《大細心》MV曾傳出緋聞，麥玲玲盤點方力申歷年緋聞女友，當中包括周勵淇、阿嬌鍾欣潼、傅穎、何超蓮、陳瀅等，估唔到Yoyo都係其中一位。
Photo from TVB
Photo from TVB
佢地堅稱從來無拍過拖，兩人更不惜舉手發誓，指拍完MV之後都無見過面，方力申表示自己好少同圈內女性交換聯絡方法：「大家都知我有拍過10年嘅拖，對愛情點保鮮，就係要雙方遠離各方面引誘。」
Photo from 方力申IG
對於傳佢成日周圍追女仔，方力申就指自己同鄧麗欣Stephy拍拖嗰陣，同其他女仔單獨食飯嘅次數少之又少，而Stephy對佢傳出緋聞係非常信任，連問都唔會問，方力申就指自己好欣賞對方呢樣嘢。
Photo from 好好戀愛
Photo from 十分愛
Photo from 十分愛
至於Yoyo喺節目中重提頌獎禮「黑面」事件，佢重申當時並無黑面，真係有微笑，只係鏡頭影咗2、3秒，做唔晒咁多表情：「可能我有微笑少少，鏡頭影唔到。」
Photo from TVB
Photo from 陳自瑤IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳自瑤重現頒獎禮經典黑面 認自己慢熱睇落難相處：有時會亂諗嘢令自己唔開心
9 Mar 2021
近來，越來越多藝人都開始向Youtuber嘅方向發展，陳自瑤亦都開咗個自己嘅頻道，仲邀請咗好姐妹黃翠如同連詩雅做嘉賓玩大踢爆。期間，黃翠如仲非常大膽咁叫陳自瑤再做多次經典黑面表情，果然係好姐妹～
Photo from 陳自瑤FB
陳自瑤 （Yoyo）嘅Youtube channel開咗大概一個月就已經有56K嘅訂閱人數，可以話係有非常好嘅迴響。近日，佢就邀請咗黃翠如同連詩雅黎玩「閨蜜大踢爆」，由佢哋三個打打鬧鬧嘅片段可以睇得出佢哋嘅感情好好。
Photo from 陳自瑤FB
而其中一條嘅題目就係叫佢哋用一個水果黎形容對方，黃翠如就指Yoyo似菠蘿，因為認為佢係一個有刺嘅人，但實際上內心係一個好sweet嘅女仔。仲即刻叫對方向鏡頭擺無表情嘅樣，話佢呢個樣成日令人誤會佢好寸。
Photo from 陳自瑤YouTube
之後，陳自瑤亦都承認自己係一個比較慢熱嘅人，仲話細個嘅時候比而家更加誇張，導致成日都比人覺得佢好難相處。正因為佢知道自己呢個缺點，所以佢而家都好努力咁調整緊自己。
Photo from 陳自瑤YouTube
陳自瑤仲話係電視劇嘅角色改變咗佢，因為佢自己係一個好投入咁演戲嘅人，當佢演緊某一個角色嘅時候，佢果一排就會變到同個角色好似。喺演《那些我愛過的人》嘅時候，佢就發現個角色係一個可以令周圍嘅人都好開心嘅人，所以即使劇集完咗佢都無完全抽離角色。
Photo from TVB
連詩雅亦講咗Yoyo嘅缺點就係每件事都會諗太多，而黃翠如就即刻爆料話佢連轉髮型都諗咗一年！所以Yoyo就話好感激身邊有佢哋兩個睇住佢，令佢唔會向唔好嘅方面諗～
Photo from 黃翠如FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
