陳豪眼神演技震撼內地網民！TVB視帝輪流騷演技 兩地觀眾反應大不同？

近日TVB喺抖音公開咗幾位視帝嘅「眼技（眼神演技）接力賽」，有馬國明、郭晉安、陳豪、黎耀祥等，唔少內地網民大讚佢哋零對白仍超好戲，感歎TVB人才好多！

Photo from TVB

TVB多年嚟培養咗唔少好戲之人，其中視帝陳豪最近主演《愛美麗狂想曲》被批演技，指佢過於浮誇，又表示佢近嚟嘅角色都係差唔多，又chok又講走音英文。

Photo from TVB

陳豪喺2007年《萬千星輝頒獎典禮》憑《溏心風暴》「得得哋」一角同時奪得「我最喜愛的電視男角色」、「最佳男主角」，成雙料視帝。

Photo from TVB

不過近年佢經常以同一樣嘅演繹方法備受觀眾批評，指佢「越嚟越hea」，不過佢喺內地人氣仍相當之高！

Photo from TVB

近日TVB官方喺抖音公開咗「眼技（眼神演技）接力賽」，幾位視帝都有參與，其中陳豪就要演繹「她結婚了」，全程零對白，只靠表情同眼神表達，獲內地網民激讚！

Photo from TVB

陳豪眼泛淚光，輕輕低頭，神情哀傷，內地網友表示睇到眼濕濕，又指佢演技好好。除咗陳豪，仲有馬國明、郭晉安、黎耀祥都有參與「眼技接力賽」。

Photo from 微博

馬明就要扮攞唔到視帝，佢行幽默路線，並無重現經典o嘴表情，而係尷尬失落，之後一臉哀怨。

Photo from 微博

Photo from 微博

郭晉安就要演繹歇斯底里，佢一邊大嗌：「真係唔關我事㗎！但我又無權無勢，無人會信我㗎！」，最後更露出奸笑，令內地網民諗起《與敵同行》「唐立言」一角同《忠奸人》，表示睇到心寒。

Photo from TVB

Photo from TVB

Photo from TVB

黎耀祥則要表現「反派的迷人笑容」，佢眼神陰險，一臉兇狠。睇完幾位視帝演出，唔少內地網友大讚TVB演員演技出眾：「TVB牛B」「比很多流量小鮮肉有顏值有演技！」、「眼神都是戲」、「TVB演員演技顏值有保障」

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

佘詩曼喊戲獲封「教科書級演技」！眼淚超有感染力！網友：演技冠絕中港台

9 Nov 2020

視后佘詩曼近日喺大陸劇《燕雲台》中嘅演技大受讚賞，其中一場喊戲，眼淚留喺眼眶中勁有感染力，獲封「教科書級神演技」！網友大讚阿佘喊得靚：「演技冠絕中港台女演員。」

佘詩曼同大台合約完結後就北上發展賺人仔，雖然普通話唔好，但憑出色演技，以《延禧攻略》「嫻妃」一角彈出，人氣急升！

貴為兩屆視后嘅阿佘演技當然毋庸置疑，佢近日參演另一套劇集《燕雲台》，演技再度成為熱話。

阿佘喺新劇中飾演「蕭胡輦」，佢為救妹妹，被逼嫁畀太平王，而出嫁一幕嘅喊戲更令觀眾大為讚賞。

阿佘出嫁雖然係大喜日子，但畢竟對方唔係自己心儀嘅對象，喺喜轎上眼眶含淚，強自露出笑容，完美演繹出身不由己嘅複雜心情！

喊得靚仲充滿感染力添！阿佘嘅神演技獲封「教科書級」表演，網民又大讚佢演技冠絕中港台女演員。

其實阿佘當初演《延禧攻略》奸角「嫻妃」時已獲讚壞得嚟一啲都唔討厭，今次演少女角色都難佢唔到，再印證佢演技出色，兩屆視后絕對實至名歸！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）