阿嬌自爆被前度追還禮物 霸氣回應笑翻全場 透露蜜運中？

鍾欣潼（阿嬌）近期喺大陸節目《怦然心動20歲》亮相即引嚟多番熱議。繼早前身型暴脹，加上反口收回不婚論，佢喺最新一集自爆曾被前度追還禮物，其驚人回應再一次震撼全網。

Photo from 鍾欣潼微博

《怦然心動20歲》最新一集中，阿嬌與一眾嘉賓大談如何處理前度贈送嘅禮物，究竟應該扔掉定保留佢哋。阿嬌率先表示要視乎禮物有幾貴，被主持問：「如果係樓嘅話...?」阿嬌坦言：「咁更加唔會還！」

Photo from 優酷截圖

Photo from 優酷截圖

阿嬌繼而自爆：「但確實有前度要我還禮物」，佢表示自己未有理會如此要求，仲爆出驚人語錄：「憑咩要我還？」，引嚟全場大笑。佢繼續解釋：「我自己都送咗唔少呀~」

Photo from 優酷截圖

Photo from 優酷截圖

Photo from 優酷截圖

阿嬌認為每人都應該對過往關係保留部分記憶，自己並唔討厭前任留下嘅物品。被問到現任知唔知佢仲Keep住物品，佢大爆現任唔知，然後主持話節目出街就知喇~

Photo from 優酷截圖

節目後，阿嬌繼續喺個人微博發表感想，佢覺得每一件前任送嘅禮物都代表住一段珍貴回憶，即使兩個人不再一起，但物品都唔會隨便棄掉，該處理嘅係感情，而唔係物品。

Photo from 鐘欣潼微博

唔少網民對阿嬌坦率嘅言論同感情觀都表示同意，處理感情先係關鍵，又認為佢好調皮。但亦有人覺得將前度合照留下有機會引起現任不滿，發生爭執。

Photo from 微博評論

Photo from 微博評論

Photo from 微博評論

Photo from 微博評論

亦有香港網民對於阿嬌對還禮嘅霸氣回嗆大感熟悉，回想起多年前一名網民分享其追債經理，事主於Whatsapp追問借錢者阿偉還錢，豈料阿偉唔還不特止，仲表示自己憑實力借錢，點解要還，囂張態度同經典Emoji嘅運用令事主同一眾網民驚訝，難怪網民會將佢同阿嬌嘅霸氣反擊相提並論。

Photo from 連登討論區評論

Photo from 香港高登討論區評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

阿嬌鍾欣潼零濾鏡反擊暴脹指控 網民：上鏡同真人差咁遠？鏡頭是放大鏡嗎？

3 May 2021

40歲鍾欣潼（阿嬌）早前身形暴脹現身大陸綜藝節目《怦然心動20歲》，體型暴變令一眾網民熱議，好多網友都認佢唔到。近日佢就以零濾鏡上陣，拍片分享佢用原相機直出省鏡自拍心得。

Photo from 《怦然心動20歲》預告片

早前由內地節目《怦然心動20歲》釋出嘅預告片中，可見阿嬌無論面型定身形都比以前脹咗成個碼。網民爭相推測原因，但阿嬌好姊妹蔡卓妍（阿Sa)為佢解釋係荷爾蒙失調所致。

Photo from 《怦然心動20歲》預告片

Photo from 蔡卓妍微博

日前，阿嬌拍咗條影片教大家點樣唔用美顏濾鏡同時拍出靚靚自拍，堪稱「原相機自拍法」，顯然對自己好有信心。

Photo from 鍾欣潼微博

影片中，阿嬌全程以高炒自拍，變回「瘦嬌」。雖然佢髮型露額，但可見其面型細小，面頸之間亦恢復線條。

Photo from 鍾欣潼微博

雖然唔開濾鏡，但根據阿嬌，仍然有多種設定需要開啟，例如：智能控制、曝光調整、實況照片、場景檢測、鏡頭校正等至少十種功能。同開濾鏡相比，邊個方便啲就真係見仁見智。

Photo from 鍾欣潼微博

Photo from 鍾欣潼微博

唔少網民感謝阿嬌傳授自拍大法，但認為係人嘅問題，自己點影都無佢咁靚，認為阿嬌生得靚就可以任性！亦有人覺得阿嬌一下子又回復瘦身材好神奇。

Photo from 微博評論

Photo from 微博評論

Photo from 微博評論

Photo from 微博評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

阿嬌鍾欣潼現大陸秀暴脹引熱議！疑為前夫雪卵肥20磅？網友：似盧覓雪

29 Apr 2021

40歲鍾欣潼(阿嬌)近年頻上內地節目宣傳，繼前年現身帶貨節目時滿臉頹喪，同上年拍劇時撞爆眉後，近日佢參演大陸綜藝秀《怦然心動20歲》時面型暴脹，同以往清麗可人面貌甚有差別，引起網民熱議，更有人推測原因係前夫所致！究竟係咩原因呢？

Photo from Youku Youtube

阿嬌最近成為咗內地綜藝節目《怦然心動20歲》嘉賓之一。喺剛公布嘅預告片中，佢身型比以前豐腴唔少，束起嘅頭髮令佢面形更顯圓潤，雙下巴及頸部線條就嚟連成一體。由於阿嬌喺節目嘅宣傳海報中面型窄小，輪廓分明，所以網民見到動態版嘅佢判若兩人都大感驚訝，好奇佢身形幻變嘅原因。

Photo from 鍾欣潼微博

但係，喺節目嘅宣傳直播中，阿嬌又再次「變身」！可見直播中嘅佢面型重新變尖，呈V型，同之前預告片中嘅佢好唔一樣，網民對此都大呼神奇。但有心水清網民就認為係鏡頭誇張嘅瘦臉filter所致，導致面型雖小但睇落奇怪。

Photo from 《怦然心動20歲》官方直播

節目中，阿嬌大談初戀經歷，佢提及第一個交往對像係日本人，最終因為無法維持長距離戀愛而分手收場。被主持問及20多歲時嘅佢過成點，阿嬌就輕描淡寫表示中間發生咗好多事。對於想同20歲嘅自己講啲咩，受過唔少情傷嘅阿嬌就果斷話：「好好做人」，在場嘉賓都被佢嘅坦率模樣帥到鼓掌。

Photo from Youku Youtube

對於阿嬌嘅新模樣，好多網民都表示認佢唔到，有人推測原因同佢數年前計劃為當時丈夫賴弘國生仔有關，由於佢自覺年紀不少，數年前做咗雪卵手術，以備將來生育。但手術嘅副作用導致荷爾蒙失調，更加肥咗20磅，就算做運動都減唔到，所以就算醫生建議佢再次進行手術佢都婉拒。

Photo from Youku Youtube

Photo from 鐘欣潼微博

阿嬌好姊妹蔡卓妍 (阿Sa)於昨晚為新戲宣傳時，被問到點睇阿嬌發褔，阿Sa就為佢解話，表示：「佢好健康，只係荷爾蒙失調，依啲唔好成日講，好打擊人哋自信心，佢知㗎喇，最緊要健康快樂。」

Photo from 蔡卓妍微博

雖然有好多網民都未接受到阿嬌發福嘅模樣，甚至有人認為依家嘅佢同盧覓雪相似，但亦有唔少人覺得佢肥咗依然「好打得」，有肉哋都幾可愛。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

英皇娛樂指凌晨兩點幾，阿嬌喺廈門酒店房間中發生意外，頭部受傷，傷勢嚴重已及時送往當地醫院留院觀察。經理人霍汶希（Mani）同好友容祖兒（Joey）正趕往廈門了解情況。

7 Sep 2020

阿嬌離婚後漸漸復工，近日更剪短頭髮以近形象示人。

佢呢排喺廈門拍戲，但喺凌晨2點幾嗰陣，佢於廈門下榻酒店房間發生意外，頭部受傷。

好彩已及時送往醫院，現正留院觀察，而經理人霍汶希（Mani）同好友容祖兒（Joey）正趕往廈門了解情況。

佢原定今朝6點拍攝最後一場戲，因為唔想耽誤工作，阿嬌受傷後一度堅持繼續前往劇組拍戲，但佢傷勢嚴重需要留醫院觀察。

而經理人Mani都唔畀佢繼續開工。希望阿嬌早日康復！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）