患老人痴呆症退伍老伯伯靠聽聲成功破解密碼鎖　帶老婆逃離療養院街頭閒晃30分鐘！

香港人生活忙碌，唔少人為咗老人家可以得到更全面嘅照顧會選擇將佢哋送到療養院。而早前喺美國就有一位患有老人痴呆症（阿茲海默症）嘅伯伯憑著多年累積嘅軍事訓練經驗，成功破解療養院嘅電子鎖，帶同妻子短暫「重獲自由」。

Photo from 《長命百二歲II》

早前喺美國田納西州就有一對老夫妻因病情關係入住當地一間療養院，老伯伯因為不時觀察療養院嘅出入口設施，好似有意設法逃離出去咁，所以引起咗療養院人員嘅注意。

老伯伯喺年輕時曾接受過專業嘅軍事訓練，所以每次療養院員工喺電子鎖輸入密碼時，佢就會仔細咁聆聽電子門鎖嘅聲音，並試圖了解其運作模式。而院方亦有為咗打消或降低老伯伯逃脫嘅念頭，特別增加巡房次數以及安排戶外散步。

Photo from 《長命百二歲II》

不過依家做法都冇令老伯伯打消念頭，老伯伯依舊憑住記憶，成功破解療養院嘅電子密碼鎖，並且帶埋老婆齊齊去咗 2 個街區以外嘅地方閒晃 30 分鐘。

Photo from 《長命百二歲II》

二人直至被街訪鄰居目擊並通報院方先被帶回，此事令醫護人員及當地街坊都覺得匪夷所思，到底佢哋喺點樣逃過所有人嘅視線出現喺大街上。而療養院喺成功帶回佢哋二人之後，便立刻更換所有密碼，並向家屬及州府通報。

Photo from 《長命百二歲II》

療養院亦因此被指以疏於管理、照顧不周為由，被州政府罰款 2000 美元（約 HKD$ 1,6000）。其後療養院負責人再補充指現時依對老夫妻已安穩咗留喺院內，並承諾會盡力看管每一位院友。

Photo from 《長命百二歲II》

雖然今次事件可以話係有驚無險，不過唔少網民就覺得依位老伯伯嘅逃脫行動相當浪漫呀！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）