29歲李蘊晒泳衣照被指有肚腩！大方回應留言獲讚高EQ

組合Cream前成員李蘊近日喺IG PO出泳衣照大晒長腿，不過有留言就指佢有肚腩！李蘊亦大方回應網友，獲讚高EQ！

Photo from 李蘊IG

李蘊2004年以少女組合Cream出道，當年佢得13歲，2007年單飛後到依家算係Cream 3位成員中仍然喺娛樂圈發展嘅一位。

Photo from Pinterest

佢2012年與擔任銀行理財業務主管嘅圈外男友拍拖，相戀3年後註冊結婚，不過於2016年先公佈婚訊，同年誕下大女羅紫晞，2018年宣布懷上第二胎，誕下細仔羅明新。

Photo from 李蘊IG

升呢做人妻人母嘅李蘊淡出娛樂圈，移居廣州專心湊仔女。

Photo from 李蘊IG

Photo from 李蘊IG

近日內地五一黃金周假期，居於廣州嘅李蘊一家去咗澳門玩，李蘊更著上泳衣，已為人母嘅佢身材都keep得唔錯，大晒白滑長腿～

Photo from 李蘊IG

Photo from 李蘊IG

不過有網友就留過指佢有肚腩：「個肚腩⋯⋯⋯」，而李蘊亦大方回應：「唔得閒p（P圖）」，獲網民大讚EQ高，該留言網友亦表示：「嗯，你都好坦白，哈哈！」，仲話李蘊如果搞演唱會一定會買飛支持。

Photo from 李蘊IG

Photo from 李蘊IG

李蘊之前曾推出過性感寫真集，第一本喺書展總銷量更超過14,000本！佢自嘲指生咗小朋友後身材已走晒樣，著唔返之前寫真集入面嘅泳衣，唯有著呢款一件頭。

Photo from 李蘊IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Cream又多一人榮升做媽媽！ Hilda宣布做媽咪 生產前照飲香檳？！

8 Apr 2021

喺2004年出道嘅三人女子組合Cream，出道嘅時候全部人都只係得十幾歲，不久之後就各自發展。近日，Cream前成員Hilda（陳曉彤）就喺Facebook宣佈自己懷孕嘅消息，令網民不禁慨嘆時光飛逝啊～

Photo from Hilda FB

Cream嘅三位成員盧嘉寶、陳曉彤同埋李蘊因為參加商場嘅歌唱比賽而被發掘，並於2004年出道。當時三位嘅成員嘅年紀非常輕，係香港當時最年輕嘅歌手，後來喺2007年宣布各自發展。

Photo from 李蘊IG

Photo from Pinterest

喺組合解散之後，Hilda就喺同一年去咗愛爾蘭進修音樂，學業成績優異，後來喺科克音樂學院以一等榮譽完成學位。畢業之後，就決定要向音樂教師嘅道路發展，現在常居於匈牙利，並且喺斯特音樂學院進修音樂教育。

Photo from Hilda FB

Photo from Hilda FB

日前，Hilda就喺Facebook上載咗一張一家三口嘅「擊拳照」，暗示自己已經成為媽媽。但由於佢出post當日離愚人節非常近，而且佢加咗愚人節嘅hashtag，不禁令大家以為佢係講笑。後來，佢就澄清話自己真係成為咗媽媽，而並非愚人節講笑！

Photo from Hilda FB

Photo from Hilda IG

由於佢近呢幾個月所po嘅照片，都以半身照同自拍照為主，又難怪大家會冇發現佢懷孕嘅！而喺外國居住多年嘅佢，似乎並冇好避忌，喺新年嘅時候照常搬新屋飲香檳慶祝。

Photo from Hilda IG

Photo from Hilda IG

而前隊友兼好朋友李蘊接受訪問嘅時候，就表示好開心，一早已經有兩個小朋友嘅佢就話可以同佢一齊傾媽媽經！

Photo from 李蘊IG

Photo from 李蘊IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

80、90後必定認識嘅7個香港偶像組合！ 經典歌曲依然係大家嘅集體回憶～

1 Apr , 2021

以前嘅樂壇曾經興起過一陣「組合風」，有好多非常出名嘅偶像組合，令到當時嘅一眾少男少女為之瘋狂！而家就一齊嚟盤點下那些年我哋一齊追過嘅偶像團體啦～快啲睇下有冇你曾經鍾意嘅組合啦！

Photo from Cookies

Twins

Twins係由蔡卓妍（阿Sa）同鍾欣潼（阿嬌）喺2001年出道嘅組合，當時一出道就以陽光可愛嘅形象而吸引大眾嘅關注同喜愛，好快就好成功咁喺歌影視三方面獲得卓越嘅成績！

Photo from Twins

Photo from 《鬼馬狂想曲》

而佢哋嘅歌有好多首都係大家朗朗上口嘅歌，例如有《戀愛大過天》、《女校男生》、《下一站天后》等。好多歌甚至到而家都係大家去唱K一定要唱嘅飲歌～

Photo from 蔡卓妍IG

Boy’z

第一代嘅Boy’z係由張致恆同關智斌所組成嘅，當時以「男版Twins」嘅稱號進軍樂壇，一推出就備受關注，喺2003年仲憑住極高嘅人氣獲得叱吒樂壇新力軍組合金獎～

Photo from 《La La 世界》MV

Photo from 張致恒IG

同Twins嘅男女合唱版《死性不改》更加係唱到人人都識，到而家都係好多80、90後嘅集體回憶～

Photo from 《死性不改》MV

Cookies

Cookies出道嘅時候有9名成員，曾經被譽為「港版 Morning娘」。當時佢哋嘅出道歌曲《心急人上》一推出，就令佢哋嘅人氣急升！後來，佢哋仲開始涉獵影視圈，全員參演多部網劇同電影。

Photo from Cookies

可惜因為公司嘅人事變動，好快就變成4人組合，被稱為「餅碎」。期間仲多次傳出不合嘅傳聞，後來大家都喺約滿之後，轉投其他經紀公司。

Photo from Cookies

Shine

Shine喺2001年出道，成員有徐天佑同黃又南。兩人出道嘅時候非常年輕，只得18歲。喺出道前，仲比公司派往日本受訓，學習結他、日文同健身。喺2002年，仲榮獲叱咤樂壇生力軍組合金獎和叱咤樂壇組合金獎，獲得非常好嘅成績！之後，兩人亦有拍攝電影，進軍影壇～

Photo from Shine

Photo from Shine

At17

由盧凱彤（Ellen）及林二汶（Eman）所組成，係一隊歌唱創作組合，兩位都係非常有實力嘅歌手！初時，兩人嘅音樂被大家歸類為獨立音樂。後來逐漸得到更加多人嘅喜愛同認同，喺2005年叱吒樂壇流行榜頒獎典禮中被大家票選成為叱吒樂壇我最喜愛的組合。

Photo from At17

Photo from 林二汶IG

HotCha

相信好多90後都會多呢個組合十分熟悉～HotCha喺2007年由張惠雅（Regen）、張紋嘉（Crystal）同黎美言（Winkie）所組成，三人都精通唔同嘅舞蹈，所以佢哋推出嘅好多歌曲都係載歌載舞！

Photo from HotCha

Photo from HotCha

E-kids

喺2002年出道，成員包括有阮民安（Tommy）、林詠倫（Alan）和郁禮賢（Tim）。「何事我會妒忌我會擔心魔鬼搶走你～」相信大家都應該會識呢首歌，就算而家呢首歌都係大家耳熟能詳嘅經典歌！

Photo from E-kids

Photo from E-kids

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）