倪晨曦懷孕時肥肚唔肥人/陳嘉寶低調誕下二囡 盤點6位圈中靚媽媽！

一年一度嘅母親節又到喇！娛樂圈都有唔少靚媽媽，而且佢哋喺生完BB之後，都依然保持又靚又Fit㗎！而家就一齊睇下有邊幾位靚媽媽啦～

陳凱琳

陳凱琳於2018年同鄭嘉穎喺峇里島結婚，喺2019年誕下長子鄭承悅（Rafael），再於2020年誕下次子鄭承亮（Yannick），兩年抱兩，一家四口十分幸福！

Photo from 陳凱琳FB

Photo from 陳凱琳FB

雖然已經成為2個小朋友嘅母親，但陳凱琳嘅身材依然好纖瘦！生完之後亦好快就恢復身形，投入返幕前嘅拍攝工作，明星果然係唔同啲～

Photo from 陳凱琳FB

Photo from 陳凱琳FB

陳嘉寶

陳嘉寶（Anjaylia）於2017年同初戀情人黃頌祈（Epaphras）結婚，並於2019年誕下大囡黃恩言（Hosanna），再於2020年低調誕下次囡Eliana。

Photo from 陳嘉寶IG

Photo from 陳嘉寶IG

當佢公布次囡出世嘅消息時，嚇到唔少網民，因為佢一直以來喺IG所post 嘅照片都完全睇唔出佢懷孕！而係生完BB後，佢嘅身形同未生之前根本冇分別～

Photo from 陳嘉寶IG

Photo from 陳嘉寶IG

倪晨曦

倪晨曦（Elva）與圈外男友吳嘉釗（Vincent）喺2020年初結婚，並於2020年11月誕下仔仔Virgil。本身就熱愛做瑜伽嘅佢，懷孕期間就已經肥肚唔肥人！生完BB之後，好快就已經回復返以前嘅身形。有網民仲認為生完BB嘅佢，上圍更加豐滿，身材仲比之前好咗！

Photo from 倪晨曦IG

Photo from 倪晨曦IG

而家佢亦經常帶同BB出去周圍走，享受戶外活動。早前，佢就帶埋仔仔去沙灘玩，點知倪晨曦仲因為顧住湊B冇搽防曬而曬傷咗～

Photo from 倪晨曦IG

Photo from 倪晨曦IG

單文柔

單文柔同陳展鵬於2018年結婚，於2019年誕下囡囡陳諾瑤（小豬比），目前專心湊囡囡，做賢妻良母。但佢非常勤力咁保持自己嘅身材，成日都會見到佢喺IG上載自己身穿運動衫嘅照片，而唔少網民仲認為佢而家嘅身材比佢未生之前更加結實！

Photo from 單文柔IG

Photo from 單文柔IG

林芊妤Coffee

林芊妤（Coffee）於2018年與圈外男友翟志榮（Weng），同年誕下仔仔翟德彥（伯伯），仔仔而家仲好受網民歡迎！喺佢懷孕之前，佢就開始運動，擁有好多女仔都夢寐以求嘅馬甲線，仲成為知名嘅YouTuber拍片教大家做運動。平時又成日見到佢帶埋伯伯一齊行山，又難怪佢會咁Fit嘅～

Photo from Coffee IG

Photo from Coffee IG

李蘊

李蘊喺2016年初同圈外男友羅章冠結婚，並誕下一對子女。雖然已經成為人母，但佢依然keep得好好，樣貌同以前分別不大，身材依然唔錯。雖然近日佢上載嘅泳衣照就俾網民話有少少肚腩，但作為媽媽，佢嘅身材已經算係keep得好好～

Photo from 李蘊IG

Photo from 李蘊IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

張柏芝最唔鍾意被標籤為「好媽媽」！唔認係「凍齡女神」 網友激讚理智又清醒！

29 Apr , 2021

上咗《乘風破浪的姐姐2》後嘅張柏芝喺大陸人氣急升，佢近日出演綜藝節目時就公開表示好唔中意「好媽媽」呢個標籤，節目播出後收穫大批觀眾嘅支持！

Photo from 張柏芝微博

40歲嘅張柏芝出演《乘風破浪的姐姐2》以嚟雖然唱跳實力都唔過關，但人氣就節節上升，支持者多嘅佢最終未能成團出道，工作卻接連不斷。

Photo from 張柏芝微博

佢日前出演內地綜藝節目《讓生活好看》，其中一個環節係嘉賓嘅人形牌上貼滿外界對佢嘅標籤，張柏芝有「好媽媽」、「凍齡女神」 、「唱跳划水」、「話題焦點」等。

Photo from 張柏芝微博

張柏芝獨力養育3個仔仔，向來都獲網友大讚係好媽媽，不過佢就坦言自己好唔中意呢個標籤，佢指自己覺得媽媽本來就應該對孩子好，愛自己嘅孩子，而佢成日出門都有好多人讚佢係好媽媽，張柏芝自言唔覺得好開心。

Photo from 張柏芝微博

Photo from 張柏芝微博

Photo from 微博

Photo from 微博

另外佢又撕走「凍齡女神」嘅標籤，佢認為作為一個40+嘅女人，寧願要自然啲嘅美，例如有一啲皺紋，佢最在乎嘅係「凍齡的靈魂」。

Photo from 張柏芝微博

Photo from 張柏芝微博

喺《乘風破浪的姐姐2》節目中演員出身嘅張柏芝唱跳都唔太跟得上，更被指「划水」hea跳，對於「唱跳划水」呢個標籤，佢表示會坦然接受，張柏芝承認唱跳係佢非常弱嘅弱點，同自己講會進步就好，唔諗住撕走。

Photo from 張柏芝微博

節目播出後「#張柏芝回應唱跳划水#」、「#張柏芝不喜歡好媽媽標籤#」登上熱搜，唔少網民都讚張柏芝理智又真實，又指佢係獨立女性嘅代表：「好媽媽從來不是人設！張柏芝真的是人間清醒了」

Photo from 微博

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）