蔡卓妍晒逾20年出道前舊照　自嘲：唔明點解公司冇炒我？網民笑似依位星媽

娛樂新聞

By Celia on 10 May 2021

Digital Editor

世界很大，生命很短，做自己就好！

蔡卓妍（阿 Sa）入行以嚟改變一直都唔係好大， 20 幾年都長有一副童顏嘅臉孔，就算依家已經 38 歲嘅佢睇起嚟仲係咁少女。而近日佢就上傳咗當年佢正式入行前嘅舊相自嘲之外，更有網友指佢當年同依位星媽好似樣添呀！

Photo from 蔡卓妍 /IG

現年 38 歲嘅阿 Sa 唔少人都知當年中三嘅佢就開始為雜誌及廣告擔任兼職模特兒，而佢第一套主演嘅電視作品就係當年港台節目《青春@Y2K》，之後便簽約成為英皇娛樂旗下藝人與鍾欣潼組成Twins。

Photo from 蔡卓妍 /IG

而近日阿 Sa 就罕有咗公開自己近 25 年前喺中三及入行前嘅模特兒相，相中嘅佢面圓圓，笑容甜美加上嬰兒肥，真係青春呀！

Photo from 蔡卓妍 /IG

佢留言指依啲相係「出土文物」嚟，事關依啲相全部都係當年用寶麗萊影嘅，之後又 hashtag 自嘲「小弟未入行前都做過moteer㗎」、「最尾嗰張係啱啱入公司仲未組Twins嘅時候公司安排影嘅相」、「唔明白公司點解睇完呢輯相都冇炒我 ??」

Photo from 蔡卓妍 /IG

Photo from 《青春@Y2K》截圖

喺依輯相中，有一張阿 Sa 當年剪咗一個非主流嘅髮型，佢指依個頭係當年佢仲未同鍾欣潼組 Twins 之前影嘅，引嚟唔少圈中好友留言：「好青春啊」、「Super cute」，而樂隊 Mr.嘅 Alan 更留言佢當年係「羅敏莊look」嚟。

Photo from 蔡卓妍 /IG

而唔少網民睇完除咗留言指阿 Sa 夠晒青春可愛，有咩點變外，更指佢當年「個髮型係潮流尖端」、「好經典，仿佛回到學生時」，認真搞笑。

Photo from 蔡卓妍 /IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

38 歲阿 Sa 大曬出浴素顏照妝前妝後無分別　網民：靚過化咗妝

07 Jan 2021

近日香港氣溫驟降，沖涼變得非常困難，因為需要無比嘅勇氣先做到！阿 Sa 蔡卓妍都同樣遇到呢個「大難題」，日前佢就係 IG 發文大讚自己有勇氣沖涼，仲大曬出浴素顏照，網民一見，大讚靚過化咗妝！

呢幾日氣溫暴跌，新界地區早上更低至 3、4 度，咁凍嘅天氣下，除咗起身係一件難事之外，就連沖涼都係一個大難題！蔡卓妍同樣都被沖涼問題困擾，日前佢就係社交平台發文大讚自己：「呢幾日嘅呢個時候都會讚自己叻叻????#好嘢我沖完涼喇 ????#沖涼是需要勇氣的 ??#你哋今日沖咗未 #未沖嘅加油 ??」阿 Sa 大讚自己有勇氣沖涼，更 hashtag 話沖涼需要勇氣，仲叫未沖嘅人要加油，非常搞笑。