【MIRROR 成員】出道前照片大公開！落差最大竟然係呢位成員！

生活熱話

By Stephanie on 10 May 2021

Digital Content Writer

香港組合MIRROR最近就舉行緊演唱會，反應非常熱烈，唔少歌迷都買唔到飛！MIRROR 12位成員自2018年參加《全民造星》到而家，已經有接近3年，但大家又有冇見過佢哋出道前嘅相呢～

Photo from MIRROR FB

姜濤

相信唔少人都知道姜濤以前嘅體重曾經高達200磅，因為遇到心儀嘅女仔而下定決心，一年時間減到140磅，完全證明咗「肥仔都係潛力股」呢句話！出道前，佢亦曾經參加過《快樂男聲》，不過就只係進入30強就止步。

Photo from 姜濤IG

Photo from 《快樂男聲》

而佢都有喺IG公開過自己童年時嘅照片，細細個就眼仔碌碌同埋兜風耳，十分可愛！

Photo from 姜濤IG

Edan 呂爵安

Edan一向都被網民喻為MIRROR入面最冇偶像包袱同埋搞笑嘅成員，而佢出道前嘅相都表情多多，非常搞怪，相信佢以前就已經係朋友眼中嘅開心果！

Photo from Edan IG

Ian陳卓賢

Ian用佢嘅招牌笑容同音樂才華，成功吸引咗唔少粉絲！而佢出道前就曾經係香港男子排球嘅代表，仲效力過南華排球隊～

Photo from Ian IG

Jer 柳應廷

Jer讀書時期就已經好鍾意唱歌，曾參加過唔少歌唱比賽，亦有同朋友自己組樂團進行街頭表演。

Photo from Jer IG

Anson Kong(AK) 江?生

AK能歌善舞，喺參賽時就已經受到網民們嘅關注。佢出道前就曾經為唔同嘅藝人做伴舞，累積咗好多演出經驗！

Photo from AK IG

Anson Lo盧瀚霆

Anson Lo 因唱歌同跳舞實力強，喺當時參加節目時就已經好受歡迎！佢喺出道前係一位dancer兼舞蹈老師，參加過唔少嘅舞蹈表演，網上亦有好多跳舞影片，仲同同樣係dancer出身嘅AK一齊喺show case見過面~

Photo from Anson Lo IG

Jeremy 李駿傑

Jeremy係團內唯一一位走韓風路線嘅成員，因為自小就想做歌手，所以曾經報名參加《快樂男聲》、《中國好聲音》、韓國娛樂公司練習生選拔等。

Photo from Jeremy IG

Lokman 楊樂文

Lokman非常熱衷於跳街舞，出道前參加過唔少舞蹈比賽同埋舞台劇演出，仲喺2013年上映嘅電影《狂舞派》飾演團長Dave一角，令網民留下深刻印象！

Photo from Lokman IG

Frankie 陳瑞輝

Frankie喺參加《全民造星》時曾經因為受挫折而喊，被網民喻為喊得最靚嘅成員。佢出道前亦係一位dancer，曾經為鄧紫棋、陳小春等歌手伴舞，亦做過服裝店模特兒。

Photo from Frankie IG

Alton 王智德

Alton 出道前係一位健身教練，練得一身肌肉身材，仲參加過健美比賽獲得第六名。佢熱愛跳舞，加入過不同嘅舞蹈團體。

Photo from Alton IG

Stanley 邱士縉

身形高大嘅Stanley強項係跳舞，出道前係一位dancer兼跳舞老師，有唔少嘅舞台經驗。佢話過自己想做演員，仲曾經想透過選《香港先生》入行，可惜節目已經停辦多年。

Photo from Stanley IG

Tiger 邱傲然

Tiger因為喺節目中表演拉丁舞，而令網民印象深刻！其實佢同姜濤同年，出道前佢就已經好有才華，經常喺學校上台表演。

Photo from Tiger IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【Mirror成員】由《全民造星》到演唱會12子變化！IG、TG粉絲Group整合！

7 May , 2021

憑著ViuTV《全民造星》出道的12人組合MIRROR，絕對是香港近年人氣最火爆的偶像組合！2018年成軍至今2年多，人氣一直高居不下，去年更橫掃多個音樂獎項~昨日首次開唱的MIRROR，一度引起搶票潮，加開至六場仍然一票難求，氣勢驚人啊~除了組合，12位成員亦在各自領域積極發展，當中以姜濤及Ian人氣最勁，但是其他成員亦各有魅力！即刻帶你睇MIRROR成員的個人變化、近況及動向~

Photo from MIRROR IG

1.姜濤

Photo from MIRROR 姜濤IG

作為組合的「人氣王」，姜濤不但率先以個人之姿推出3首單曲，其中《蒙著嘴說愛你》更成為其首個冠軍歌。他更在《2020年度叱咤樂壇流行榜頒獎典禮》奪下「我最喜愛的男歌手」及「我最喜愛的歌曲」，成為大獎最年輕的獲獎者。發展潛力無限的姜B，能唱能演，亦參與了劇集拍攝，不但憑著《太平紋身店》客串一角「葉天晴」掀起話題，還在台灣首次拍攝偶像劇《超感應學院》！
姜濤 Telegram Frans Group ：點此（入會前要先填資料）
姜濤 Instagram 點此

Photo from MIRROR 姜濤IG

2.Ian 陳卓賢

Photo from MIRROR Ian IG

同樣人氣很高的Ian，亦是組合最早推出個人音樂作品的成員之一，4首單曲中更有一首是自己的創作。早前他再推出新歌《DWBF》，絕對是實力派！另外，Ian去年憑著《男排女將》「魚仔」，自然演技成功讓他再次人氣飆升。仲有待播的《無限斜棟有限公司》，就因同盧慧敏合作而撻著，更成為真實情侶。
Ian Telegram Frans Group：點此（入會前要先 DM Frans Group IG）
Ian Instagram 點此

Photo from MIRROR Ian IG

3.Lokman 楊樂文

Photo from MIRROR Lokman IG

熱愛跳舞的Lokman在《全民造星1》前，早就憑著《狂舞派》的「Dave」被大家認識，亦參與過不少廣告拍攝。因為豐富的演藝經驗，他被委任為MIRROR隊長。Lokman亦是組合中少數涉略影壇的成員，主演的《狂舞派3》正待上映。另外，他曾客串多部電視劇，最近還出演了ViuTV新劇《IT狗》，以及擔任節目《囝囝女女730》的主持人。
Lokman Instagram 點此
Lokman Telegram Frans Group：點此

Photo from MIRROR Lokman IG

4.Alton 王智德

Photo from MIRROR Alton IG

Alton在出道前曾是健身教練，熱愛參與戶外活動，而且喜歡跳舞的他，還加入過不同的舞蹈組合。去年憑著《男排女將》「Chris 1」一角受到關註的Alton，目前正積極經營其個人YouTube頻道，常常分享生活日常及搞笑影片，點擊率不俗。
Alton Instagram 點此
Alton YouTube 點此
Alton Telegram Frans Group：點此

Photo from MIRROR Alton IG

5.Anson Lo 盧瀚霆

Photo from MIRROR Anson Lo IG

Anson Lo去年除了在《男排女將》因「Bobby」一角而人氣急升，演唱插曲《神隊友》亦有不錯的成績。去年推出了多首單曲的他，今年亦將繼續朝唱跳型發展！之前他還出演了靈異真人騷節目《入住請敲門4》，擔任台灣篇的主持人。另外，Anson Lo有份出演香港第一部「BL劇」港版《大叔的愛》，將會同黃德斌一起「爭奪」Edan，預計屆時又再掀起一股熱潮。
Anson Lo Instagram 點此
Anson Lo Telegram Frans Group：點此

Photo from MIRROR Anson Lo IG

6.Edan 呂爵安

Photo from MIRROR Edan IG

憑著《男排女將》詼諧一角「阿神」及節目《膠戰》展現四次元魅力，讓Edan在去年成功以幽默搞笑受到喜愛！他亦將在港版《大叔的愛》擔任男主角，粉絲們都好期待其表現！另外，Edan推出的個人單曲《E先生連環不幸事件》，特別邀請了黃偉文填詞，成績都不錯下~

Edan Telegram Frans Group：點此（入會前要先 DM Frans Group IG）
Edan Instagram 點此

Photo from MIRROR Edan IG

7.Jer 柳應延

Photo from MIRROR Jer IG

同樣因《男排女將》「方丈」一角引起關註，但Jer的音樂作品更值得關注！他曾同朋友組成樂隊「Bromance」，並擔任主唱及低音吉他手，歌唱實力出眾~他去年憑著「物語三部曲」，充滿獨特的聲線及詩意的歌詞，獲得「叱咤樂壇頒獎禮生力軍金獎」。Jer未來的個人發展會以歌唱為主，加上曾透露今年有意向唱作型路線發展，令人期待！
Jer Instagram 點此
Jer Telegram Frans Group：點此

Photo from MIRROR Jer IG

8.Anson Kong 江?生

Photo from MIRROR AK IG

出道前曾經為多位藝人伴舞的Anson Kong，憑著《全民造星1》成功上位！去年不但在電視劇《打天下》擔任男主角「二師兄」，仲唱埋主題曲《千億個或許》。至於音樂方面，AK亦推出了多首單曲，其中同Ian合唱的《蝸牛》最受歡迎，早前又有新歌《黑之呼吸》！另外，AK亦開設了個人YouTube頻道，期待他分享更多的影片啦~
AK TG Frans Group：點此（入會前要先 DM Frans Group IG）
AK Instagram 點此
AK YouTube 點此

Photo from MIRROR Facebook

9.Stanley 邱士縉

Photo from MIRROR Stanley IG

雖然暫時沒有個人音樂作品，但Stanley去年憑著電視劇《地產仔》，由忠變奸的「陸進（阿鹿）」一角打開知名度，仲參與港台合作的懸疑劇《塵沙惑》，累積了不少演戲經驗。而且他還和Anson Lo一起擔任靈異真人騷節目《入住請敲門4》台灣篇的主持人。另外，Stanley目前同《全民造星3》的參賽者Alina拍拖，經常在社交平台放閃~
Stanley Instagram 點此
Stanley Telegram Frans Group：點此

Photo from MIRROR Stanley IG

10.Frankie 陳瑞輝

Photo from MIRROR Frankie IG

Frankie目前除了是節目《囝囝女女730》的主持人之一，亦曾客串演出《男排女將》，以及搞笑反串Anson Kong的音樂微電影《特登》。雖然暫時沒有太多的個人單飛演出機會，但他很積極用心經營開設的時裝網店。
Frankie Instagram 點此
Frankie Telegram Frans Group：點此

Photo from MIRROR Frankie IG

11.Jeremy 李駿傑

Photo from MIRROR Jeremy IG

在MIRROR一向風格獨特的Jeremy，憑著多變的髮色而被粉絲笑稱是「unicorn」。歌唱實力不俗的他雖然暫時沒有個人音樂作品，但據悉正積極健身及學習樂器，不知是否為個人作品做準備~不過，他亦參與了不少戲劇演出，如《男排女將》及《娛樂風雲》等等，仲開設了個人YouTube頻道。
Jeremy Instagram 點此
Jeremy YouTube 點此
Jeremy Telegram Frans Group：點此

Photo from MIRROR Jeremy IG

12.Tiger 邱傲然

Photo from MIRROR Tiger IG

在組合中比較寡言低調的Tiger，暫時沒有個人單曲，但曾擔任組合歌曲《破鏡》的MV導演，亦出演了一些電視劇，其中就以《男排女將》展現自然演技而受到好評。另外，個人風格非常獨特的他，還創立了個人時尚服飾品牌「Dezert」，主打皮革及牛仔服飾。
Tiger Instagram 點此
Tiger Telegram Frans Group：點此