Angelababy錄《奔跑吧》現溶妝樣！見面會現場零P圖片段引熱議！女神形象不保？

娛樂新聞

By Jennifer on 11 May 2021

Digital Editor

今晚食乜餸：小二，嚟一碟花生！

內地綜藝節目《奔跑吧》第五季正熱播，作為「元老級」主持嘅Angelababy都有出演，日前播出一集佢喺炎熱天氣下錄影，更熱到溶妝，掀起網友討論！

Photo from Angelababy微博

《奔跑吧》第2集，一眾MC、嘉賓去到珠海錄影，當中不乏戶外拍攝，令到成班藝人熱到身水身汗，連妝都溶埋！

Photo from Angelababy工作室微博

Angelababy參與晒五季節目，更因為呢個綜藝喺內地人氣急升，晉升為「Baby姐」，而佢每次錄製節目都悉心打扮，佢曾喺第五季見面會上表示：「可以多留意我妝容和髮型，因為每一次都是經過精心設計的。」

Photo from Angelababy微博

務求以最佳造型示人嘅Angelababy今次都有認真打扮，佢梳咗孖辮，非常青春，仲要喺孖辮上紮出心形，成個look都勁少女！

Photo from Angelababy微博

不過珠海天氣炎熱，拍攝完上車之後各位嘉賓妝容都有「溶化」跡象，Angelababy熱到滿頭大汗，梳得一絲不苟嘅髮型都沾晒喺塊面上，要用手撥返開。

Photo from 《奔跑吧》

有少少溶妝嘅佢眼圈明顯變深色，額頭T字位都有出油，唇峰位置嘅唇膏都甩甩哋。不過佢已經算保持得好，其他人如內地人氣男星蔡徐坤大汗下變到勁憔悴、李晨亦滿面油光。

Photo from 《奔跑吧》

早前佢出席《奔跑吧》宣傳活動時零濾鏡嘅片段喺網上流傳，喺官方影片中Baby有分享「變靚小貼士」，但有網友喺抖音公開咗「零濾鏡」短片，似乎同官方片段有好大嘅差距！

Photo from 微博

Photo from 抖音

不過有Angelababy fans表示「零濾鏡」片段經過處理令Baby睇落老咗20歲，面型、五官都被扭曲晒。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Angelababy細佬楊帆預備選秀出道？！網民:十足十箍牙前嘅楊穎！

9 Apr 2021

Angelababy同黃曉明嘅婚變傳聞呢幾年一直都成為大眾嘅焦點。近日，就有消息爆出話Angelababy嘅細佬頻頻練習唱跳，成為練習生，準備參加選秀出道，令唔少網民都即刻起佢底！

Photo from 微博

Angelababy細佬楊帆（Keven)一直都非常低調，甚少出現喺Angelababy嘅社交媒體，所以亦好少俾媒體提起。據悉楊帆比Angelababy細7年，目前就讀南京大學商學院，係一位名副其實嘅學霸！

Photo from 微博

而楊帆最近一次喺Angelababy嘅微博出現，應該就喺2019年佢開30歲嘅公主party嘅時候，佢十分配合派對主題亦都身穿長髮公主裙現身！

Photo from 微博

一相處事低調嘅楊帆只係公開露面過一次，而且已經喺2012年出演Angelababy嘅劇場版MV《都要微笑好嗎》嘅拍攝。喺MV中，佢飾演俾Angelababy暗戀嘅同學，有好多個鏡頭都可以清楚咁見到楊帆嘅樣貌！MV 播出後，楊帆馬上登上微博熱搜，但Angelababy就表明希望大家唔好太關注弟弟，因為佢對幕前完全冇興趣！

Photo from 《都要微笑好嗎》

過往Angelababy 就曾經公開過父母嘅照片，媽媽係上海人，而爸爸就係中德混血兒，因此佢哋兩姐弟都擁有立體精緻嘅五官。而相對之下，楊帆嘅混血基因就俾姐姐更加明顯，濃眉大眼、輪廓分明。

Photo from 微博

網民對於楊帆嘅外貌都持有唔同嘅睇法，有啲就認為佢同Angelababy唔似樣，但有啲又認為佢哋兩個嘅嘴型相似，同Angelababy未箍牙前好似！

Photo from 《都要微笑好嗎》

另外，有網民翻出Angelababy同楊帆嘅兒時頭貼頭嘅合照，睇嚟兩人關係幾好！而且，楊帆中曾經「騎劫」過姐姐嘅微博貪玩咁話自己係Angelahoney，覺得自己係全家最好睇嘅人～

Photo from 微博

唔少網民都好想知道而家嘅楊帆樣貌上到底有冇改變到，相信如果佢出道必定可以引起網民嘅熱烈討論啊～

Text: HolidaySmart Editorial

劉德華電影片酬僅同19歲童星同級？Angelababy比佘詩曼收貴10倍！6位明星內地片酬曝光

5 Mar 2021

「四大天王」劉德華喺影壇好有地位，近來有台灣傳媒公開佢嘅大陸片酬，指與一線紅星差勁遠！內地演員同香港演員嘅片酬的確有明顯差距！

Photo from 華仔天地

劉德華入行至今40年，喺樂壇獲封「四大天王」之一，影壇上佢曾3奪香港金像獎「最佳男主角」、台灣金馬獎「最佳男主角」亦攞過兩次！

Photo from 《拆彈專家2》微博

身為5料影帝嘅佢票房號召力強勁！佢主演嘅《拆彈專家2》喺大陸上映累計票房突破13億，大陸上映嘅港產片票房冠軍，近日有台灣傳媒報道劉德華喺大陸嘅片酬。

Photo from 《拆彈專家2》微博

報道指大陸電影業內人士透露劉德華嘅片酬大約喺$2,400萬至$2,800萬之間，而19歲童星出身嘅內地小花張子楓，片酬都係$2,400萬左右，所以喺大陸電影業中，劉德華係CP值極高嘅演員。

Photo from 《拆彈專家2》微博

Photo from 張子楓微博

與劉德華相比，大陸一線紅星如黃渤、徐崢、鄧超等叫價達$4,700萬，約係劉德華兩倍，王寶強片酬更開價近$9,800萬。

Photo from 鄧超微博

Photo from 《唐人街探案》微博

其實唔少香港演員上大陸工作，片酬都比其他大陸明星有明顯差距，曾經有爆料爆出香港演員出演大陸電視劇嘅片酬金額。

Photo from 《延禧攻略》微博

憑《延禧攻略》爆紅嘅佘詩曼，有指佢現時拍電視劇一集片酬為15萬人民幣；爆料指林峯片酬一集有20萬人民幣；至於喺《演員請就位2》奪冠嘅胡杏兒之前嘅片酬為5萬人民幣。

Photo from 佘詩曼微博

Photo from 林峯微博

Photo from 胡杏兒微博

比起TVB出身嘅演員，早已成大陸一線女星嘅Angelababy就傳出拍電視劇《孤芳不自賞》片酬有8,000萬（共62集換算返約129萬一集），電影片酬亦有1千萬；另一位大陸一線花旦楊冪電視劇片酬達1億（60集電視劇每集約160萬）！電影片酬為1,500萬；而喺大陸人氣極高嘅陳偉霆亦曾傳出電視劇片酬達1億人民幣（60集電視劇每集約160萬），就算因「限薪令」等政策影響，陳偉霆片酬仍有2,000萬。