網民大呻公司推出「廁所打卡制」每月如廁時間少於1小時有額外獎金！

去廁所係每個人每日都必定會做嘅事！日前，有網民就喺討論區話自己公司最近推行「廁所打卡制」，仲話如果員工每個月如廁嘅時間少於1個鐘，就有$150作獎勵！

Photo from TVB

最近，有網民就喺香港討論區大呻公司新推出咗「廁所打卡制」，由於老闆認為員工經常去廁所會影響工作效率，所以就喺開會時講過覺得除咗身體不適之外，員工係可以喺返工前或者午飯時間「痾清」。

Photo from 香港討論區

Photo from TVB

因此，公司就推出咗「廁所打卡制」，每次去廁所都需要打卡，並由reception嘅同事負責睇住。一攞廁所鎖匙就要打卡，出去同返入公司都要打卡，用嚟紀錄時間！

Photo from TVB

而老闆為咗鼓勵員工實行呢個制度，就話如果每個月結時，員工如廁時間少於1個鐘就可以獲得零食基金$150作為獎勵！不過，呢位網民就表示獎勵嘅金額太少，呢$150佢就真係唔太在意，直言覺得呢個制度反而會帶嚟反效果。

Photo from TVB

呢個post一出就引起唔少網民嘅關注，大部份網民都認為呢位老闆不近人情，連員工嘅生理需要都要控制；但都有網民認為呢個制度只係針對會偷懶嘅員工，並冇懲罰已經好好！

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【母親節】兩孝子酒樓爭枱？ 「武」親節奇景！ 網民：以為爭俾錢，場面溫馨！

10 May , 2021

昨日母親節，好多家庭都同媽媽飲茶慶祝。雖然節日已過，但仍有家庭送上壓軸戲。昨日，社交網站瘋傳1段短片，顯示兩幫家族喺酒樓大打出手！場面暴力，引起網民熱議。

Photo from 連登討論區圖片

昨日母親節（9/5），疫情下無阻市民到酒樓慶祝。但多人地方容易起爭執，有社交網站瘋傳一條長約四分多鍾短片。片中，有大約10人於一酒樓圓枱發生爭執，大打出手，涉事者有男有女，場面暴力。現場更有小孩觀看，有網民擔心對女孩造成心理陰影。

片中，可見黃衫女及黑白衫女子首先開戰，雙方互扯頭髮，紫衫女隨即加入戰團，貌似保護前者。混戰中一名灰衫女使出爆碗招式。好快，黃衫女馬尾在混亂中鬆脫，其對手都披頭散髮。

Photo from North District 北區 2.0 Facebook 截圖

Photo from North District 北區 2.0 Facebook 截圖

Photo from North District 北區 2.0 Facebook 截圖

母親節唔係女士專享，連男士都參戰。承接上回，白衫眼鏡男竟攞出鐵茶壺兜頭扑向紫衫女，疑似護花，現場傳出響亮「扑扑聲」，有網民認為佢好會善用環境。

Photo from North District 北區 2.0 Facebook 截圖

現場傳出疑似黑衫女子哀哭喊聲，一名小女孩則冷靜坐喺同枱，未知是否被嚇呆。

Photo from North District 北區 2.0 Facebook 截圖

Photo from North District 北區 2.0 Facebook 截圖

其他親人及酒樓員工都幫手停戰，出手攔住兩幫家族，亦有經理開始執枱。

Photo from North District 北區 2.0 Facebook 截圖

休戰之際，有紅衣女突然拿起保溫壺企圖掟向眼鏡男，疑似為親友報仇，幸被職員奪去「武器」，紅衣女續指罵眼鏡男。

Photo from North District 北區 2.0 Facebook 截圖

場面失控，更有人大叫報警，但影片中未知執法人員有否到場。有網民指，事發地點於東莞。根據當地網民描述，事發當日，黃衫女早於八點已到酒樓排隊，打算同女孩、母親、家婆飲茶慶祝。但一名男子見位即搶，雙方發生口角繼而動武，有指女孩更被茶水潑到。

Photo from Vanny Ch Facebook

Photo from 微博截圖

網民形容此情景為「武親節」，「母親們打成一片，場面感人」，又指現場細路表現鎮定，係未來人才，但有人猜測係佢平時見慣同類場面所致。亦有網友認為女人打交男人不應插手。

Photo from 連登討論區評論

Photo from 連登討論區評論

Photo from 連登討論區評論

Photo from 連登討論區評論

Photo from 連登討論區評論

Photo from 連登討論區評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）