奇招送貨險象環生 事主上網求評理 反被網民創意氣翻！
科技同疫情影響下，好多人都選擇網購，但屋企無人收貨都可以造成麻煩。近日，有網民於討論區分享佢奇特嘅收貨經歷，引起網民熱議。
Photo from 《最強速遞員》 劇照
近日，喺連登討論區有一則名為「原來依家啲送貨員咁好身手？！」帖文，事主對其收貨體驗大感驚訝。佢上載咗同送貨員嘅對話截圖。截圖中，送貨員首先表示貨件已被佢送上陽台。
Photo from 連登討論區截圖
聽到「陽台」，事主已感到不解，詢問送貨員細節。但送貨員解釋，因為一直打唔到畀事主，所以按自己方式將貨送達，勸事主唔好深究。
Photo from 連登討論區截圖
事主續解釋自己轉電話卡，所以未能接收電話。然後問送貨員係咪將貨件人手拋上陽台。送貨員有點尷尬地回答：「係，唔好意思」
Photo from 連登討論區截圖
事主之後到社交平台分享事件，對送貨員精準嘅拋擲技巧表示驚歎，又相信如果送貨員無私訊佢嘅話，會以為有賊入屋。同時，事主亦擔心如果陽台上嘅玻璃擺設被貨件掟中，派遞公司會否賠償。
Photo from 連登討論區截圖
事主表示唔太接受到咁新穎嘅送貨方式，始終擔心危及家品。但有網民表示歡迎，仲笑言可以安裝籃球框畀送貨員「投籃」。
Photo from 連登評論
Photo from NBA Youtube
有疑似「鷹眼」網民笑言自己平時送貨都會帶定把弓，「射貨」上樓。
Photo from 連登評論
Photo from Pinterest
有網民見事主無否認村屋猜測，就認為村屋陽台唔算高，所以覺得拋貨上去並唔難。惟事主反對，卻繼續被網民「窒」，令佢無奈投降「say sorry」。
Photo from 連登評論
有網友補充，其實貨物喺倉庫內都經常被送貨員大力拋擲，所以擔心都無用。
Photo from 連登評論
對於有人批評事主明知將會收貨仍換電話卡，事主表示佢事前並無訂貨，今次只係收到曾合作商戶寄嚟嘅貨件，所以佢對送貨毫不知情，亦表示佢本意係分享趣聞，而唔係追究責任。
Photo from 連登討論區
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男智破香港土地問題！師傅大讚聰明 網民：你係193？點洗碗？
7 May 2021
香港土地問題嚴峻，房屋空間設計係香港人常見煩惱。近日，有網民喺討論區開心分享佢解決依個問題嘅大法！
Photo from Pinterest
唔少香港人就算有屋住都無位安置家具，造成生人遷就死物問題，有住戶連如廁都不能伸直腳，大大降低居住體驗。
Photo from 香港有線財經資訊台 截圖
日前，有網民喺香港公營房屋討論區上載一幅拍攝於佢屋企嘅廚房照，並寫道：「噚日裝洗衣機佬話做咗十幾年都未見過好似我咁聰明同咁靚仔!」到底有幾巧妙？
Photo from 香港公營房屋討論區
照片中，可見其洗衣機對上擺放了一台雪櫃，中間有四腳平台隔開兩者，咁就成功慳咗個位，難怪師傅見到都嘖嘖稱奇!
Photo from 香港公營房屋討論區
不過，連登討論區網民對相片都有唔少疑問，好多人表示個雪櫃咁高，究竟點開雪櫃，笑言對生得唔夠高人嚟講連開冰格都無資格，更有人對事主真實身份表示好奇，問道：「你係193？」
Photo from 連登討論區 評論
Photo from 連登討論區 評論
Photo from Viu TV
亦有網友發現到另一個焦點，問：「點洗碗？」確實，相片中顯示鋅盆前嘅站立空間極度狹小，紙片人都未必可以進內洗碗，網民對此表示費解，話：「見到都覺得條腰赤赤」，亦有人認為只要手夠長就可以洗碗。
Photo from 香港公營房屋討論區
Photo from 連登討論區 評論
Photo from 連登討論區 評論
有網民觀察照片後覺得咁嘅設計會引起家居危險，要事主多加注意。亦有人認為咁嘅設計未必適合全部人使用，但都不失為一個方法，最緊要方便事主。
Photo from 連登討論區 評論
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
員工無人工加霸氣炒老細！無視極力挽留網上開名鬧！網民大讚好型
30 Apr 2021
返工做細嘅當然想加人工，但好多打工仔都會遇到老細唔肯加薪嘅問題，為求兩餐，加上現時經濟低迷，更加唔敢隨便辭職。但近日，一名網民喺連登討論區開Post表示自己已經忍夠，終於炒咗老細，過程仲要相當霸氣，令一眾巴絲打都非常佩服同為佢高興。
Photo from McDonald's 《大姜的愛》
近日，一名網民不滿僱主長期唔加人工，
Photo from 連登討論區
但事主老細並無重視佢嘅質問，只敷衍佢話下次一定有薪加，叫事主再畀啲耐性等待。此舉令事主更加失去工作動力，立即打辭職信。信件中，佢表明辭職理由為不滿其公司未能向員工顯示升職軌道、發展機會，同工唔同薪亦係導火線之一。
Photo from TVB
事主亦有向網民提供最新情況，佢表示其上司收到辭職信後，仍然透過Whatsapp追問離職原因。但事主已心淡，表示依家嘅佢只會按章工作。
Photo from 連登討論區
網民大多都對樓主舉動表示支持，有人大讚事主非常有型，帖文亦獲得接近七千個正評，留言認為員工不被尊重嘅話就不必繼續為公司賣力；亦有人覺得依件事反映咗公司只空談無行動係管理大忌。
Photo from 連登討論區
Photo from 連登討論區
Photo from 連登討論區
有網民擔心事主嘅決絕會為將來揾工帶嚟負面影響，但樓主一樣無有怕，佢表示自己大可以將其Appraisal連同辭職信一齊提供畀將來HR參考，有信心佢嘅情況會被理解。
Photo from 連登討論區
有人擔憂事主喺網上點名批評上司有風險，但樓主表示佢正正知道其上司擁有討論區賬戶，並且歡迎其上司加入帖文參與討論。唔知睇緊依篇文章嘅各位打工仔又會如何面對公司問題呢？
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男回家發現陌生女子走出浴室 撞正爸爸偷食 場面尷尬向網民求救
30 Apr 2021
撞破家人或者伴侶偷食係好多電視劇嘅必有劇情！近日，就有港男喺討論區表示自己返到屋企竟然撞見爸爸偷食，場面非常尷尬。佢表示自己即刻入返房，所以開post問網民應該點算好！
Photo from TVB
日前，有港男就喺連登討論區話自己遇到一件以為只會係電視劇先出現嘅情境，佢因為早放工而回家，但就一返到屋企就發現有個陌生女人喺浴室走出嚟，全身依然滴緊水。
Photo from 連登討論區
港男嘅爸爸就即刻走埋出嚟，好緊張咁問佢點解咁早返屋企，而個女人就匆匆忙忙咁走咗。由於港男覺得太尷尬，佢就入咗房唔敢出去，並且開Post詢問網民應該點樣面對佢爸爸。
Photo from TVB
港男就形容陌生女子嘅年齡同爸爸相若，大約六十幾歲，仲話「屯門公園娜娜都靚過佢... 」。佢表示好彩返屋企嘅並唔係佢媽媽，如果係嘅話，佢講笑咁話可能會有命案發生！另外，港男仲話自己入房嘅時候，將買返嚟嘅飯盒漏咗喺廳，過咗2個鐘都未敢出去攞返。
Photo from TVB
港男就詢問網民意見，係咪應該揭穿爸爸偷食嘅事定應該繼續扮無事發生，佢表示自己唔想影響家庭關係，但另一方面又唔知點面對爸爸。
Photo from TVB
網民睇完都好踴躍咁留言，網民反應兩極：好多網民都認為應該同媽媽講埋，認為呢件事係好嚴重；亦有網民就認為扮咩都唔知，就可以令家人繼續一齊生活。另外有網民提議應該私底下同爸爸傾，如果想冇咁尷尬，就臨出門口先同佢講，講完就一走了之。
Photo from 連登討論區
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男控訴22歲妹妹上年換5個男友 交往近20個男友「次次帶上屋企唔同男人」
27 Apr , 2021
每個人都會有自己嘅一套愛情觀，有啲人就鍾意細水長流嘅愛情，有啲人就追求轟烈嘅愛情。近日，有港男就喺討論區控訴妹妹只係22歲就已經結交過約20個男友，認為佢換男友嘅速度太快。就算勸喻佢修心養性，都俾佢無視！
Photo from TVB
近日，有名港男喺香港討論區度開post公開控訴妹妹花心，話佢大概16歲仲讀緊中學嘅時候，就開始拍拖，Facebook同IG嘅post全部都係關於愛情嘅嘢。當時妹妹仲要成績差，所以家人都曾經勸喻過佢唔好掛住拍拖。
Photo from 香港討論區
後來，港男就認為妹妹當時可能年紀尚少，青春期嘅少女難免會比較注重愛情，相信妹妹中學畢業之後會有所改善。點知佢發現直到而家，妹妹依然冇變過！
Photo from TVB
佢形容妹妹好似冇咗愛情唔得咁，由中學到而家22歲已經起碼結交過接近20為男友。更誇張嘅係，只係計上年佢就已經換作5個男友，每次上屋企嘅都係唔同男人，每段戀情都只係維持一兩個月左右。
Photo from TVB
港男見狀認為妹妹已經去到濫交嘅地步，擔心妹妹會因此意外懷孕或者染上性病，所以曾經出面勸喻佢收心養性，但都唔成功。佢非常苦惱，藉此開post問網民應該點做好～
Photo from 香港討論區
Photo from TVB
呢個post引起唔少網民嘅關注，唔少網民都覺得妹妹都已經大個，好難會勸到佢；亦有網民認為拍拖嘅次數唔代表花心，認為港男應該關心妹妹同佢傾下未來，從而了解佢嘅諗法。
Photo from 香港討論區
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
