40歲阿嬌坦言有新戀情都絕不公開「我負擔唔起」網民：自己開心就好！

40歲鍾欣潼（阿嬌）離婚後多次發表引人注目言論，例如早前現身大陸節目時回收「不婚論」、又直呼唔會歸還舊愛信物等。而其前夫情緒受困擾至身形暴瘦亦引起關注。近日，阿嬌接受內地傳媒採訪時再次大談愛情觀，引起熱議。

Photo from 鍾欣潼 微博

現時為大陸觀察類戀愛綜藝節目《怦然心動20歲》擔任嘉賓嘅阿嬌，表明會保留舊愛信物，亦自爆現任對此唔知情。但佢對現時戀情無多作解釋。

Photo from 鍾欣潼 微博

日前，阿嬌於大陸接受訪問，被問到點睇婚姻同愛情兩者間嘅分別，阿嬌認為婚姻現實得多，有好多因素要雙方正視，直言：「愛情不用那麼多承諾。」

Photo from 《怦然心動20歲》截圖

被問如果再有新戀情，甚至再婚嘅話，會用咩心態面對，同會有咩大前提。阿嬌表示：「要考慮嘅東西有好多。如果真係再有依個機會，都唔想輕率向對方許下承諾，因為我負擔唔起。」而且要顧及對方感受，我都唔想增加對方壓力。」阿嬌繼續解釋，因為自己係一名藝人，公開戀情嘅話，佢怕對方突然要面對咁多人嘅注視，造成心理困擾。所以依家嘅阿嬌會考慮得好清楚，同以尊重對方私隱作前提。

Photo from 鍾欣潼 微博

阿嬌被問現時對感情係咪持開放態度，佢表示：「沒有抗拒。」又話因為佢之前發生唔少意外，所以佢現時活在當下，認為過得開心就好。

Photo from 鍾欣潼 微博

阿嬌同前夫賴弘國婚姻只維持了14個月。情路向來唔順暢嘅佢表示，每個人嘅愛情觀都不一，但女人談戀愛時保持矜持好重要，唔好太隨便表達自己好愛一個人，因為當男方知道後，佢就唔再珍惜你，令女仔蝕底。

Photo from 鍾欣潼 微博

訪問中，阿嬌表示佢好享受睇相親類節目，因為感覺好青春，直言：「比自己拍拖仲開心」但佢表明唔會上相親類節目尋找Mr. Right：「嗰啲節目就有種比較曬恩愛嘅感覺，我唔鐘意上節目畀觀眾睇我同人拍拖，因為對我嚟講係私隱，我唔希望同大家分享。」

Photo from 《怦然心動20歲》截圖

唔少網民都認同阿嬌「開心就好」，有人覺得佢做訪問誠懇，越睇越有好感，向阿嬌送上祝福。

Photo from 微博評論

Photo from 微博評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）