張堅庭用「咖哩怪」形容ERROR 網民不滿：請尊重人！

香港組合ERROR嘅人氣最近十分高，吸引咗唔少人翻睇佢哋曾經出演嘅綜藝節目！昨日，張堅庭導演就喺佢自己嘅Facebook表示自己都有跟上潮流，翻睇《花姐ERROR遊》，但佢嘅用詞就令唔少網民覺得佢好冇禮貌！

Photo from ERROR FB

男子組合ERROR最近人氣急升，佢哋最近開播嘅《ERROR自肥企画》更加係長期霸佔ViuTV「最多人睇」嘅第一位！佢哋玩得夠放同搞笑嘅性格，令唔少網民因此而開始翻睇佢哋以前嘅綜藝節目《花姐ERROR遊》第一同第二季～

Photo from 《ERROR自肥企画》

Photo from 《花姐ERROR遊》

而張堅庭導演亦都係其中一位，佢以往曾經執導過多部電影，亦有作為演員喺電影中客串。不過，近幾年就主要係寫專欄，評價社會時事同影視作品居多。

Photo from 張堅庭FB

昨日，張堅庭就喺Facebook出post表示自己為咗跟上潮流，而追看《花姐ERROR遊》，內容大致上係表示欣賞佢哋嘅節目夠新穎好笑，但用詞就比較貶義，例如：用「咖哩怪（騎呢怪）」去形容ERROR四人、話花姐「全不修飾，樣又唔靚，又粗魯」等。

Photo from 張堅庭FB

雖然就咁睇張堅庭係欣賞緊佢哋，不過網民就認為佢嘅用詞唔適當，而且咁樣顯得佢好冇禮貌！唔少網民都表示對佢好失望，認為佢係扼殺緊節目組嘅努力。

Photo from 張堅庭FB

Photo from 張堅庭FB

其實除咗張堅庭，娛樂專欄作家查小欣都有喺自己嘅專欄以「ViuTV的社會責任」為題寫咗篇文章。內容主要話佢認為《ERROR自肥企画》嘅內容涉及大量低俗、不雅內容，會為大眾帶嚟不良嘅意識，認為電視台並冇遵守到社會責任！

Photo from 查小欣IG

唔少網民睇完專欄就喺討論區開post，留言話查小欣係借ERROR做炒作，認為佢係「借error去刷存在感」！

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）