陳凱琳/謝嘉怡勁違和、張柏芝超英氣！盤點8位異國風情女星古裝造型

混血兒多數眼大大、鼻高高，非常符合現今大眾嘅審美，所以總有一種講法「混血兒更美」，不過混血兒有外國血統，演古裝劇或會令觀眾「出戲」，以下盤點8位異國風情女星嘅古裝look，究竟係極唔襯，定係另一種美？

1. 謝嘉怡

2020年港姐冠軍謝嘉怡係中蘇混血兒，佢外貌較似係蘇格蘭人嘅媽媽。之前佢出演TVB節目《好聲好戲》，更喺IG晒出古裝造型，輪廓深邃嘅佢古裝打扮好有違和感！

Photo from 謝嘉怡IG

Photo from 謝嘉怡IG

Photo from 謝嘉怡IG

2. Angelababy

爺爺是德國人，爸爸係中德混血兒，所以Angelababy都有德國血統，佢亦有主演過古裝劇，包括《大漢情緣之雲中歌》、《孤芳不自賞》，當時獲網友力讚係古裝女神！

Photo from 上新了故宮

Photo from 《大漢情緣之雲中歌》

Photo from 《孤芳不自賞》

3. 李嘉欣

有「大美人」之稱，佢係中葡混血兒，濃眉大眼嘅李嘉欣演過《鹿鼎記》嘅「阿珂」，喺《醉拳3》飾演清朝王爺之女，美艷造型同角色非常合適～

Photo from 《鹿鼎記2神龍教》

Photo from 《醉拳3》

Photo from 《醉拳3》

4. 張柏芝

張柏芝有遺傳到中英混血媽媽嘅英國血統，童年時頭髮係自然金色。不過佢五官仲有明顯嘅東方特色，古裝氣質出塵，男裝更有一股英氣。

Photo from 乘風破浪的姐姐2

Photo from 我家有一隻河東獅

Photo from 老鼠愛上貓

5. 雪兒

《尋秦記》趙國公主「趙倩」原來係中印混血兒，佢爸爸係印度人，佢外貌都唔算傳統中國人，不過演趙國公主就唔係好違和。

Photo from 《尋秦記》

Photo from 《尋秦記》

Photo from 《尋秦記》

Photo from 《尋秦記》

6. 鍾麗緹

鍾麗緹係中越混血兒，佢外貌都有啲「鬼鬼哋」，不過佢拍古裝劇比起時裝look嘅明媚顯得更加溫柔。

Photo from 九品芝麻官

Photo from 天龍八部

7. 楊恭如

楊恭如有四分之一美國血統，但佢古裝氣質溫婉，完全睇唔出係混血兒！佢喺《齊天大聖孫悟空》嘅演出令人印象深刻。

Photo from 雪花神劍

Photo from 《齊天大聖孫悟空》

8. 陳凱琳

陳凱琳雖然唔係混血兒，不過佢長相好有異國風情，佢喺TVB亦拍過幾套古裝劇，當時亦有觀眾覺得格格不入，喺《張保仔》演現代人穿越仍可接受、《包青天再起風雲》中佢飾演樓蘭公主亦都頗適合，但喺《翻生武林》佢演東廠千戶大人就相當違和。

Photo from 《張保仔》

Photo from 《包青天再起風雲》

Photo from 《包青天再起風雲》

Photo from 《翻生武林》

Photo from 《翻生武林》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）