張致恒北上打工還債！直言唱《死性不改》唱到想嘔！惹網友不滿

張致恒（Steven）近年負評纏身，又被人公開追債，佢雖然話會努力工作還錢，但卻被揭已搬屋疑似走佬。原來佢已北上返內地工作，更經常開直播，不過佢日前公開嘅片段就引起網友不滿。

Photo from 張致恒IG

張致恒同太太雯雯結婚後育有兩子，年初被馮鎵瀠（Naomi）喺Facebook指佢欠債未還，佢公開致歉並承諾會盡快找數。

Photo from 張致恒IG

但之後被揭佢所住嘅村屋外貼滿街招，一家四口疑似搬走避債，而且張致恒嘅手機亦已停用。

Photo from 張致恒IG

張致恒屢被追債，佢老婆雯雯終打破沉默，喺IG post千字文反指Naomi為追債打擾其家人，佢又表示為還錢不惜去財務公司借錢，佢又維護老公張致恒，希望大眾高抬貴手畀啲時間佢做返好、照顧兩個小朋友。

Photo from 張致恒IG

而張致恒亦發長文：「我想喺度重新講多次，我冇走數我冇着草，我而家只係默默地工作，一直都好想還晒啲錢俾我所欠嘅朋友，講真係呢段時間真係過得好辛苦，搵到錢返嚟，我係有還過俾我嘅朋友，只係未完全還晒，我明白喺宜家呢個時勢大家都好窮，所以我會好努力咁去工作盡快還晒俾大家，想喺度同我嘅朋友講聲對唔住拖你哋咁耐。」

Photo from 張致恒IG

原來張致恒近呢幾個月返內地工作，又不時開直播與網民互動，佢更走遍廈門、廣州等地。

Photo from 張致恒IG

日前佢又公開咗一段片段，片中佢坐緊車，車上播放Boy'z同Twins合唱嘅經典歌曲《死性不改》，不過佢喺後座就忍唔住「作嘔」。

張致恒指唱咗呢首歌一萬次：「日日直播間都有人點唱，真是唱到嘔 #我會盡快瘦回17歲。」，唔少網友都認為佢咁做好唔尊重昔日拍檔關智斌（Kenny）同Twins。

Photo from 張致恒IG

有網友直言：「無呢首歌，佢都無人識」、「唔係呢首歌你有今日？」，而張致恒就喺IG Story回應只係開玩笑，佢表示喺朋友車上聽咗20幾次死性不改，然後朋友拍咗條片話佢聽到有啲作嘔：「只是一個玩笑。」

Photo from 張致恒 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）