內地電影《孤膽行動》聚集中國經典英雄！ 中國隊長領軍打外國英雄 網民劣評不斷

近年，內地十分流行推出網絡電影，邀請新晉演員出演，藉此提供演出機會俾佢哋。最近，內地網絡電影《孤膽行動》（前名：中國隊長之中隊崛起 China Captain）就上映，劣評如潮，但係竟然喺騰訊網站獲得7.6分嘅高評價，令唔少網民質疑評分造假！

Photo from 電影《孤膽行動》海報

呢幾年，外國都好流行超級英雄題材嘅電影，包括有MARVEL系列、DC嘅《正義聯盟》系列等，以上電影都創下唔錯嘅成績，十分受大眾歡迎！有見及此，內地最近就上映咗網絡電影《孤膽行動》（前名：中國隊長之中隊崛起 China Captain），希望可以創造一個「中國版」嘅超級英雄戰隊。

Photo from Pinterest

Photo from 《孤膽行動》

電影《孤膽行動》由內地演員鄭曉甫、李泰延等主演，由鄭曉甫所演嘅「中國隊長」係10年前DB跨國影業秘密實行嘅「英雄改良計畫」唯一一個成功嘅實驗品，但佢就喺逃走期間遇上意外失憶。之後，佢成為咗一位超級巨星，但就開始被外國嘅英雄們取代，佢決定重新振作，背負英雄嘅使命，連同多位唔同嘅英雄一齊重出江湖！

Photo from 《孤膽行動》

Photo from 《孤膽行動》

電影嘅英雄角色亦富有中國特色，包括有：楊過、關公、濟公、豬八戒、東方不敗、包青天、孫悟空等。呢啲國產英雄嘅技能都非常有創意㗎，其中包青天嘅絕技就係頭上嘅月亮會發射死光；而孫悟空就會用佢嘅金箍棒擊走敵人等。

Photo from 《孤膽行動》

Photo from 《孤膽行動》

喺電影裡面，敵人就全部都選擇外國出品嘅英雄：包括有《美少女戰士》嘅月野兔、《海賊王》嘅路飛、龍珠等人物。

Photo from 《孤膽行動》

Photo from 《孤膽行動》

有唔少網民睇完電影後，都認為電影嘅內容非常沈悶，留言「這居然是電影？」、「2021最雷電影！」等評論，負評超級多，暫時都未搵到好評！

Photo from 豆瓣影評

Photo from 豆瓣影評

有部份網民就指出《孤膽行動》嘅片頭應該係「參考」咗外國Marvel系列嘅電影，兩者十分相似，都係以漫畫嘅形式介紹角色。

Photo from 《孤膽行動》

Photo from 《孤膽行動》

呢套電影上映當天就登上咗內地嘅電影網站第一位，睇嚟大家都十分好奇國產英雄嘅真面目！不過隨住電影嘅負評不斷，唔少人都認為到而家網上評分居然仲有7.6咁高，係非常唔尋常嘅事，懷疑評分並唔準確！

Photo from 貓眼微博

Photo from 騰訊網站

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）