《中國好聲音》停拍 傳周杰倫失去8位數酬勞 所有內地選秀節目被迫暫停海選！

內地近呢幾年有好多嘅選秀節目，不過最近就有傳國家有關部門要求停止綜藝節目嘅海選，暫時未知內地一連串嘅選秀節目會唔會因此而取消？！一直好受歡迎嘅歌唱節目《中國好聲音》亦被迫停止拍攝！有傳，導師之一嘅周杰倫仲因此而失去酬勞高達3000萬人民幣，收入大受影響。

Photo from 周杰倫FB

近年，內地興起咗一股選秀嘅熱潮，唔少電視台都創立自己嘅選秀真人show，包括有前排好hit嘅《創造101》、《青春有你》等，再從百幾人當中選擇組成偶像團體嘅人選。

Photo from 創造101 微博

Photo from 青春有你 微博

不過，內地最近正在瘋傳緊一張疑似由《中國好聲音》節目組發出嘅聲明稿，內容大致係話收到國家有關部門嘅通知，需要立刻停止所有嘅海選活動，節目組暫時未有就事件做出任何回應！

Photo from 微博

《中國好聲音》（前名：中國好歌聲）係內地好出名嘅歌唱選秀節目，有唔少歌手都係由該節目入行，包括有張碧晨、袁婭維等。消息一傳出，唔少網民都認為隨住海選被迫終止，《中國好聲音》嘅節目將會大受影響。

Photo from 《中國好聲音》

Photo from 《中國好聲音》

而另一位受到影響嘅就係導師之一嘅周杰倫！喺上年年底，《中國好聲音》喺微博宣布周杰倫將會強勢回歸成為導師，如今計劃可能有變動，有傳周杰倫將會失去將近3000萬人民幣嘅酬勞，收入大受影響！

Photo from 中國好聲音 微博

除咗《中國好聲音》，另一個男團競選真人節目《創造營5》都傳出因為海選面試暫停，而需要停播嘅消息。如果傳聞屬實，內地嘅選秀節目熱潮有可能將會因此而取消，有唔少內地網民都認為非常可惜！

Photo from 微博

據悉，因為近期內地選秀節目受到好大嘅爭議，所以引致而家嘅結果。今個月初，《青春有你3》嘅練習生余景天就被爆出父母嘅KTV有不正當嘅交易，仲被指出懷疑佢擁有內地不承認嘅雙重國籍！

Photo from 余景天微博

Photo from 《青春有你》

唔單止喺咁，《青春有你3》仲爆出「倒奶事件」，由於粉絲需要透過購買節目聯名嘅牛奶，先能夠透過牛奶瓶蓋嘅QR Code幫自己嘅偶像投票。有粉絲就為咗幫偶像而買大量牛奶後再扔掉，令唔少網民感到好憤怒，引起爭議，該節目最終亦停播收場！

Photo from 微博

Photo from 青春有你微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）