Edan@Mirror首度開腔回應疑似偷食疑雲！前女友竟即時轉發和應！網民：傾掂數？　

近日有「完美package」之稱嘅人氣男團 Mirror 成員 Edan（呂爵安） 就被疑似前港大女友暗指佢曾經出軌引起全城熱話。而依件事經過一晚嘅發酵，而 Edan 同女方都喺 IG story 中回應事件。

Photo from Edan/IG

男團 MIRROR 成員 Edan（呂爵安）可以話係「人紅是非多」呀，尋日佢就被前女友踢爆疑似出軌，火速成為網絡熱話。而今早時更有多張疑似 Edan 露骨調情嘅聊天 cap 圖流出，即引嚟粉絲對事件嘅真偽存疑，更提出三大理據為偶像護航。

Photo from Edan/IG

Photo from Edan/IG

#截圖冇藍剔
有網民就指對依嘅對話截圖嘅真偽存疑，因為有粉絲指 Edan 嘅 IG 係有官方認證嘅藍剔嘅，而對話截圖卻沒有。加上圖中只有日期、時間並冇年份，即代表對話內容嘅發生時間唔一定喺同女方分手前。因此有粉絲就指 Cap 圖嘅嗰位網民可否現時再 Cap 一圖，如果有官方藍剔即可以印證對話嘅真偽。

Photo from 連登截圖

Photo from 連登截圖

#疑似假 account 出現
有粉絲就指對話中嘅頭像雖然係 Edan 嘅黑白照，而且喺頭像下面個名就只寫住「edanlui」，而唔係「Edan Lui 呂爵安」，並喺 Instagram 前所顯示嘅係一個「k」字頭名而唔係「edanlui」，因此有人質疑係有人刻意改圖。

Photo from 連登截圖

Photo from edan/IG

#冇任何實質證據流出
對話圖曝光後，討論區多咗唔少關於 Edan 嘅帖文。其中一個貼文中就有自稱與 Edan 同 hall 嘅網民指，Edan 今次嘅事件係整棟宿舍都知。不過直到現時，除咗對話截圖並冇任何親密照片流出。

Photo from 連登截圖

Photo from Edan/IG

就喺大家眾說紛紜之際， Edan 喺下午亦終於喺 IG story 中作回應：「知道有關自己嘅事情被討論中，私人同過去嘅感情事我認為我唔應該作出任何澄清或回應，因為我唔希望會影響任何人。希望大家畀多啲空間事件中嘅人，停止對佢（or佢哋）嘅騷擾。我自己亦會繼續專注喺我嘅工作上，感謝大家。」

Photo from edan/IG

而 Edan 前女友亦即時有 repost 依個 story 並表示唔希望再提起往事。但又有網民認為女方已經冇 follow  Edan，但又會可以咁同步轉發 story。唔知事前有冇溝通過呢？

最後都喺嗰句感情事都係兩個人嘅事嚟，真係只有當事人最清楚。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Edan@Mirror疑被爆係花心男？前港大女友曾多次開 post 翻舊賬？

25 May 2021

人氣男團 Mirror 成員 Edan（呂爵安）無論歌舞定綜藝能力都相當耀眼。而唔少人都知 Edan 畢業於港大工商管理學，仲考獲鋼琴 8 級，真係靚仔、正經、搞笑、娛樂性兼備，難怪會有「完美package」之稱。不過近日就有人喺討論區指佢喺大學時期住 hall 時唔止係「Free Rider」，仲被爆好花心？

Photo from edan/IG

正所謂「人紅是非多」，近日爆紅嘅男團 MIRROR 成員 Edan 就被網民喺連登開 post 大爆擬似學生時期嘅花心史，而佢嘅前任更暗指佢曾經出軌，二人不歡而散，同之前所講嘅和平分手有出入。

Photo from 連登截圖

Photo from 連登截圖

事原係疑似 Edan 嘅前女友喺 IG 出 post 指自己要成為準人妻，但有網友就喺個 post 中標籤 Edan，搞到女方忍唔住留言：「「不如尊重埋我，其實戴完帽（被出軌）後都唔會想理佢感受。」仲叫依位網友直接 DM Edan 就好。

Photo from 連登截圖

Photo from 連登截圖

雖然女方好快就刪走 comment ，仲將 IG 設定為私人帳號，不過依然被網友翻出佢哋分手時各自喺 IG Story 出嘅 post，當年佢哋就指大家喺和平分手嘅，但實情又好似唔係咁喎！

Photo from 連登截圖

Photo from 連登截圖

事關有網友就指女方以前曾多次喺 IG Story 中指自己「被戴帽」（男友出軌），亦曾試過上傳罵網民嘅 cap 圖，直言自己從來冇匿名講過對方半句不是，並指自己行得正企得正，唔怕網民聲討！

Photo from 連登截圖

Photo from 連登截圖

之後女方仲曾喺 IG story 發長文指自己幾乎清空晒所有 post 係因為知道部分人因為連帶關係先留意到佢，但佢唔想再同嗰個人扯上關係，所以決定收起晒舊嘅嘢，同時佢又指自己已經有再諗住「攬抄」。雖然佢就冇指明係邊個，但唔少人都估所講嘅人就係 Edan 嚟。

Photo from 連登截圖

而正當大家都估緊另一位女主角喺邊個時，有網友就大爆 Edan 當年喺住 hall 時就已經好唔受歡迎，加上做功課時又係「Free Rider」，唔明點解仲有咁多人鍾意佢。

Photo from 連登截圖

當然亦有網友覺得事件係無中生有，覺得女方係因為 Edan 紅咗想借其出位，並指樓主係看圖作文，單單只係得張相同女方嘅片面之詞就指 Edan 不忠之疑。

Photo from 連登截圖

更有網友覺得女方喺分手約兩年（估計）後就搵到另一半仲宣布結婚一事，及當時指佢哋之後會以朋友身分支持對方但就連 IG 都 unfollow 埋一事，令人覺得係女方有問題。

Photo from 連登截圖

反觀 Edan 嘅 IG，佢就唔單止冇 unfollow 女方嘅 IG，就連其細妹都仲有 follow 緊對方。不過講到底感情事都係兩人嘅事嚟，到底事實係點就佢哋先知喇！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）