李元元上電台節目與薛家燕合照 美肌開太勁 家燕媽媽招牌癦都唔見埋！

演員李璨琛同太太梁志瑩所生嘅囡囡李元元（Lucy)係現時人氣好高嘅星二代。近日，Lucy IG就上載咗幾張同薛家燕（家燕媽媽）一齊上電台節目嘅照片，但有眼尖嘅網民就發現照片嘅美肌疑似開得太勁，搞到家燕媽媽粒招牌癦都冇埋！

Photo from Lucy IG

演員李璨琛同時裝設計師梁志瑩(Pae)喺2012年就結婚，並於2018年誕下囡囡李元元（Lucy)。Pae為囡囡開咗個IG帳號紀錄佢嘅日常生活，Lucy面圓圓，留住可愛嘅冬菇頭髮型，仲成日做出搞笑嘅行為，成功吸粉無數，IG followers高達27萬人，人氣非常旺！

Photo from Lucy IG

Photo from Lucy IG

現時3歲嘅Lucy人氣真係十分高，佢最近獲邀出席唔少嘅活動同拍攝雜誌，成為唔少品牌嘅新寵兒。日前，佢就以嘉賓身分出演由薛家燕（家燕媽媽）所主持嘅電台節目，氹得在場嘅工作人員同家燕媽媽都好開心！

Photo from Lucy IG

Photo from Lucy IG

而Lucy IG亦上載咗喺電台嘅幕後花絮，只見Lucy好快就適應咗電台嘅環境，仲好friend咁將手搭喺家燕媽媽度一齊睇電話～但有網民就發現Lucy同家燕媽媽嘅合照就疑似因為美肌得重手咗，Lucy就好似化咗妝咁；家燕媽媽就連粒招牌癦都唔見咗！

Photo from Lucy IG

Photo from Lucy IG

唔少網民都喺下面留言指出呢個「亮點」，Lucy媽就回應「呢張係家燕媽媽send返俾我地㗎唔關我事㗎」，而家燕媽媽亦好幽默咁回應「我粒寶石借咗俾幻視哈哈哈哈咁都俾你識穿」！

Photo from Lucy IG

Photo from 家燕媽媽IG

家燕媽媽咁搞笑又難怪可以咁快同Lucy打成一片嘅～據悉，家燕媽媽嘅囝囝石耀庭（Jackson）同老婆陳素怡（Zoe）最近就公佈咗即將成為爸媽嘅喜訊，睇嚟今次同Lucy相處可以當作係預習湊孫嘅生活！

Photo from Zoe IG

Photo from Jackson IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）