尖沙咀凱悅酒店推法式拿破崙千層酥！3款口味必食港式奶茶
尖沙咀凱悅酒店推法式拿破崙千層酥，由首席餅師劉永全師傅炮製3款全新口味，包括70%可可度的厄瓜多爾朱古力、馬達加斯加雲呢拿及鮮莓和港式奶茶，每條足足有成22cm長，層次分明，酥皮呈金黃色，食落口感鬆酥。
尖沙咀凱悅酒店推出3款法式拿破崙千層酥，劉永全師傅以1小時無壓烘烤方法製成，千層酥皮金黃色且挺身，層次分明，切開時更會發出清脆聲，可知口感非常鬆脆；中間夾著吉士忌廉，食落啖啖滿足。
70%厄瓜多爾朱古力法式千層酥
酥皮中層以70%可可度的厄瓜多爾朱古力製成忌廉，煙燻可可豆帶有果香及堅果味；表層加上同款黑朱古力製作而成的朱古力薄片，朱古力味濃厚。
馬達加斯加雲呢拿及鮮莓法式千層酥
以馬達加斯加雲呢拿籽製作吉士忌廉，口感細膩豐富，香氣芬馥；而頂層放上雲呢拿忌廉及雜莓，果香酸甜適中，食落不會過膩。
港式奶茶法式千層酥
這款特意加入本土飲食文化，以港式奶茶入饌，加入日本皇家茶及錫蘭奶茶製成吉士忌廉及忌廉，茶香清逸，食落好有驚喜。表層有港式奶茶忌廉、脆片及朱古力片，更灑上兩款茶葉粉末作點綴，茶味特別濃郁細膩。
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
