44歲蕭正楠18年前金毛歌手 look 曝光！網民大讚：幾乎零走樣！古裝Look 靚仔啲？

近日由蕭正楠（Edwin）、湯洛雯主演嘅 TVB 古裝劇《一笑渡凡間》就正式開播，劇中蕭正楠嘅古裝造型獲唔少人讚佢比時裝靚仔。而喺蕭正楠正式專注拍劇前，其實佢係以歌手嘅身份入行，早前《TVB大寶藏》中就翻出當年 Edwin 仲喺新人時期嘅訪問，仲因為片中佢嘅金毛 look 同依家嘅變化並唔係好大而成為網民焦點。

Photo from TVB

最近蕭正楠喺新劇《一笑渡凡間》中所飾演嘅「李修緣/濟公」一角輕鬆搞笑，不時會喺劇中大放笑彈。但其實當年 25 歲嘅 Edwin 係以歌手嘅身份出道，當時佢仲獲得唔少前輩讚賞和提攜添！

Photo from TVB

現年 44 歲嘅 Edwin 2002 年時以歌手身份加入樂壇，當年更橫掃各大頒獎禮嘅新人獎，可以話人氣爆燈，而其中一首同關心妍合唱嘅《特別鳴謝》，更係唔少樂迷心中嘅經典嚟。

Photo from TVB

Photo from TVB

早前 TVB 就翻出佢當年嘅金毛 look 造型示人嘅訪問片，片中佢當年嘅青澀模樣同依家冇咩分別，更可以以凍齡「零走樣」嚟形容添！

Photo from TVB

Photo from TVB

而當年仲係新人嘅佢就已經獲得唔少巨星，如周星馳、梅艷芳等前輩讚賞提攜。當年周星馳就睇好蕭正楠嘅前途，大讚佢努力同踏實；而梅艷芳更寄語蕭正楠唔用理會外間謠言，做好自己、唱好歌就得。

Photo from TVB

Photo from TVB

可惜之後蕭正楠就因被扭曲一句「邪不能勝正」嘅話，被指影射麥浚龍，而引起唔少風波，更令星途下滑。

Photo from Edwin/IG

直至 2008 年，蕭正楠轉換跑道加入 TVB，以演員身份繼續演藝事業，並由配角開始做起，如《大太監》、《仁心解碼》等，佢嘅演技都令觀眾留下深刻嘅印象。

Photo from TVB

直到近年，蕭正楠終於成功攀上男主角嘅位置，開拍佢主持嘅飲食節的，更因拍戲而覓得好老婆，可以算係事業愛情兩得意。唔知之後會唔會想再唱番歌，實行歌影雙向發現呢？

Photo from Edwin/IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）