周柏豪大曬李寧牌特別版籃球鞋！捨潮牌轉愛國貨！ 開心share球鞋用後感：很舒適

周柏豪一直都好鍾意打籃球，同好多愛運動嘅人一樣鍾意收藏唔同嘅波鞋。近日，佢就上載咗自己收到內地運動品牌李寧嘅特別版籃球波鞋，仲表示自己好鍾意呢對球鞋，不停幫佢留倩影！

Photo from 周柏豪FB

現年36歲嘅周柏豪喺2007年以歌手身分出道，到近幾年再開始拍攝多部電影，仲有份喺近期上映嘅電影《感動她77次》擔正做男主角。而佢亦係因為熱愛運動嘅人，除成日都會喺IG上載自己去戶外運動嘅照片，佢仲好鍾意買波鞋㗎！

Photo from 周柏豪IG

Photo from 周柏豪FB

日前，佢就上載自己收到內地運動品牌李寧同NBA球星占美畢拿（Jimmy Butler）合作推出嘅特別版籃球波鞋，仲好興奮咁幫對波鞋不停影相～據悉呢對波鞋尚未開始發售，而且發售嘅時候係需要抽籤先買到，能夠喺開賣前就已經收到，真係威水！

Photo from 周柏豪微博

Photo from 周柏豪微博

就咁睇周柏豪嘅post就佢好興奮，一次過喺IG、FB同微博出post大曬波鞋！喺微博嘅post，仲詳細咁講自己嘅用後感，「期待了很久的球鞋，今天打球穿了，很舒適，非常喜歡，謝謝。」

Photo from 周柏豪微博

早前，因為爆發「新疆棉」事件，導致唔少藝人都開始集體杯葛外國運動品牌，內地品牌李寧瞬間成為唔少藝人嘅首選！藝人梁競徽都係李寧品牌嘅忠實粉絲之一～

Photo from 梁競徽微博

周柏豪亦當然係杯葛外國品牌嘅藝人之一啦，睇返佢呢幾個月嘅相都並冇穿著涉事嘅運動品牌波鞋。但其實佢一直以嚟都擁有唔少外國品牌嘅球鞋㗎，愛收藏波鞋嘅佢仲要有唔少特別聯名款嘅波鞋，非常獨特。

Photo from 周柏豪FB

Photo from 周柏豪FB

翻睇返佢以前嘅球鞋紀錄，佢擁有嘅球鞋真係十分多，好熱門嘅Yeezy系列、 NMD系列、Air Force 系列同Gucci波鞋等都係佢嘅收藏品！而家能夠咁有決心抵制外國品牌，真係厲害！

Photo from 周柏豪FB

Photo from 周柏豪FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）