清華畢業生應徵當「高級保母」只負責小孩教育及安排家庭宴會 唔做家務年薪60萬！

好多人千辛萬苦考入名牌大學，為嘅只係畢業後覓得一份好工作。但何謂好工，就不同人有不同定義。近日，大陸網上流傳一份高學歷妙齡女子履歷，應徵「保母阿姨」，月薪高達4萬多港元。而且，呢類「高端保母」唔做家務都有價有市，引起網民熱議。

Photo from 《金宵大廈》TVB

最近，上海一間家政公司刊登一名求職者資訊，顯示應徵者為一名29歲清華大學畢業生，能操普通話及英文。

Photo from 微博 圖片

驟眼一看，履歷無咩特別。但於工作經驗一欄中，應徵者表示自己早喺數年前已有照顧1歲幼兒、及做管家安排其他育兒助理工作經驗。現時，佢希望可以搵份月薪3.5萬人民幣（約4.2萬港元）嘅保母工作。

Photo from 微博 圖片

事件廣傳後，好多內地媒體都報道指，該求職者現時已經返緊工，年薪約50萬人民幣（約60萬港元），等於月薪約4.1萬人民幣（約5萬港元）。

Photo from 《奇怪的保姆》 TVB

刊登該履歷嘅家政服務公司聲稱佢哋有約2成服務員畢業於世界各地嘅名牌大學，除咗清華大學、北京大學，亦有英國倫敦大學、利物浦大學等知名學府。佢哋都取得本科或以上學歷，絕對係優質人才。

Photo from 《愛回家之開心速遞》TVB

公司人員又解釋，佢哋提供嘅家政服務同傳統家務助理有別，前者負責家庭教師及管家職務，反而唔會做粗重家務。呢種「新派」保母主要為高收入家庭子女服務，以及統籌家中大小事，包括安排家庭宴會、招聘其他傭人等等。佢哋都有市有價，有「猛人」年薪更高達70萬。

Photo from 《奇怪的保姆》 TVB

Photo from 微博 圖片

Photo from 微博 圖片

網民對呢班「高學歷保母」有一番了解後，都對家務助理行業改觀，並議論紛紛。有人認為讀咁多書卻成為保母有點浪費資質，更直言讀書無用。但唔少網民覺得嗰啲求職者辛苦考上名校，都係為咗畢業後有更多工作選擇，佢哋靠實力考上名校，之後揀咩工係佢哋自由。正所謂「行行出狀元」，而且，佢哋人工仲咁高，過得比唔少人好，無必要受其他人批判。

Photo from 微博 評論

Photo from 連登評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）