Cammi謝芷蕙被追數80萬依然富貴！餐餐豪歎米芝蓮餐廳！網友求賜教：唔做嘢點解可以咁有錢！

謝芷蕙（Cammi）雖然淡出娛樂圈幾年，但近年開始過優質生活，佢最近開咗小紅書，更分享歎米芝蓮餐廳嘅食後感，雖然被前度男友追數80萬，但似乎未有影響佢嘅生活質素，令大家對她的收入來源很好奇，不過佢澄清自己有好多工作。

Cammi生活富貴，喺IG晒相唔係去旅行，就係high tea、Staycation、去高級餐廳用餐。每張相都打扮隆重，大晒優質生活日常。

不過早前自稱係佢前度男朋友嘅S先生爆料指Cammi爭佢$80萬！Cammi同現男友仲被貼街招，稱佢哋為「老千情侶檔」。

Cammi回應指知道係咩人做，不過就一於懶理，繼續晒富貴生活照。佢最近加入小紅書，同網友分享自己嘅日常生活。

佢出嘅post大部分都係去香港唔同嘅餐廳食飯，7間有5間都係米芝蓮！一、二、三星餐廳都試過嘅Cammi似乎特別鍾愛法國料理，幾乎餐餐都法國菜、飲紅酒，亦有歎米芝蓮一星嘅Omakase。

佢食嘅米芝蓮二星法國餐廳Amber本身已價格不菲，Cammi更花過萬元另加魚子醬，成餐飯埋單近$1.5萬。除咗魚子醬，白松露都係Cammi最愛。

有網友留言問佢：「Cammi姐姐求賜教：點樣可以唔做嘢都咁有錢？」，Cammi回覆指：「我有很多工作呢～但工作量不大」

Cammi向來都被指P圖勁重手，佢亦曾表示唔會理會他人目光，指中意P咗圖嘅自己，但作為「P圖高手」嘅Cammi都有失手時候，晒出嘅靚相有時都會變形穿崩。

生日自拍晒逆天長腿，不過就被發現地板扭曲晒！

喺?影相嘅Cammi上圍豐滿，不過後面有鏡，明顯睇到佢右手胳肋底下面塊布同鏡中係唔同。

喺泳池前擺好pose，但泳池邊完全錯晒位！

自拍比例誇張，不過喺Story嘅短片揭佢真實身材同公開嘅自拍差好遠。

Cammi坐喺白色階磚前影相，但後面本身嘅正方形階磚就歪晒。

之前Cammi都有喺IG post過短片，同平時post出嘅自拍，樣子有頗大嘅分別！

圖片來源：Cammi IG、小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）