網民分享8大「見工中伏」經歷職位不斷變、與招聘廣告不符、叻過考官都係罪？！

By Cheryl on 04 Jun 2021

Digital Editor

呢家見工經常要過五關斬六將不特止，仲隨時被人踩到上心口！有網民見工時被管理層「踩到落地核」感到不快，但佢似乎太傷心，並無詳細分享個人經驗。佢遂上連登討論區問網友有無相似經歷。帖文引起共鳴，好多人都分享自己見工嘅中伏經歷。

#公司肯收你要感恩

Photo from TVB

打工係報恩？有網民透露自己剛大專畢業後去見工，一開始就被考官話「畀你呢啲fresh grad入嚟學嘢已經要感恩！」，然後開始大談自己當年如何艱辛，又言每月數千人工已經算多，直言事主唔值得佢寫嘅預期薪金。事主之後上網搜尋該公司評價，結果大多係負面，睇嚟唔少面試者都有類似經驗。

#公司無誠意，與招聘廣告不符

Photo from 連登截圖

有網民分享，公司約佢兩點，佢提早十分鐘到達，考官卻表示自己食緊飯，令事主等到兩點九先能開始面試。點知，考官不滿事主無相關行業經驗，將佢拒之門外。但後者透露，招聘廣告表明「歡迎fresh grad」，所以佢先申請職位。網民覺得事主用咁多時間換嚟如此「快速」嘅面試真係浪費金錢同時間，替佢感到不值。

#技能被批無用

Photo from TVB

有網民表示自己懂得外語，卻被考官狠批此技能無用。事主懷疑考官自卑心作祟，亦慶幸自己無被招聘，佢認為，若考官態度於面試時如此壞，面試者成功進入公司後情況只會更壞。有網民認為，外語能力可以反映一個人有毅力同溝通能力，被「踩」係不合理。

Photo from 連登評論

#職位不斷變

Photo from TVB

大多人遇到心儀職位才會申請，但公司唔尊重意願都係一個問題！有網民透露，自己本來申請做文員「Admin」，但面試時不斷被「Sell」銷售者職位，更邀請事主當日下午再嚟公司進行Sales職位嘅面試，事主堅拒。不過，數天過去後，改公司再次打畀事主，邀請佢做Admin。經考慮後，事主終在翌日回覆「接受Admin offer」。但事件反轉再反轉，該公司於兩日內分別表示：「已經請咗人做Admin」、「新請嘅Admin能力不達標」，遂再次邀請事主進入公司，事主感到煩厭，立即Cut線。

#你的樣子如何，你的能力也必如何？

Photo from TVB

「外表會否反映能力」議題向來引起熱議，有網民分享一次見工經驗，表示自己被HR點評：「你個樣咁斯文，點帶領團隊？」有網民覺得該名考官睇嘢太表面，但亦有人認為，一個人如果太斯文確實有機會會被部分團員「兇返轉頭」，所以佢覺得該考官都不無道理。

#叻過考官係原罪？

Photo from TVB

向來都有人話，千萬唔好愛出風頭，否則會惹嚟非議。有網民透露，自己見工時用日文作自我介紹，然後被考官批「你日文都唔係好叻」，又踩事主缺乏工作經驗，讀書成績亦不太行。但係，一同喺現場嘅日本人經理卻表示，事主嘅日文比該名考官好。面試兩日後，事主收到電話通知，自己不被取錄，但通話中，HR透露：「其實你只係過唔到佢（該名曾批評事主日文考官）嗰關。」，仲鼓勵事主，叫佢唔好灰心！

#學術出身被踩

Photo from 《後生仔傾下計》TVB

對於專門工種，畢業於專科確實重要。但有唔少工作都容許非專科人士申請。有網民表示，自己曾被考官不滿學科不符合佢申請嘅工作，仲不斷踩佢讀嘅科目，令事主大感不悅。不少網民都認為考官可以拒絕不適合人士，但無必要批評面試者科目。但亦有網民認為事主提供資料太少少，無法判斷事主嘅科目同職位有否太唔相襯。

#見工猶如讀心？

Photo from 《讀心神探》TVB

有網民分享一個較另類經歷，佢表示，老闆同佢面試時態度良好，但就「傳心師」上身，大爆事主內心諗法，又分析佢嘅性格，做出大量假設，以事主性格為基礎，代事主大談佢往後人生應該點走。事主將經歷比喻為「就好似被人剝光曬衫，被佢睇透曬」，佢覺得好恐怖，仲評該次見工為「最辛苦一次」。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

網民嚴選伏工10大特徵！不斷延長試用期準時走畀同事問「做乜早走？」

11 Apr 2019

相信有唔少人都不求搵份自己又中意、又返得開心嘅工，只求唔好搵咗份伏工啊！最近就有網友分享一人一個伏工特徵，好多人都話好有共鳴！臨近畢業季，各位Fresh Grad新鮮人以及想轉工嘅打工仔，真係要好好記住以下10大伏工特徵啦！

Photo from Shutterstock

1. 日日有散水餅食
返工無幾耐已經有唔少人Last Day派散水餅真係伏中之伏啊！短短返工一兩個月已經有唔少同事辭職，證明公司流失率高，留唔住同事，或者公司內部有問題令好多同事返無幾耐就想走。

Photo from Shutterstock

所以如果返工無耐已經食過好幾次散水餅，真係要好好刺探軍情，了解下辭職同事究竟係做得耐想轉新環境，定有口難言咁款啦⋯⋯

Photo from Shutterstock

2. 招聘網站長期出現同一公司、同一職位請人post
如果睇咗一兩個月同人招聘網站，依然見到同一公司、同一職位經常出Post請人，咁即使對嗰個職位有興趣，都要先三思而後行啦！

Photo from Shutterstock

經常出Post請人多數因為無人見工而請唔到人，又或者老闆好嚴揀極都唔中意！特別係隔一、兩個月又見到同一個Post，好有可能係之前請咗人，新同事返工無幾耐就辭職啊！

Photo from Shutterstock

3. 到收工時間但無同事放工，準時走畀同事問「做乜早走？」
通常搭正放工時間無同事走都算正常事，不過可能過咗半個鐘至一個鐘都未有同事放工，咁就真係大件事啦！

Photo from Shutterstock

放工時間無同事放工，搞到自己即使做曬所有工作都唔敢放工，甚至準時放工時間走，仲會有同事反問你「做乜早走？」，咁好大機會證明呢間公司有返工時間，但無放工時間，係無了期OT啊！

Photo from Shutterstock

4. 例牌OT無補水又無補假
喺香港做打工仔，OT仍正常事，大部分有良心嘅公司通常都會設OT補水或者補假，即使迫於無奈要OT都起碼有補償啊！不過有部分公司奉旨要同事OT，無補水又無補假，甚至明明係工作量過多，上司都依然矛頭直指係因為你做嘢手腳慢先要OT，咁就真係OT都欲哭無淚啊⋯⋯

5. Send CV後好快見工再好快請
可能有唔少人都試過Send CV後公司好快叫你見工，然後見工一兩日後，甚至即日已經通知話請你，呢個時候先唔好以為自己真係好畀老闆賞識，更多係要先諗清楚見工時老闆嘅表情、言語間係咪真係視你為「對的人」所以咁快決定請你。

Photo from Shutterstock

因為好大機會係公司無人見工、好等人用而亂請人，嗰頭面試西你面呢頭話請你，咁可想而知份工有幾伏啦⋯⋯

Photo from Shutterstock

6. 全部同事返工苦口苦面/日日有同事上網搵工
返到公司見全部同事苦口苦面，大家都無乜交流，通常一係部分同事難相處、一係上司唔畀同事傾閒計、一係份工太辛苦所以每日都西口西面啊！不過都有可能因為朝早返工攰唔想講嘢，但如果同事們長時間處於粒聲唔出又黑口黑面嘅狀態，相信大家返工都辛苦啦⋯⋯

Photo from Shutterstock

特別係不斷有同事上網搵工，證明公司無留底嘅理由，大家都諗住搵到工即執包袱走人啊！

Photo from Shutterstock

7. 不斷延長試用期
初返新工通常都會有試用期，不過如果上司不斷延長你嘅試用期，好有可能佢都唔認同你嘅工作能力，但又請唔到人頂替，或者唔想過試用期加人工畀你！而且過試用期通常都一係留一係走，最多延長一次，如果不斷延長試用期，咁真係要好好諗下筒中原因啦。

Photo from Shutterstock

9. 幫上司做私人嘢
有部分上司間唔中要你幫佢Book下餐廳、訂演唱會飛等等，經常性要幫佢做私人嘢，甚至要幫佢家庭日常開支埋數，感覺公私不分，仲可能當你係私人秘書或阿四，結果好大機會咩都要你幫手做，連私事都要負責埋啊！

Photo from Shutterstock

10. Office裝曬CCTV
喺Office裝CCTV都好正常，不過東一個西一個，老闆仲要喺房不時開CCTV睇，咁絕非安全問題，而係要24小時睇同事做緊咩、有無蛇王等等，一見你唔係做嘢、離開工作位一段時間，就出嚟鬧你偷懶，上司下屬間完全無信住可言，仲有少少畀人監視嘅感覺，無曬私隱，感覺無自由又大壓力。