油麻地$30厚切芫荽餐蛋治！街坊推介沙嗲牛治＋樽仔奶茶

油麻地雲集街坊小食，今次推介位於轉角位的小食店「大吃大喝」，以港式三文治、街邊小食為主。早前所供應的芫荽餐蛋治更成為店內招牌作，得到fb群組「香港芫茜黨」關注後爆紅。除了芫荽餐蛋治之外，還有自家製樽仔奶茶，款款價錢親民，難怪不少人幫襯。

Photo from PressLogic

講起「芫荽」，有人歡喜有人愁，不過有班芫荽愛好者於Facebook開設「香港芫茜黨」群組後，經常分享各區的芫荽美食，其中大吃大喝的芫荽餐蛋治被Facebook群組「香港芫茜黨」熱捧後，令芫荽餐蛋治愈來愈好賣。

Photo from PressLogic

小店用上大約30克的芫荽，並加入雞蛋內同炒，未吃已聞到芫荽香；大家可自行加配超厚切餐肉，先炸過後再煎，外層帶有少少焦脆，食落更加惹味。

Photo from PressLogic

另外還有大熱沙嗲牛、香蔥芝士鹹牛肉、芋泥肉鬆等口味選擇，記者最愛沙嗲牛肉即叫即炒，醬汁濃郁可口，食到小量洋蔥粒，令口感更豐富。鹹牛肉三文治加入香蔥及芝士，充滿葱香之餘，芝士呈半溶效果，味道層次昇華。

Photo from PressLogic

台北人氣早餐「芋泥肉鬆吐司」，以芋泥搭配肉鬆製作爆餡吐司，厚厚的芋泥蓉濃郁滑膩，甜度適中。

Photo from PressLogic

店內供應的飲品如羅漢果、薏米水等，全部都是自家製出品，具有清熱祛濕作用。另外推介每日限量60樽的樽仔奶茶，由店主Tommy炮製，他曾於茶餐廳學藝兩年，以5種茶葉混合製成，提升層次感；而且沖茶、撞茶由他一手包辦，確保每樽味道一致。

Photo from PressLogic

Photo from PressLogic

大吃大喝
地址︰油麻地窩打老道9-11號榮德大廈西翼地下A2-A3號舖
電話︰9559 8588
營業時間︰7am - 8pm

更多【油麻地美食】推介

相關文章：
酒店下午茶優惠2021｜City Café推6折下午茶自助餐 2.5小時任食榴槤+香芒甜品+燕窩蟹皇粥!

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）