日本長髮女15年冇剪過頭髮！每日花3小時洗頭 堅持原因竟然係咁？

唔少女仔視頭髮如命根，去髮廊剪髮都非常講究。不過，日本一名女子「神戸リン」卻擁有一把超過2米長嘅黑直髮，而且15年嚟都無剪短過！頭髮長度足以將頭髮圍於頸上當圍巾，佢每日單係洗頭就要花上3小時，但佢並無剪頭髮嘅打算，仲靠一頭秀髮輕鬆賺錢！

Photo from @rin_rapunzel IG

35歲神戸小姐嘅驚人長髮引起熱議，最近，佢受邀擔任日本節目《ノブナカなんなん》嘉賓，畀觀眾了解佢嘅養髮日常。節目組跟隨神戸回家拍攝，身高168cm嘅神戸有一把2.3米長的黑直髮。從側面睇，佢全身可被黑髮掩蓋。搞笑嘅係，佢仲可以將頭髮當頸巾戴。

Photo from 《ノブナカなんなん？》截圖

Photo from 《ノブナカなんなん？》截圖

Photo from 《ノブナカなんなん？》截圖

神戸嘅睡覺畫面猶如恐怖片，朝早起身都會被自己頭髮纏繞，然後佢會先進行伸展運動。由於佢嘅特長頭髮經常覆蓋全身，所以安全起見，神戸做任何嘢都會小心翼翼。做運動後，都會打掃家中地板，定期清除脫落到地上嘅頭髮。

Photo from 《ノブナカなんなん？》截圖

Photo from 《ノブナカなんなん？》截圖

Photo from 《ノブナカなんなん？》截圖

觀眾都相當好奇神戶如何洗頭，所以，佢就喺鏡頭前示範咗清洗打理過程。神戶每日都會花上3小時洗頭同吹頭，更要分三次落洗髮精。節目組計算後，得出佢總共要按29下洗髮精嘅結果！佢甚至會用兩把風筒吹頭，對頭髮真係非常用心。

Photo from 《ノブナカなんなん？》截圖

Photo from 《ノブナカなんなん？》截圖

Photo from 《ノブナカなんなん？》截圖

雖然打理費時，但神戶堅持唔剪頭髮。原來因為佢係「真人長髮公主」（Real Rapunzels）嘅成員，而且更係亞洲區唯一一位成員。佢不時會喺YouTube上載影片長髮相關嘅搞怪影片，例如喺放下長髮玩鞦韆、用頭髮「鞭打」紙張、家人等等，搞笑之餘又可以賺取外快。

Photo from 《ノブナカなんなん？》截圖

Photo from 《ノブナカなんなん？》截圖

Photo from 《ノブナカなんなん？》截圖

Photo from 《ノブナカなんなん？》截圖

雖然神戶曾經為洗頭水擔任包裝模特兒，不過呢個並唔係佢正職。佢嘅真實身份其實係鋼管舞蹈員，跳鋼管舞時，一頭2米長髮於空中飄逸嘅畫面都幾壯觀！

Photo from 《ノブナカなんなん？》截圖

Photo from 《ノブナカなんなん？》截圖

Photo from 《ノブナカなんなん？》截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）