兩大電視台一齊推出偵探類型真人騷 同時段同日開播 正面對戰！

TVB同 ViuTV兩大電視台嘅綜藝節目之爭正式開始！日前，ViuTV就為新推理節目《嫌疑事件簿》開記者招待會，而題材同播放嘅時間就好巧合咁同TVB嘅《死因有可疑》雷同，兩台即將以推理節目正面對戰。

Photo from ViuTV

最近，ViuTV全新偵探類形真人騷《嫌疑事件簿》就舉行記者會宣傳，節目主持足足有13個人咁多，包括有談善言、陳凱詠（Jace）陳海寧（Isabella/Dee姐）等，主持陣容非常新穎，令唔少網民都直呼期待～

Photo from ViuTV

Photo from ViuTV

據悉，《嫌疑事件簿》係一個採用咗LARP （Live Action Role Playing實境動作角色扮演遊戲）嘅節目，每個主持人喺拍攝前都收到一份角色嘅劇本，佢哋需要代入角色，並且透過現場線索同其他人嘅互動等去揭開懸疑嘅謎題！

Photo from ViuTV

另一邊廂，TVB 亦推出咗全新查案遊戲節目《死因有可疑》，由方力申、郭子豪、張秀文同游嘉欣主持，再率領嘉賓喺模擬兇案現場尋找真正嘅兇手！而第一集佢哋就邀請到周柏豪同埋鄭融做嘉賓～

Photo from TVB

但節目嘅形式就被網民話抄襲其他亞洲嘅推理綜藝節目，對此王祖藍就喺接受訪問時，話呢個節目的確係有參考韓國JTBC綜藝節目《Crime Scene》同內地芒果TV節目《明星大偵探》，並且希望透過新類型嘅節目可以為觀眾帶來不一樣嘅感覺。

Photo from 《東張西望》

然而，兩大電視台嘅新節目唔單止題材類型相似，兩個節目都將於6月14日首播，並且播放嘅時段亦同樣喺晚上10點半播放，令人不禁聯想到佢哋係想正面交鋒！

Photo from TVB娛樂新聞台

Photo from ViuTV Youtube

其實今次已經並非第一次兩大電視台嘅節目正面對撼！早前ViuTV喺舉辦首個音樂頒獎典禮《Chill Club推介榜 年度推介20/21》時，TVB就突然將只有一個小時嘅《開心大綜藝》加長至兩小時，嘗試用搞笑取勝。

Photo from 《Chill Club推介榜 年度推介20/21》

Photo from 《開心大綜藝》

另外，ViuTV呢個星期就剛播出《調教你MIRROR》，預告一播出就已經引起好多網民嘅關注；TVB亦立刻將原本只會係收費電視播出嘅《鬼上你架車》改於J2頻道同MIRROR新節目同時間播出，不過曾志偉就否認呢個傳言。

Photo from 梁祖堯FB

Photo from 《鬼上你架車》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小