姜濤開騷掟走$3000帽！入《調教》營被媽媽追數 網民：衰仔見係公司嘢先敢掟

組合MIRROR中嘅人氣王姜濤日前為《Chill Club》演唱會獻唱，小休復工嘅佢狀態大勇，表演時更High到將頭上價值$3000嘅帽掟落台！連經理人花姐都大感愕然。另外，於熱播中嘅ViuTV節目《調教你MIRROR》中，姜濤喺入營前透露收到被媽媽追數嘅「最後短訊」，乖仔嘅佢亦立即回覆「已轉帳家用」。

Photo from 姜濤 FB

早前，姜濤曾於個人IG上大呻「對一切感到疲倦」，令粉絲擔心不已。但佢放假休息後已回復狀態，回歸社交平台大po搞笑限時動態。

Photo from 姜濤 IG Story

最近，佢復工上《Chill Club》演唱會表演，唱出經重新編曲嘅處男solo歌《一號種籽》，又加插帽子舞。途中，姜濤唱到興起，將頭上值$3000元嘅黑帽用力掟走！令台下粉絲情緒更加高漲。幸好，帽子最後無成為垃圾，佢被姜濤髮型師幫忙拾回，姜濤之後都有喺IG上呼籲Fans齊齊多謝佢！

Photo from 姜濤 IG

Photo from 姜濤 IG

事後，姜濤喺社交網站上載佢「多角度掟帽」片段，寫道：「唱一半有感覺～$3000多的帽子給它丟下去，老師瘋了...公司傻眼了...心想怎麼撿回來...我爽了～」

Photo from 姜濤 IG

Photo from 姜濤 IG

片尾仲見到經理人花姐一臉愕然，一眾粉絲都覺得好搞笑。而隊友邱士縉（Stanley）都有留言讚佢係「天王姜」。鬼馬姜B亦係回覆朋友時自爆：「公司買的我才敢丟。」有網民笑言：「衰仔見係公司嘢先敢掟！」

Photo from 姜濤 IG片段

Photo from 姜濤 IG評論

姜濤復工後曝光率急速回升，除咗出席演唱會外，近期亦有節目《調教你MIRROR》正在ViuTV熱播。節目中，MIRROR十二子入Camp後被導師梁祖堯沒收電話，並透露最後短訊內容。姜濤表示佢前一日被媽媽「追數」，所以發短訊通知媽媽已將家用轉到其戶口，盡顯孝心~

Photo from 《調教你MIRROR》ViuTV

同一節目中，導師梁祖堯要改善MIRROR各人關係，令佢哋更團結。所以，佢刻意將年紀相約但又非常唔熟嘅姜濤同Tiger「撮合」一起，更要求二人Keep住「每次傾五十句偈」。Tiger表示，佢哋以前連招呼都唔打，而且Tiger見姜濤成日戴住耳機，「個樣好似嬲咗成村人咁。」但傾偈後，Tiger認為二人關係有顯著改善，雙方已接受對方，亦了解到原來姜B鍾意運動同睇戲。

Photo from Tiger Yau 邱傲然 FB

Photo from 姜濤 FB

梁祖堯亦同意，認為姜濤有種「你唔好搞我」嘅氣場，不過呢家已了解原因，覺得佢應該係好肚餓，「因為姜濤做嘢之前係唔食嘢，我肚餓都係咁樣！」梁祖堯表示：「入到Camp認識真正嘅佢，呢條友低能㗎喎！原來低能都唔足以形容佢，佢係一個比細路仔更加細路仔嘅人，其實呢個反差點都係我自己偏見，我都冇嘗試過去了解佢。」

Photo from 《調教你MIRROR》FB Live

其實姜濤都唔係咁Cool，早前佢同蔡卓妍（阿Sa）為HPV廣告上網台節目玩遊戲，姜B即場清唱咗幾句阿Sa金曲《小酒窩》，阿Sa大感驚喜。另外，姜濤被要求擺出阿Sa嘅最Chok甫士時，佢好識做咁話：「唔使擺啦！佢點擺都咁靚！」哄到阿Sa鬼咁開心，冧爆話：「姐姐好開心呀呢家！」

Photo from 蔡卓妍 IG

Photo from 姜濤 FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）