抖音第一美女直播濾鏡突消失！真樣曝光令fans大感崩潰！舊照瘋傳嚇窒網友

有「抖音第一美女」之稱嘅迅猛龍特蕾莎因為精緻美貌同迷人身材而吸獲大批粉絲，不過日前佢喺直播時美顏濾鏡突然消失，令佢真容曝光，唔少fans大感心碎，認為心目中女神形象已幻滅。

Photo from 美智子姐姐微博

抖音一位女生「迅猛龍特蕾莎」年僅24歲，但因為五官精緻、貌似林志玲，加上身材修長，坐擁近500萬fans，更獲封為「抖音第一美女」。

Photo from 美智子姐姐微博

身為抖音紅人，「迅猛龍特蕾莎」經常開直播同網友交流，日前佢同一位男生嘅跳舞片段就喺網絡上引起熱議。

Photo from 微博

Photo from 美智子姐姐微博

迅猛龍特蕾莎喺鏡頭前跳舞，點知跳到一半，一直長開嘅濾鏡突然消失！公開咗迅猛龍特蕾莎嘅真正樣貌。

Photo from 美智子姐姐微博

無咗filter嘅迅猛龍特蕾莎都稱得上係清秀，但同以前直播時尖尖瓜子臉、超大眼睛、高挺鼻樑嘅娃娃臉分別頗大，唔似係同一個人，可見佢平時開嘅濾鏡有美顏效果。

Photo from 微博

Photo from 美智子姐姐微博

唔少迅猛龍特蕾莎fans大感心碎！認為女神崩壞，形象幻滅：「差太遠了吧！」、「是同一個人嗎？」、「這是真的嗎」

Photo from 微博

佢曾經喺微博post過童年照，佢少女時期已眼大大、鼻高高，不過網上流傳一張佢嘅舊照，震驚唔少網民。

Photo from 美智子姐姐微博

Photo from 美智子姐姐微博

Photo from 美智子姐姐微博

舊照大約係10年前影，當時嘅迅猛龍特蕾莎厚嘴唇、闊鼻翼，同現時嘅精緻面容有好大差距！

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「口罩男神」全臉照曝光670萬fans大崩潰！真容撞樣「小夫」幻想破滅

16 Feb 2021

大陸網紅「七鶴大人」開直播以嚟都戴口罩現身，從未露出下半張臉，佢眉眼生得非常迷人，僅靠上半邊臉即喺抖音擁有超過670萬fans。不過喺佢全臉照曝光後，大批fans幻想破滅，直指佢真人竟然似《多啦A夢》嘅小夫？

Photo from 微博

喺大陸想做網紅唔算難，靠樣已可以喺抖音、快手等各種平台吸納無數fans。當然其實「樣」都仲可以用P圖、filter改變。大陸網紅直播閂咗filter大走樣嘅事屢見不鮮。

不過唔係淨係女仔會用filter，用filter嘅男生亦不在少數！喺抖音擁有超過670萬fans嘅男主播「七鶴大人」，僅憑上半邊臉就有眾多fans追捧。

Photo from 微博

七鶴大人最神秘嘅就係佢一直都戴口罩示人，就算直播都唔會除罩，而佢露出嘅眉眼精緻，加上打扮似韓星，染白金髮型，更獲fans封為「中國G-Dragon」。

Photo from 微博

為咗保持神秘感，七鶴大人喺微博各種自拍都會以唔同角度、用手機，遮住自己嘅鼻子、嘴唇，令人對佢真樣非常好奇。

Photo from 微博

Photo from 微博

不過世上無不透風嘅牆，七鶴大人全臉終於曝光！佢嘅真面目竟然令670萬fans大感崩潰，話佢真人似小夫、鴨嘴獸？

Photo from 微博

原來佢嘴頗為突出，下巴偏方，而鼻子亦不如戴咗口罩嗰陣咁高挺，甚至有fans發現七鶴大人平時經常戴黑色口罩，佢會喺鼻樑位置打白色Highlight「自製高鼻」，以顯得自己輪廓更為深邃。

Photo from 微博

Photo from 微博

Photo from 微博

Photo from 微博

Photo from 微博

Photo from 微博

幻想破滅嘅fans認為七鶴大人絕對係「一嘴毀所有」，但電眼仍然超有魅力，點知喺一次直播中，出鏡嘅七鶴大人唔知係咪唔記得化妆，就咁戴咗口罩就出鏡，眼睛無神不特止，更由深邃雙眼皮變單眼皮，眼睛細一半判若兩人。

Photo from 微博

Photo from 微博

Photo from 微博

原來除咗口罩都仲未算係七鶴大人嘅真面目，卸咗妝先係！不過喺疫情下，街上嘅「靚仔靚女」真係好似多咗唔少。相信七鶴大人嘅完整真容至今仍未有人見到。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）