山東社區每年豪派錢， 滿22歲仲送1300呎新屋！網民葡萄：這些機會不屬於我。

買樓置業係唔少香港年輕人嘅努力工作賺錢嘅目標嚟，但早前喺山東省臨沂市嘅一個社區就推出每年「分樓計劃」，免費贈送符合條件適婚青年各一套逾千呎新屋，價值達 80 多萬人民幣（約 97 萬港元），令唔少網民大感羨慕外，更直言「缺村民嗎？」

Photo from 香港愛情故事

據內地傳媒報導，位於山東臨沂市嘅南村早前自 2009 年起已舉 7 次免費分房運劃，目前已分配 200 多個新樓單位。而免費獲得分配嘅樓房只須係該村居民以及年滿 22 歲，不論男女都可將按出生日期抽籤分配約 1,300 呎嘅「3房2廳」新樓單位，市值約 97 萬港元。

Photo from 每日新闻官方微博

單位內設有儲藏室、地面停車位，以及天然氣設備、太陽能熱水器等；廚房和浴室已完成簡單裝修，拎鎖匙後只需添置家具即可入住。

Photo from 每日新闻官方微博

Photo from 每日新闻官方微博

有獲分配「青年樓」村民指分樓方案公平合理，唔少人都為獲分心儀單位而感到既驚喜又自豪。其中一名青年更喺獲分樓後直言「讓我少奮鬥20多年」，佢更喺拎到新樓鎖匙後，即到母親一齊參觀單位，並對單位嘅布局及設備配套相當滿意。

Photo from 每日新闻官方微博

而除咗送樓外，南村社區居民亦有其他福利，如每年免費為居民進行身體檢查以及向居民分紅：60歲以上，每人有7,000元人民幣（約 8,500 港元）；60歲以下，每人4,000元人民幣（約 4,900 港元），令唔少內地網民羨慕不已，紛紛表示想搬到南村居住。

Photo from 每日新闻官方微博

據了解，南村以前比較貧窮，喺 2006 年起推行「發展集體經濟，實現共同富裕」後，社區收入上升，因此希望還富於民，令村民可享受各種福利，並為青年人紓緩買樓壓力嘅同時亦可將勞動力留喺區內，鼓勵村民喺家鄉安居樂業。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）