【西營盤增肥恩物 沒奶沒命邪惡肥仔奶昔】

Photo from 曲奇獸

夏日炎炎，解渴除左揀台飲同咖啡之外，邪惡奶昔亦可以係另一選擇，唔好諗卡路里唔好理有幾多糖，減肥之前要打好個底飲返杯肥妹野飲!

西營盤站C出口就有間沒奶沒命(No Milkshake No Life)，去西環碼頭之前可以叫返杯外賣邊行邊嘆。

Photo from 曲奇獸

自從Maison冇左之後，周不時想搵間花生醬奶昔飲下，沒奶沒命有除左花生醬口味，亦有朱古力同曲奇奶昔或其他酒類飲品選擇，行過可以整返個肥飲系列。

其實食物方面好多特色推介，例如cranberry cheese toast同各種三文治，只可惜當時已經食飽，否則一定要黎個拉芝多士Share食。

Photo from 曲奇獸

除左出面企既戶外位之外，左邊亦有少量室外位置，如果帶有狗狗亦可以係出面坐低，踩單車路過亦可以先將單車放外面。

Photo from 曲奇獸

藍色餐紙、紅色字、黃色餐牌，使用繽紛既三原色配搭營造出活潑感。枱面最吸精既係放紙巾既黑白潑墨crow canyon home杯，細節位好加分。

Photo from 曲奇獸

沒奶沒命走美國型格風，擺放大量金社所賣既五金店產品，無論牆身既窿窿板定係小擺設，都有種現化工業風混合趣怪特色既感覺。

Photo from 曲奇獸

下午3點，位置唔多，但全店落地玻璃引入自然光，一邊望住外面陽光照射入店內既變化，即使要同其他人坐埋一齊仍然覺得寫意。

Photo from 曲奇獸

隔離位既紅髮細路中途加入，加重身處外國既感覺，另帶一提，小朋友如果想兩個人一杯奶昔亦可要求店員幫手分杯。

咖啡OREO ($58)
香蕉朱古力 ($58)

No Milkshake No Life
地址 西環山道31-37道兆禧閣地下A鋪
電話號碼 2894 9311
營業時間 每日12pm-9pm