搵兄弟幫手求婚反被女友1句話焫着　港男嬲爆：有冇理過我感受！網民反應兩極

唔少人拍拖時都會帶另一半見吓自己嘅兄弟/姊妹，而喺求婚更會叫作哋幫手佈置現場，務求畀對方一個難忘嘅求婚現場。不過近日有網友就喺討論區大呻自己女朋友喺一班兄弟幫手佈置後，竟然講咗一句令全部兄弟都指該網友重色輕友。

Photo from TVB

近日有網友就喺討論區以「條女講咗一句說話，搞到成班兄弟嬲咗我」為題發文，指自己同女友拍咗幾年拖，打算同對方結婚，所以請一班兄弟幫手佈置求婚現場，打算畀女友有一個難忘而美好嘅回憶，但點知喺完成晒所有事情後，女友突然說咗一句：「我唔想見到佢哋，叫佢哋走喇！」

Photo from TVB

Photo from TVB

當時樓主指自己都呆咗，並指雖然知道女友平時都好有「性格」，但佢冇諗過今次佢會喺自己嘅兄弟面前咁講嘢，令樓主好嬲直指：「有冇理過我感受？」而依家樓主嘅兄弟亦對佢有微言，認為樓主太「重色輕友」。

Photo from TVB

帖文引嚟不少網友討論，有人就勸樓主應該分手，指如果依家唔分，之後樓主可能就會冇晒朋友，更會要喺兄弟同老婆之間二選一。

Photo from 香港討論區

Photo from 香港討論區

亦有唔少網友就覺得女方唔識尊重，如果樓主依家唔解決，以後就會一世做老婆奴。當然亦有網友搞笑教樓主，下次喺女友同班閨蜜一齊時，逐個逐個彈佢哋個妝同衣著反擊，不過用依個方法時就有一定嘅風險，因為你永遠都唔會知女方下一步會點，最好就有定分手嘅心理準備。

Photo from 香港討論區

Photo from 香港討論區

另外，有網友就反問留樓主有冇理過女方嘅感受，認為會唔會因為場面太多人，女友覺得尷尬先咁講，始終唔係個個女仔都鍾意依啲「大龍鳳」，所以樓主應該先好好對女方傾吓，如果唔係大家有心結，就算最後結咁婚都會可能成為日後嗌交嘅導火線。

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）