陳冠希姐姐陳見飛近照曝光！44歲但保養得宜比細佬更顯年輕！

40歲嘅陳冠希（Edison）初出道年僅20歲，憑混血靚仔樣成為好多女性心目中嘅「男神」，不過近年常被指走樣，帥臉不再。佢二家姐陳見飛（Tricia）反而保養得好好，依家望落仲後生過細佬！

Photo from 《新紮師兄》

Edison今年40歲，佢淡出娛樂圈後主力發展個人品牌，獲封為「潮人」。不過潮流呢啲嘢就唔係個個識欣賞，Edison唔少打扮都被網民笑。

Photo from 陳冠希IG

男神年歲漸大，不時會喺IG post相公開佢同妻子、女兒一家三口嘅合照，展露燦爛笑容嘅Edison就現晒魚尾紋、法令紋，但考慮到佢嘅年紀，有紋其實都好正常。

Photo from 陳冠希IG

佢之後又開直播同觀眾交流，佢大方公開素顏，但係近鏡下佢面上嘅斑點無所遁形，仲有超深眼袋，令人慨嘆昔日男神面目全非。

Photo from 陳冠希IG

不過陳冠希嘅二家姐陳見飛就keep得唔錯！陳見飛比陳冠希大3歲，今年8月就44歲，2002年曾出過唱片，亦有做模特兒工作，不過多年嚟一直星途平平。

Photo from 陳見飛IG

陳見飛現時居住於美國加洲，同細佬一家離得不遠，喺佢IG都會見到佢同侄女Alaia嘅合照，關係相當親近。

Photo from 陳見飛IG

Photo from 陳見飛IG

Photo from 陳見飛IG

陳見飛雖然比Edison年長，但明顯保養得宜，外貌身材都未有太大改變，就算喺近鏡都唔失禮，睇落仲後生過細佬！

Photo from 陳見飛IG

Photo from 陳見飛IG

Photo from 陳見飛IG

佢養咗隻兩隻可愛貴婦犬Kiki同Lala，仲幫佢哋開埋IG添！佢亦曾喺IG大晒三姐弟童年合照，相面非常溫馨～

Photo from 陳見飛IG

Photo from 陳見飛IG

Photo from 陳見飛IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

40歲陳冠希光頭look被指似小丸子爺爺！一文睇入行20年外型進化史！

19 Oct 2020

40歲嘅陳冠希（Edison）出道20年，係唔少人心目中嘅「男神」，又創立品牌成「潮人」。近年外貌經常成為話題，指佢靚仔樣不再，佢最近造型更被笑似小丸子爺爺！

陳冠希（Edison）今年40歲，2000年出道憑混血靚仔樣成為唔少女性心目中嘅「男神」，參演過唔少電影。

淡出娛樂圈後佢創立個人品牌，獲封潮人。不過近年佢常被指外貌崩壞，靚仔樣不再，最新造型更成為話題，被指似小丸子爺爺。

Edison喺IG post出一身名牌衣著，但黑背心、紅褲嘅穿搭被網民笑似水喉工。加上光頭髮型現老態令人諗起小丸子爺爺。

其實Edison嘅外貌一向備受關注，佢2000年出道時簡直驚為天人，不論男女都被佢外貌迷倒，一齊嚟睇佢出道20年外貌進化史：

《特警新人類2》

演「Edison」一角，紅色頭髮同佢壞壞嘅氣質好夾。

可左右滑動看圖：

《無間道》

飾演年青時嘅劉德華，著制服非常型仔。

可左右滑動看圖：

《新紮師兄》

仍然靚仔，同謝霆鋒合作。

Photo from 《新紮師兄》

《頭文字D》

當年25歲，食煙都咁型。

Photo from 《頭文字D》

《金雞SSS》

造型搞笑，但外型仍睇得出當年嘅面貌。

Photo from 陳冠希微博

曾經有一張圖非常流行，就係陳冠希同一位阿伯「換臉」照，而Edison不論著白背心，定係裇衫都咁型，完美演繹「你的樣子如何」、「時尚嘅完成係臉」。

可左右滑動看圖：

不過早喺兩個月前，Edison post出一家三口嘅合照，佢笑到現晒魚尾紋，不過佢已近40歲，其實都好正常。

Photo from 陳冠希IG

近月佢開直播，無剃鬚仍無懼近鏡，但滿面癦屎，加上超深眼袋，望落有啲嚇人。

Photo from 微博

而曾經係「你的樣子如何」代言人嘅Edison以往就算著白背心都咁型，依家新造型就似水喉工、小丸子爺爺，昔日男神樣不再，令人不勝唏噓。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）