【東張西望】軟飯王扮富豪騙財過百萬 受害人從藥袋揭真相，騙徒有案底兼住豪宅！

香港人生活繁忙，想擴大生活圈子，因此唔少人都會嘗試喺交友 App 結識朋友，甚至搵另一半，不過喺交友嘅同時亦要提高警覺，以防中伏！

Photo from TVB/YT

無綫節目《東張西望》收到兩位苦主報料，指自己遇到一位自稱高學歷高職兼身家豐厚嘅男士 David Chou，被對方嘅花言巧語欺騙，最終被騙情騙財。

Photo from TVB/YT

Photo from TVB/YT

節目中兩位當事人指依位「肥佬軟飯王」自稱David Chou，綽號Panda，年過五十，外形略肥，喺史丹福法律系畢業，正從事金融業。其中一位當事人 Karlie 就指自己正與先生打離婚官司，所以打算試吓喺交友 App 中結識一啲法律人士尋求意見，因此認識咗對方，當時 David Chou 表示自己同樣正在處理離婚手續，之後又約 Karlie 到半島酒店見面，營造出有司機、名車及保鑣嘅富豪形象，更多次帶當事人出入高級場合。

Photo from TVB/YT

不過都話咗係騙徒又點會專心喺一個人身上呢！David Chou 職業相當「多變」，喺面對 Karlie 時就係大律師，但對住另一位當事人 Mabel，佢就變身成為基金公司老闆，坐擁遊艇及多輛名車，家住逾萬平方呎的淺水灣豪宅。

Photo from TVB/YT

而《東張西望》主持更到蘭桂坊尋找 David 嘅蹤跡，發現原來唔少酒吧嘅老闆同員工都認識 David，仲形容佢非常富有。亦因此令兩位當事人對 David Chou 放低戒心，對佢嘅身份深信不疑。

Photo from TVB/YT

Photo from TVB/YT

其後，David Chou 就開始出動甜言密語並向 Karlie 指自己因為同老婆離婚打官司而所有銀行賬戶都被凍結，所以不斷問 Karlie 借錢，每次都係 2 萬，總金額逾百萬。而 Mable 亦指對方會喺隔日就叫自己從提款機提取 2 萬元畀佢，提款次數更超過六十次。

除咗哄騙當事人提款外，佢仲會不斷用當事人嘅信用卡簽賬消費，金額高達 130 萬（兩當事人嘅信用卡分別消費 60 - 70 萬）。

Photo from TVB

最後由 Daivd 有次指自己生病並 send 咗一張藥物嘅相畀 Karlie，Karlie 因為透過藥物袋上嘅名字唔同而揭發騙局，更發現 David Chou 係一位新加坡罪犯。而 Mabel 就喺分手後想追回當事嘅借畀對方嘅錢，從而因其 payme 嘅頭像揭穿真相。

Photo from TVB/YT

Photo from TVB/YT

其後，《東張西望》翻查網上新聞發現 David 原來早已臭名遠播，並指佢唔係姓 Chou，本名係「王XX」為新加坡籍華人。2011 年時「王XX」喺香港曾因一項盜竊及 14 項欺詐罪成入獄，2014 年 8 月刑滿出獄及被遣返新加坡。估唔到事隔 6 年後佢又再喺香港重施故技騙女人錢。

Photo from TVB/YT

Photo from TVB/YT

此外據悉，「王XX」喺香港有一位名為 Michelle 嘅女伴，兩人育有一子，一家三口住喺紅磡豪宅。當事人不甘被騙財養對方一家，想盡方法追討損失，但竟遭到粗言穢語辱罵。當主持人致電「David」王先生及 Michelle 時，兩人唔單止冇正面回應，更不斷話「完全是廢話」最後更 cut 線。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）