杜汶澤強調同劉德華勢不兩立！不滿被指住華仔豪宅度日 「因為咁先反面！」

藝人杜汶澤現時身在台灣，日前，佢突然喺社交平台貼出一則指佢曾多次投靠天王劉德華嘅報道，嬲爆澄清自己無如新聞所指，曾借住劉德華豪宅、及要求對方投資電影，又透露自己因為一個原因先同劉德華反面，引起網民熱議。

Photo from 杜汶澤 FB

杜汶澤近年主力經營自家影片頻道，亦經常關注本土及台灣政治議題。向來敢言嘅佢，言論不時引起網民熱議。日前，佢喺Facebook上載一幅新聞截圖，內容有關杜汶澤十幾年前嘅不實謠言。對於虛假舊聞被翻炒，佢都非常憤怒，並發文強烈譴責該媒體，同時為自己澄清。

Photo from 《視點31》 RTHK

有指，杜汶澤喺多年前拍攝電影《無間道》時無名氣、收入又不穩。所以，劉德華當時就將自己嘅豪宅借畀佢住，仲為撐杜汶澤而做佢伴郎。

Photo from 《無間道》截圖

對此，杜汶澤否認傳聞，激動反駁：「我二十年前每個月付三萬港幣的租金算特別便宜嗎？」

Photo from 《視點31》 RTHK

Photo from 杜汶澤 FB

該報道又指，杜汶澤於2006年擔任監製及男主角嘅電影《伊莎貝拉》叫好不叫座，但杜汶澤依然要求劉德華投資畀佢拍續集，然後遭到華仔拒絕，二人從此反目成仇。

Photo from 《伊莎貝拉》 Junzhao Li Youutbe

杜汶澤亦再次反駁：「我有叫過他（劉德華）投資我嗎？那時我老闆是林建岳，這姓劉的比他更有錢嗎？」

Photo from 《視點31》 RTHK

Photo from 杜汶澤 FB

澄清過後，杜汶澤遂透露佢同劉德華一直和平相處。直至近年，杜汶澤不滿對方嘅政治取態，認為佢同香港人「對著幹」，自此先同劉德華勢不兩立。

Photo from 《無間道》截圖

Photo from 《走佬去臺灣》 ViuTV

Photo from 杜汶澤 FB

帖文最後，杜汶澤不忘爆粗表示自己對假新聞攻擊將採取零容忍立場。其支持者亦有留言安慰佢，認為人紅是非多，亦支持佢反擊不實報道。

Photo from 杜汶澤 FB評論

Photo from 杜汶澤 FB評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）