劏房生意原來賺勁多！網友分享一個月閒閒地收廿萬租：低下層人口太好搾壓

香港地方淺窄，要買樓上車十分困難，有唔少人都會選擇租劏房。有網友分享佢屋企有十幾個單位整咗做劏房，每月收入非常驚人，令佢感歎：「劏房生意原來真係好好賺。」

Photo from 香港愛情故事

有網民喺連登討論區以「劏房生意原來真係好好賺」為題開post，樓主指自己本身都知道劏房好賺, 但無諗過個數目會係咁誇張。

Photo from 一念無明

樓主表示佢呢1～2年無做嘢，主力幫屋企打理生意。樓主屋企有10幾個單位用咗嚟做劏房，夾夾埋埋有成50~60個劏房租咗出去。

Photo from 香港愛情故事

佢指每間劏房平均租金約港幣$4,000~5,000，一個月計落已經有$20萬收入。

Photo from 一念無明

而且多數劏房都喺唐樓, 唔洗交管理費，無打厘印稅亦唔洗交。平時最多都係交垃圾費，支出僅一百幾十，樓主指：「收返多d水電費果到都夠cover」

Photo from 上流寄生族

樓主坦言會遇到租霸：「但係洗小小錢搵人同佢傾下計多數1個月內會走, case數量唔多所以都ok」，佢又指早前曾經因為舊區重建收購其單位，1個單位收過千萬！

Photo from 上流寄生族

不過有網民就認為依家買樓咁難，邊有咁易做到劏房生意：「早好多年買落就話啫，講經咩」、「依家裝修都唔平，d租客都好識野，企理裝修，4年左右先回到本，多就話姐，一兩個就唔係好好搵」，樓主就表示：「識人早幾年先開始做劏房都賺到笑，香港低下層人口太好搾壓」

Photo from lihkg

有網友就指聽講超過十一間就會查牌：「唔驚咩？」，樓主就回應指佢爸爸媽媽、搞開開劏房嘅朋友個個都係咁做：「養到d仔女個個大大隻隻，食飽飯等r腳趾」

Photo from 富貴逼人

Photo from lihkg

亦有網友忿忿不平，表示劏房真係好衰：「屋企樓上早幾年裝修咗做劏房，改曬啲水渠位，結果樓上漏水漏到我成間屋啲天花爛晒，仲要唔認數」，又有網友發現樓主似乎暴露咗唔少嘢：「收返多d水電？即係樓主呃緊人。報大數。」

Photo from 一念無明

Photo from lihkg

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）