麥明詩劍橋法律系/呂慧儀科大神科畢業/郭藹明機械工程碩士！9位高學歷港姐大盤點

2023香港小姐三甲出爐，佢哋都仲係學生。冠軍莊子璇就讀香港大學食物及營養學系、亞軍王怡然則就讀於浸會大學、季軍王敏慈係中央戲劇學院學生。多年嚟港姐以「美貌與智慧並重」為競選口號，多年嚟有唔少美女當選後入行，佢哋有唔少都畢業於知名學府，一齊回顧歷屆高學歷港姐！

Photo from TVB

#許子萱 同時獲英國劍橋大學、牛津大學工商管理系碩士課程錄取

Photo from TVB

2022年港姐亞軍許子萱喺參選初期就獲封學霸，佢畢業於美國密西根大學（University of Michigan）金融及戰略管理系，大學畢業後更曾於華爾街任職投行分析師，佢同時獲兩大著名學府劍橋大學及牛津大學錄取就讀MBA碩士課程！

Photo from 許子萱IG

因為高學歷背景，許子萱參選時備受關注，除咗亞軍之外佢更獲得「國際親善小姐」及「生態保育大使」兩項大獎。

Photo from TVB

#麥明詩 劍橋大學法律系

Photo from TVB

麥明詩於2015年參選港姐，喺第一輪面試即被認出係當年會考嘅「10優狀元」，令佢成為大熱門，佢亦未有令觀眾失望，大熱奪冠。

Photo from TVB

佢會考奪得十優後就去英國升學，之後順利取得法律學學士學位。麥明詩當選後仍繼續努力向法律方面發展，更考獲美國執業律師資格，佢之後同TVB改簽部頭約，轉行喺跨國企業擔任商業顧問。

Photo from 麥明詩IG

#朱千雪 香港城市大學法律博士

Photo from 朱千雪IG

朱千雪參選2012年香港小姐，當年首次由全港市民一人一票選出冠軍，佢呼聲甚高，但最後卻因網上投票系統伺服器發生問題令佢僅獲季軍。不過千雪bb亦因此獲封「民選港姐」。

Photo from TVB

Photo from TVB

佢入行後即獲力捧，於《EU超時任務》首度擔演女主角，演技備受好評。觀眾緣極佳嘅千雪bb 2015年請假一年修讀香港中文大學企業傳播社會科學系碩士學位，翌年再修讀香港城市大學法律博士學位，2020年完成3個月實習後正式加入成為大律師。近年佢已淡出幕前，主力做法律工作，同青梅竹馬男友結婚後更安心做人妻，不時喺IG晒下廚嘅相片。

Photo from 朱千雪IG

#郭藹明 美國南加州大學機械工程學碩士

Photo from TVB

郭藹明係圈中知名嘅高學歷人士，佢參選1991年度香港小姐競選時為碩士生，奪冠後入行，出演過唔少電視劇。

Photo from TVB

有傳佢曾獲美國太空總署確認為正式工程師，不過佢否認，郭藹明指佢有喺當地私人航天公司實習過一年幾。佢1998年同劉青雲結婚後漸漸淡出娛樂圈，專心做影帝背後嘅女人。

Photo from TVB

#岑杏賢 香港理工大學諮商與輔導文學碩士

Photo from TVB

岑杏賢參加《2012年度香港小姐競選》並獲得「最上鏡小姐」等3個獎項。佢中六時已自修心理學，之後修讀倫敦布魯內爾大學心理學學士課程。

Photo from 岑杏賢微博

佢回流香港參選港姐後入行，同時進修並於2014年獲香港理工大學諮商與輔導文學碩士學位，更兼職任心理輔導師。佢2020年與男友結婚成為少奶奶。

Photo from 岑杏賢IG

#麥雅緻 三藩市大學教育碩士

Photo from 麥雅緻IG

麥雅緻於2005年參選香港小姐，落選後入行。佢10歲去美國升學，之後喺三藩市大學讀書。佢之後與TVB演員張頴康結婚，婚後育有3名子女。

Photo from 麥雅緻IG

喺教育子女方面麥雅緻曾表示自己耐心唔夠，2019年佢重返校園修讀教育碩士，希望不斷學習亦成為子女嘅榜樣。

#呂慧儀 香港科技大學電子工程系

Photo from TVB

呂慧儀2006年參加香港小姐獲得季軍後入行，因為優越嘅身高同擁有一雙長腳而獲稱為「長腳蟹」，佢由細到大數學成績都好好，中七時更係理科全級第一！參加A-Level嘅中國語文及文化科亦取得A級成績，入讀科大收生要求甚高嘅電子工程系。

Photo from TVB

讀電子工程系嘅長腳蟹對電器都略有研究，家中嘅電器壞咗佢會嘗試自行修理，連門鈴都係佢親自設計，係其中一份功課！

Photo from 呂慧儀IG

#郭羨妮 西門菲莎大學心理學及經濟學

Photo from TVB

郭羨妮參選1999年香港小姐競選，並以大熱姿態獲「最上鏡小姐」、「國際親善小姐」、「千禧才智小姐」，成為四料冠軍。

Photo from 郭羨妮微博

原來佢喺加拿大西門菲莎大學修選心理學及經濟學，以雙學位畢業，之後成為一名空中服務員。2011年郭羨妮與大陸動作導演朱少杰結婚，兩人育有一女。

Photo from 郭羨妮微博

#張嘉兒 香港中文大學公共衞生碩士

Photo from TVB

張嘉兒9歲移民加拿大溫哥華，之後参加過2005年度溫哥華華裔小姐，到2007年佢參加香港小姐競選榮獲冠軍。

Photo from TVB

張嘉兒都係喺加拿大英屬哥倫比亞大學（UBC）就讀，並於營養學系畢業，2015年佢與與金融才俊男友Nathan結婚，同年喺香港中文大學完成公共衞生碩士課程。

Photo from 張嘉兒微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）