日本票選「中國最美女星」陳慧琳林志玲有份！楊冪屈居第二，第一名係佢？！

娛樂新聞

By Cheryl on 18 Jun 2021

Digital Editor

世界各地嘅媒體網站不時舉行最美明星選舉，最近，日本一網站推出了一個名為「中國最美女藝人」嘅排行榜單，當中有唔少香港人熟悉面孔，更包括近年減少幕前演出嘅陳慧琳！而中國著名女星楊冪得第二，想知道邊個係第一名就要留意以下內容~

Photo from 日本網站截圖

#10 陳喬恩

Photo from 陳喬恩微博

演出過唔少經典台劇嘅陳喬恩排行第十，現年42歲嘅佢凍齡有道，由以前劇中嘅鄰家小妹形象長大成呢家充滿女人味嘅淑女。日本評論認為，陳喬恩嘅美貌引人入勝，而且演技好，成熟同清純氣質都被佢完美演繹。

Photo from 陳喬恩微博

#9 林依晨

Photo from 林依晨微博

以《惡作劇之吻》中呆萌嘅「袁湘琴」一角在香港打響知名度嘅林依晨排名第九。佢喺多套喜劇中嘅貼地演出大受觀眾歡迎，予人親切可愛感覺。至今，佢同鄭元暢嘅「惡吻CP」仍能掀起話題。有日本評論認為，林依晨嘅演出能夠帶畀人歡樂，樣子亦甜美。

Photo from 林依晨微博

#8 龍夢柔

Photo from 龍夢柔微博

被指與日本「國民老婆」新垣結衣似樣嘅中國藝人龍夢柔排名第八。被稱為「中國版結衣」嘅佢，於2018年簽約日本Avex公司，正式喺日本出道。佢亦曾於日本戀愛真人騷《雙層公寓》亮相。雖然佢喺中日兩地吸納唔少粉絲，但佢嘅路人緣一般，有網民不滿佢過度模仿新垣結衣，認為佢太依賴結衣名氣嚟維持熱度。不過，有部分日本人受落，表示喺日本見過佢嘅廣告，覺得佢幾得意。

Photo from 龍夢柔微博

#7 陳慧琳

Photo from 陳慧琳微博

香港藝人陳慧琳亦上榜！排名第七。48歲嘅Kelly育有兩名兒子，佢早年曾到日本發展，當年有唔少日本人鐘意佢。雖然佢已回到香港發展，現時亦減少幕前演出，專注家庭。但可見日本人未有忘記Kelly，更有日本網民表示，喺佢心目中，Kelly同天海佑希（曾出演《女王的教室》）有同等地位，兩人都有好演技，而且都係成熟又帥氣嘅女子。

Photo from 陳慧琳微博

#6 迪麗熱巴

Photo from 迪麗熱巴微博

嚟自新疆嘅迪麗熱巴排名第六，佢擁有如洋娃娃般嘅高鼻大眼，充滿異國風情，令人驚艷，連日本人都注意到佢嘅光芒。佢係中國當紅小花，擔正過唔少戲劇。有日本評論認為，佢長相滿分，可鹽可甜。

Photo from 迪麗熱巴微博

#5 林志玲

Photo from 林志玲微博

氣質優雅嘅志玲姐姐排名第5。身材高挑、聲線嬌嗲嘅林志玲保養得宜。佢於2019年與小7歲嘅日本男子組合EXILE成員Akira（黑澤良平）結婚，消息震驚中日兩地。有日本評論認為，林志玲係令人憧憬嘅存在，佢同Akira不論長相才華都非常般配。

Photo from 林志玲微博

#4 范冰冰

Photo from 范冰冰微博

近年捲入逃稅務風波嘅范冰冰排名第4。喺未發生醜聞前，佢經常擔正各大型戲劇，甚至曾出演荷里活電影《X Men : Days of Future Past》，引起全球影迷關注。有日本網民表示，雖然佢有各種不良傳聞，但顏值都係中國影圈數一數二嘅，氣場亦首屈一指！

Photo from 范冰冰微博

#3 章子怡

Photo from 章子怡微博

曾參演《臥虎藏龍》而打響國際知名度嘅章子怡排名第三。佢同有「中國搖滾教父」之稱嘅汪峰於2015年註冊結婚。章子怡氣質端莊優雅，外貌富有東方特色。有日本評論指，佢自少女時期便散發出與眾不同嘅氣質，令人一看難忘。

Photo from 章子怡微博

#2 楊冪

Photo from 楊冪微博

出演過唔少著名內地劇嘅女星楊冪排名第二。佢輪廓分明，身材亦好好。自2009年出演《仙劍奇俠傳三》後人氣高企，此後佢持續參演唔少大熱作品。有日本網民認為，楊冪氣質動人，係中華美人嘅代表！

Photo from 楊冪微博超話

#1 楊穎 Angelababy

Photo from 楊穎微博

奪得「中國最美女藝人」榜單冠軍人物就係楊穎（Angelababy）！雖然佢有過整容爭議，但仍吸納唔少粉絲，喺內地擁有高人氣。佢五官精緻，有如漫畫人物般嘅高鼻大眼，經常拍攝美照，又出演過好多內地知名戲劇及綜藝節目。佢出道初期曾到日本發展模特兒事業，所以喺當地都有相當知名度。有日本網民表示，第一次見到楊穎時就覺得佢好靚，對世界有長相如此精緻嘅人感到驚訝。