Edan@MIRROR驚覺爸爸同羅家英撞樣！盤點5位曾公開露面的「鏡爸」呢位更係跆拳道高手！

昨日係父親節，唔少藝人都上載自己同父親嘅合照，去表達愛意～Edan@MIRROR就貫徹佢幽默嘅風格竟然「出賣」爸爸，話佢同家英哥（羅家英）非常似樣，令網民忍唔住爆笑～順便盤點一下其他出過鏡嘅MIRROR成員爸爸們，睇下父子們似唔似樣啦～

Photo from Edan IG

Edan@MIRROR一向都出名疼妹妹，同家人關係亦十分好。琴日適逢父親節，佢就驚覺爸爸竟然同圈中嘅一位大前輩撞樣，令佢忍唔住po上自己IG，唔少網民都紛紛留言話佢「連屋企人都唔放過」！

Photo from Edan IG

Photo from Edan IG

Edan表示喺透過相簿人物尋找爸爸照片時，發現仲有家英哥（羅家英）嘅相包含喺入面，令佢忍唔住大笑！對比之下，就咁睇兩人的確有幾分相似，都係光頭而且戴住眼鏡，就連Edan都忍唔住話兩人嘅相似程度係受到電話嘅人臉辨識所認證～

Photo from Edan IG

Photo from Edan IG

其實MIRROR其他成員嘅爸爸都有露過面㗎，而家就一齊睇下啦～

姜濤

姜濤曾經於今年初表示爸爸不幸於上年年尾中風入院，佢喺IG上載咗去探望爸爸嘅片段，表示自己會努力照顧好家人，年紀少少就已經非常成熟！後來，MIRROR舉行演唱會時，姜濤嘅爸爸亦有到場支持～

Photo from 姜濤IG

Photo from 姜濤IG

Anson Lo

琴日，Anson Lo都有上載相片慶祝父親節，不過佢就上載咗爸爸喺梳發瞓覺嘅相，同Edan一樣調皮～其實之前教主就已經有公開過同爸爸嘅合照，當時就有唔少網民認為佢哋嘅樣貌十分相似，唔知大家又覺得似唔似呢？

Photo from Anson Lo IG

Photo from Anson Lo IG

AK

AK就曾經表示爸爸本來並唔支持佢投身娛樂圈，不過隨住佢喺《全民造星》嘅表現逐漸進步，再加入埋MIRROR，終於得到爸爸嘅認同！佢上載過同家人嘅大合照，其中好多人都認為佢同爸爸嘅神情十分相似。

Photo from AK IG

Photo from AK IG

Lokman

Lokman一家就喺《全民造星》出鏡露過面，家人關係不錯！而佢就曾經透露爸爸係一位跆拳道教練，難怪身形睇落咁fit啦～

Photo from 《全民造星》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）