「屯馬開通真的很興奮」點擊率/人氣直逼國民初戀！原來真人多才多藝對氣象有研究

時事熱話娛樂新聞

By Jennifer on 28 Jun 2021

Digital Editor

今晚食乜餸：小二，嚟一碟花生！

港鐵屯馬線開通吸引咗唔少鐵路迷專程「朝聖」搭頭班車，其中有一位羅先生接受TVB新聞訪問時更大唱自己改詞《綠袖子》嘅「屯馬開通真的很興奮」，旋即成為網上熱話，更有唔少網民二次創作晒成首歌。

Photo from TVB

港鐵屯馬線全線通車，成為全港最長嘅鐵路線，首日凌晨3、4點已有大批鐵路迷到宋皇臺站等入閘，希望可以搭到第一班車。

Photo from TVB

而TVB新聞台亦訪問咗幾位鐵路迷，其中一位「羅先生」更以歌聊表心情：「呢句歌詞我自己諗嘅，『屯馬～開通～真的很～興奮～』，就係咁樣囉，可以形容我呢一刻嘅心情。」

Photo from TVB

羅先生將香港DSE聆聽背景音樂《綠袖子（Greensleeves）》作二次創作，親先填詞表達佢個人嘅興奮心情，由於《綠袖子》原曲係純音樂嘅英格蘭民謠，雖然僅一個歌詞，但羅先生所作歌詞琅琅上口，加上《綠袖子》洗腦旋律，「屯馬開通真的很興奮」隨即hit爆網絡，掀起一陣熱話。

Photo from 羅哲琛YouTube

其實羅先生喺屯馬線一期開通時都有到場見證，佢表示就算落大雨都好值得嚟。又有人發現羅先生曾於網上發表：「本人將正式成為巴士迷，並發表演說」。

Photo from TVB

喺YouTube有網友將羅先生嘅訪問片後剪輯成歌曲，短短十幾個鐘就已經極速突破10萬點擊率，以呢個view數增長速度，分分鐘超越《聲夢傳奇》學員姚焯菲所唱嘅《戀愛預告》。

Photo from TVB

而影片更獲羅先生本人留言：「多謝你幫我整，I like it very much!」，有唔少網友回覆指：「羅生有冇考慮進軍樂壇？」、「推上熱門第一並成為國民初戀」、「比得上國民初戀」。

Photo from YouTube

羅先生原來有開設自己個人嘅YouTube Channel，佢以真名「羅哲琛」命名佢嘅個人頻道，佢原來真人多才多藝，早年有玩開網上「大富翁」。

Photo from 羅哲琛YouTube

羅先生更對氣象有所研究，有專門節目《颱風觀》分析熱帶氣旋嘅走向，又解釋一啲氣象知識，探討兩個熱帶氣旋會否互相影響等議題。

Photo from 羅哲琛YouTube

多才多藝嘅羅先生仲識玩魔術！佢唔止上傳魔術表演片段，又不吝嗇公開魔術教學片，有網友指佢把聲幾好聽，大讚佢：「呢啲先叫KOL」。

Photo from 羅哲琛YouTube

Photo from lihkg

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

網民大讚《聲夢傳奇》姚焯菲飲水好靚「冇諗過飲水可以咁好睇！」

22 Jun 2021

現年只係得14歲嘅姚焯菲（Chantel）因為參加《聲夢傳奇》而人氣急升，引起網民嘅關注！近日，網上就上載咗一條Chantel飲水嘅影片，而影片只係上傳咗短短一日，就已經有三萬點擊率，人氣果然厲害！

Photo from 姚焯菲IG

姚焯菲（Chantel）最近人氣高企，憑著甜美嘅外表同歌聲，成功吸引觀眾注意！而佢喺TVB節目《聲夢傳奇》演唱《戀愛預告》嘅YouTube影片，至今已經突破250萬點擊率，獲得網民大讚～

Photo from 姚焯菲IG

Photo from 《聲夢傳奇》YouTube

日前，網上就流傳咗一條Chantel飲水嘅影片，而影片只係上傳咗一日就已經超過3萬嘅點擊率，人氣果然非常旺！

Photo from YouTube

由影片中所見，只見Chantel喺後台飲用「怡寶」純淨水，而網民們仲將佢飲水嘅畫面以慢動作再中重覆播放，睇嚟係想好好咁欣賞佢飲水嘅美態～

Photo from YouTube

影片嘅後半段就有節目中另一位參賽者Windy（詹天文）所拍攝嘅片段，只見Chantel又係度飲水，仲重覆咁講咗幾次「怡寶嘅水係最好嘅！」原來佢對呢個品牌嘅水十分情有獨鍾呢！而片中都可以睇得出Windy同Chantel嘅感情非常好，就算拍攝完節目都會一齊坐家人嘅「專車」返屋企㗎～

Photo from Windy IG Live

唔少網民睇完影片後，都表示覺得Chantel好可愛，並且希望佢可以快啲拍廣告；亦有網民大讚Chantel連飲水都好靚啊～

Photo from YouTube

Text: HolidaySmart Editorial

《聲夢傳奇》姚焯菲父母跟到實疑避吳業坤！《戀愛預告》view數被指有水份

21 Jun 2021

《聲夢傳奇》播出後備受關注，尤其係炎明熹（Gigi）同姚焯菲（Chantel），佢哋年紀輕輕但係大熱人選，早前有指姚焯菲已簽約TVB五年，對於傳聞，Chantel未有否認。

《聲夢傳奇》十強早已誕生，經過6輪比賽後，現時大熱門係16歲嘅炎明熹同14歲嘅姚焯菲。佢哋憑卓越嘅唱功需備受矚目。

其中姚焯菲唱《戀愛預告》嘅YouTube片段點擊率已突破250萬，Chantel更獲封為「國民初戀」，對比起另一大熱炎明熹唱嘅《沒有你還是愛你》，雖然比起《戀愛預告》早兩星期，view數有160萬，不過Chantel後勁凌厲，反超Gigi差唔多100萬！

Chantel成為近期紅人，有指佢家境富貴，父母係會計師，更為方便女兒返學，豪擲$2000萬搬去學校附近居住，不過Chantel澄清佢由細到大都無搬過屋，對於已簽約TVB 5年嘅傳聞佢亦未有否認，只表示會盡可能兼顧兩邊，但一定以學業為重。而Gigi就指應該大家都收到TVB簽約邀請，不過佢表示自己未簽，仲要考慮下。