YouTuber大J張致恒將加入戰局! 林作鍾培生信心十足 誓要擊敗對方

鍾培生同林作嘅「百萬拳擊賽」將於9月18日於九展舉行，兩人都加緊練習為比賽咗準備！最近，佢哋就召開記者會向大家公佈拳賽嘅詳情，仲表示藝人張致恒同YouTuber大J 亦會對戰，令唔少網民期待！

Photo from 鍾培生YouTube

林作同鍾培生所約定嘅「百萬拳擊賽」日子越來越近，兩人就一直都為比賽努力練拳！日前，佢哋於九展召開記者會《培生擂台：無敵盃We Are Champs》，公佈9月18日拳賽嘅詳情，而佢哋亦表示當日將會有另外2組嘅比賽！

Photo from 鍾培生YouTube

其中，藝人張致恒對戰YouTuber大J嘅拳賽最受大家觸目！張致恒因為工作關係身處內地，未能夠現身記者會。不過佢就拍攝短片表示自己努力運動備戰，希望可以俾大家見到佢全新嘅一面，話「多謝太太同屋企人嘅支持，無論輸定贏都希望可以獲得大家嘅掌聲！」

Photo from 鍾培生YouTube

Photo from 鍾培生YouTube

而對手大J就表示自己一直都拒絕參加，不過一聽到對手係張致恒就即刻答應出賽，表示「見佢經常佢喺大灣區唱歌參加派對，覺得值得一戰」！佢表示自己完全冇學習過拳擊格鬥等嘅經驗，但既然而家上得台就會全力以赴，將自己最好嘅一面表現出來。

Photo from 鍾培生YouTube

而主角們林作同鍾培生都表示對自己嘅實力非常有自信，認為絕對可以將對方擊敗！林作就話佢過去呢3個月身材變得非常大隻，仲現場抱起女友裕美，展現自己男人味嘅一面～佢仲話每個星期都會固定同拳館高手對戰，認為到比賽當日可以將鍾培生打到變豬頭！

Photo from 鍾培生YouTube

鍾培生就話好討厭林作嘅行為欠道德，經常傷害別人，據悉佢因為林作利用「東涌羅浩楷」Kristen炒作，而感到憤怒，拒絕同對方交談！佢直言「好唔鍾意佢，要打爆佢個嘴」，睇嚟兩人嘅恩怨越來越深喇！

Photo from 鍾培生YouTube

記者會上亦宣佈咗會有女子組嘅賽事，其中參加咗ViuTV《造美人》嘅Kathy都會出戰！佢表示自己參賽嘅原因只係為咗戰勝自己，希望令自己愛上運動～

Photo from 鍾培生YouTube

Photo from Kathy IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）