港麗酒店暑假Staycation優惠！人均$1000包自助早、午餐+生日送蛋糕/紀念日佈置房間！

香港港麗酒店推出暑假Staycation優惠，人均$1000包自助早、午餐，生日送蛋糕，週年紀念日仲有得幫你佈置房間！即刻睇睇優惠詳情！

位於金鐘嘅5星級酒店香港港麗酒店推出超抵嘅暑假住宿優惠，二人入住只係$2000，即係人均$1000就可以入住豪華客房，包1餐自助午餐及1餐自助早餐，生日入住仲送免費迷你蛋糕，週年紀念日入住會送小熊公仔，仲會幫住客以玫瑰花瓣佈置房間，超級浪漫！今次嘅住宿優惠最快7月1日就可以入住，優惠去到8月31日！

Photo from 香港港麗酒店

Photo from 香港港麗酒店

港麗酒店嘅豪華客房位於高座40至56主樓，可以飽覽繁華市景，房間設計高貴典雅，客房嘅雲石浴室有特大浴缸及獨立淋浴間，住客可以舒舒服服地浸個泡泡浴放鬆身心～

Photo from 香港港麗酒店

Photo from 香港港麗酒店

餐飲方面，方案包括自助午餐，住客可以於酒店嘅咖啡園享用雙人自助午餐，自助餐食物種類豐富，匯聚東南亞及傳統西方美食，仲有一系列豪華海鮮、各式各樣嘅甜品。去到第二日早上仲可以享用埋雙人自助早餐，食個靚早餐，開始美好嘅一日！

Photo from 香港港麗酒店

Photo from conradhkhotel@IG

Photo from conradhkhotel@IG

如果係慶祝生日嘅話，酒店仲會送免費迷你蛋糕，至於週年紀念日入住嘅話，酒店會送得意嘅小熊公仔之外，仲會幫住客用玫瑰花瓣佈置房間，簡直係既貼心又浪漫！不過記住要喺3日前與酒店聯絡，方便酒店作出安排。

Photo from conradhkhotel@IG

Photo from conradhkhotel@IG

今次嘅暑假Staycation優惠最快7月1日就可以入住，優惠去到8月31日，有興趣嘅朋友要快啲上網預訂啦！

Photo from conradhkhotel@IG

港麗酒店暑假Staycation優惠（按此預訂）
【雙人或三人豪華客房+自助午餐+自助早餐】（生日送蛋糕/週年紀念送小熊公仔+房間佈置）
價錢：二人入住$2000（人均$1000）；三人入住$2600（人均$866）
入住日期：2021年7月1日至8月31日
入住時間：15:00
退房時間：12:00

香港港麗酒店
地址：金鐘金鐘道88號

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）